2 TIMUTAUSU 4:2 - Ha`bari Ndjema ya I Maore

² judza Urongozi, parilia kula wakati, neka mwema au tsi mwema. Fundra na urudi watru, tria ɓari na usomedza v̄umoja na suɓira ndzikamilifu.

2 TIMUTAUSU 4:2 Referans Kwoze

1 MATESALONIKA 5:14

V̄av̄o wananya wa shi uaminifu, risumutriani ɓari mufahamishe wendza musadjadja, muhodarishe wao wapuha ɓari, musaidiye walemevu, mukane suɓira mbeli za watru piya.

TITUSA 2:15

Ɓasi izo ɗe zalazimu usomedze, utriye ɓari na urudia v̄umoja na yezi ndzikamilifu. V̄usuke ata mutru ahudharau.

1 TIMUTAUSU 4:13

Ha ulindrilia niwaswili, dzihetsi usome ha hadhwira yiMiangishio Mitwaharifu, utriye ɓari, tsena usomedze.

MUV̄ENULIO 3:19

Wav̄endzewa wangu piya wami uwarudi na uwafundra. Ɓasi kana djitihadi, tsena wendre toɓa.

TITUSA 1:13

Ushahidifu uwo kweli. Ɓasi warudi ha uhali, ile pare wakane uaminifu muzuri,

2 TIMUTAUSU 2:21

Ɓasi neka mutru asudzirahatsa ha udziɓausa na trongo zizo, atsoka shiya ya urumishi wa sheo, yatwaharishiwa, imufayio Monyewe, tayari ya kula urumishi mwema.

MAGALATWIYA 6:6

Uwo asomedzewao Urongozi wa Mungu, naanise ndjema zahe piya na uwo amusomedzao.

MAROMU 12:12

Hari mwa itama mulionayo, namufurahi, moni na taãɓu, namuke na suɓira, mudzifungamanise na mamilio.

2 TIMUTAUSU 3:10

Ɓadi wawe, uniɗungu ha uzuri hari mwa musomo, maendreleo, mipango, uaminifu, suɓira, uv̄endza, ustahamilifu,

1 TIMUTAUSU 5:20

Wao waãswio, warudi mbeli za piya uwatru, pare wasalia wajau wariye.

MAKOLOSIYA 1:25

Tsifanyiha murumishi wayo ulawana na lidjukuma Mungu anidhwaminisha ha tanafu yanyu, amba nitsimidze utekeleza urongozi wa Mungu,

MAROMU 10:15

Au, namuna jeje watru watsojudzao neka kawav̄elehwa? Mauri ɗe iheli yaangihwa moni na uMuangishio: «Kweli amba yistawi yimindru ya wao wajudzao haɓari ndjema!»

MAV̄INGIZI-RISALA 20:7

Mufumov̄ili rika ringulidzana ha ukutrua lidipe la Unahanizi. Ɓaulusu akosomedza yamaswihaɓa, na ɓaanda akolawa isuku ya v̄ili, aendrelea na musomo wahe ata hari-hari ya uku.

MAV̄INGIZI-RISALA 16:13

iSuku ya Uv̄umuzi|Suku ya Uv̄umuzi rilawa v̄ondze mwa liɗago, ɓavuni na muro, v̄ahali rakofikiri amba v̄utsoka v̄ahanu v̄wa ufanya mamilio. Riketsi, rilagua na watruwashe waka wangulidzana v̄ale.

LUKASI 9:60

Sa ile Insa amuambia: «Lisha uwafu wadzihe wafu wawo. Ɓadi wawe, endra wajudze Utawalizi wa Mungu.»

LUKASI 7:4

Wakati wawaswili mbeli za Insa, wamurayi ha kusudi ha umuambia: «Uwo mutru astahiki umukuɓaliye hadja yahe,

1 MATESALONIKA 5:20

Mwasudharau marongozi ya shi mutrume yashukidziwa,

LUKASI 7:23

Tsena furaha ha uwo tsarendreha siɓaɓu ya waye ukwala.»

2 TIMUTAUSU 2:25

Narudiye ha utrulivu wao wamukanyushao, ukiri uka amba Mungu atsowagaudza wandre toɓa, pare wajuwe ikweli.

MAHEƁRANIYA 13:22

Nisumumiani wananyangu wa shi uaminifu, namustahamili urongozi wa mutrulio-ɓari unu, mana tsimuangishiani ha ukutri.

MAV̄INGIZI-RISALA 28:16

Ata ramowaswili Romu, Ɓaulusu aruhusiwa aketsi weke na djeshi limugogeye.

MAV̄INGIZI-RISALA 13:5

Uwaswili yawo Salamina, wakojudza Urongozi wa Mungu moni na ziNyumba za Uswali za yaMayahudi|Mayahudi. Tsena, Yuhani wajau akowasaidi.

MAKOLOSIYA 4:3

Namurimiliye wasi wajau, ile Mungu ariɓuliye mulongo wa ujudza Urongozi wa iãdjaɓu yahusu Kristi, ilio amba ha siɓaɓu ya wiyo ɗe nafungwa.

1 MATESALONIKA 1:6

Na wanyu mufanyiha watiɓizi watru, tsena wa Raɓi, ha ukuɓali Urongozi wa Mungu hari-hari na matreso ha uwengi, tsena v̄umoja na ifuraha ya iRoho Ndzitwaharifu.