FILIMUNA 1:7 - Ha`bari Ndjema ya I Maore

⁷ Kweli amba tsipara furaha ɓole v̄umoja na mutrilio-ɓari ha siɓaɓu ya uv̄endza waho, mana ha wawe mwananyangu wa shi uaminifu, ziroho za uwatwaharifu zirutuɓishiha.

FILIMUNA 1:7 Referans Kwoze

2 MAKORINTIYO 7:13

Iyo ɗe imana ata rangia ɓari. Na yangina tsena ɓaanda ya umutrilio-ɓari uwo, rika rijiv̄idziwa zaidi ha ifuraha ya Titusa, alio amba iroho yahe ika itrulidziwa na wanyu piyanyu.

1 MATESALONIKA 3:9

Ha kiasi jeje rishindrao rimuhimidiye Mungu husuana na wanyu, ha piya ifuraha rilionayo ha siɓaɓu ya wanyu mbeli za Mungu watru?

2 MAKORINTIYO 7:4

Tsina uaminifu muɓole na wanyu, tsena nisujiv̄iwa ha kusudi ha siɓaɓu ya wanyu. Tsijaya mutrulidzio. Hari-hari na piya taãɓu zatru, furaha yangu isutrisa.

FILIMUNA 1:20

Naam, mwananyangu, hari mwa uv̄umoja wa Raɓi, nirendreye hadja iyo, unirutuɓishe iroho ha siɓaɓu ya Kristi.

1 MATESALONIKA 2:19

Mana ha yakini mbani ɗe tama yatru, furaha yatru, na hishima ritsodziɓuao nayo mbeli za Raɓi watru Insa wakati wa mujilio wahe? Hali tsi ɗe wanyu?

2 YUHANI 1:4

Tsifurahishiha ha kusudi, iv̄o napara ɓaãdhwi hari mwa wana waho walio amba wasuɗunga ikweli, ulawana na iãmuri raipara ha waye Ɓaɓa.

2 TIMUTAUSU 1:16

Raɓi naenedze urehema wahe hari mwa umuraɓa wa Onesiforu, mana anitria ɓari mara nyengi, wala kaona haya na silisili zangu.

1 MATESALONIKA 2:13

iMana tsena ata wasi karisuzia uhimidia Mungu, ɗe iv̄o upara yanyu urongozi wa Mungu ulio amba rimujudzaniwo, muukuɓali tsi amba mauri urongozi wa shiuɓinadamu, ɓadi mauri ɗe inamuna ulio ha kweli, amba urongozi wa Mungu ufanyao hazi moni hanyu wanyu muaminio.

1 MATESALONIKA 1:3

Wasi unahana kula sa mbeli za Mungu watru amma Ɓaɓa zitrendro za uaminifu wanyu, urumwa wa uv̄endza yanyu, na uhodarifu wa itama mulionayo na Raɓi watru Insa-Kristi.

1 MAKORINTIYO 16:18

Mana watrulidza roho yangu, v̄umoja na yanyu. Ɓasi namuv̄e mastaha watru mauri ɗe wao.