2 MONYE 3:15 - Ha`bari Ndjema ya I Maore

¹⁵ Namurenge amba isuɓira ya Raɓi, iyo uhuyifu wanyu, mauri ɗe inamuna umwananya muv̄endzewa watru Ɓaulusu amuangishiani wajau, ha ihikima adjaãliwayo.

2 MONYE 3:15 Referans Kwoze

MAROMU 2:4

Au usudharau utadjirifu wa uwema wahe, wa isuɓira na ustahamilifu wahe, ata kusujua amba v̄av̄o uwema wa Mungu uwo usutsaha uhuv̄inge wendre toɓa?

2 MONYE 3:9

Raɓi kasuhomesa umutsimidzio wa uwahadi, mauri ɗe inamuna ɓaãdhwi waifikirio, ɓadi asusuɓiri mbeli zanyu, mana kasutsaha v̄waka ata moja aangamia, ɓadi piya wandre toɓa.

1 TIMUTAUSU 1:16

Ɓadi tsidjaãliwa urehema pare hanguju, wa handra, Kristi-Insa aonese piya suɓira yahe, nike mufano ha wao watsomuaminio ile wapare uhayati mukamilifu.

1 MONYE 3:20

ne ɗe zizo zakohara utuĩ hale oho, wakati isuɓira ya Mungu yakolindra hari mwa zisuku Nuhu akofanya lidjahazi. Moni v̄walo v̄uhuyiwa hisaɓu titi ya wanadamu yapara wanane, ha uv̄irisiwa hari mwa maji.

YAKOƁU 3:17

Hikima ya shi uju, iyo uka raɓuzi ndziraharifu, amwesa yendza amani, ndzitrulivu, tsena ndzielevu; iyo ujaya poreho, tsena ukana mavuna mema, ɓila uɓanguzi, wala unafiki.

LUKASI 21:15

Mana nitsomuv̄ani yamarongozi na ihikima, zilio amba piya wao walio kinyume na wanyu, kawatsoshindra wamukilimbiani au wamukanyushani.

YAKOƁU 1:5

Neka v̄wa mutru mengoni mwanyu akosewa na hikima, naitsahe ha Mungu av̄ao watru piya ha uwengi ɓila urudia, na waye atsov̄olwayo.

MAV̄INGIZI-RISALA 15:25

Iyo ɗe imana, ha nia moja, ritsahua watru rimuv̄elesheyeniwo v̄umoja na wananya wa roho watru, Ɓarnaɓasi na Ɓaulusu,

1 MAKORINTIYO 2:13

Na wasi risuzilagua, tsi ha marongozi yasomedzewa na hikima ya shiuɓinadamu, ɓadi ha marongozi yasomedzewa na iRoho, na ha izo risueledza izo zilio za Roho, ha luha ya shiRoho.

MAEFESO 3:3

Ɗe ha muv̄enulio ɗe najudziwa iãdjaɓu, mauri ɗe inamuna naiangiha ha wana harufu.

1 MAKORINTIYO 12:8

Moja udjaãliwa ha iRoho urongozi wendza hikima, na wangina urongozi wa ujuzi, ha iRoho ɗe wiyo ile.

1 MAKORINTIYO 3:10

Ha ineema ya Mungu nadjaãliwayo, tsihedza musingi mauri muundrizi mwendza hikima, na wangina asuundra uju mwawo. Ɓadi kula moja nafahamu na inamuna yahe aundrao uju.

MAV̄INGIZI-RISALA 7:10

amukomboa hari mwa piya maondo yahe; amudjaãlia imani na hikima mbeli za Firiyauna, mufalume wa Miswiri, alio amba amuhetsi dhwamana wa iMiswiri na piya umuraɓa wahe.

MAV̄INGIZI-RISALA 9:17

Ɓas, Ananiyasi andre, angia nyumbani hule, amukadza Saulusu yimihono, arongoa: «Mwananyangu Saulusu, Raɓi ahuv̄enushia hari mwa indzia ile wakoja hunu aniv̄eleha ile uregeye uone, amwesa ujaye iRoho Ndzitwaharifu.»

2 MONYE 3:2

pare munahane marongozi yarongolwa rangu kaɓula na yimitrume mitwaharifu, na iãmuri mwajudziwayo na Mav̄ingizi-Risala yanyu, ãmuri ya Uwo alio Raɓi amma Muhuyifu.