2 MONYE 3:10 - Ha`bari Ndjema ya I Maore

¹⁰ iSuku ya Raɓi itsoja mauri mwidzi. Na isuku iyo zimbingu zitsov̄ira v̄umoja na keme ɓole, zitru za ãswili zitsolalusiwa ha moro, na ishiv̄andre ya tsi v̄umoja na zitrendrwa zayo zitsov̄enuha.

2 MONYE 3:10 Referans Kwoze

MUV̄ENULIO 21:1

Ɓas, tsiono pev̄o pia na shiv̄andre ya tsi pia, mana ipev̄o ya handra na ishiv̄andre ya tsi ya handra zika zihiɓu, na iɓahari kayaka tsena.

MATIYO 24:35

uWingu na ishiv̄andre ya tsi zitsov̄ira, ɓadi marongozi yangu kayatsov̄ira.»

2 MONYE 3:7

Na v̄anu ha urongozi ɗe uwo-uwo, ɗe zimbingu na ishiv̄andre ya tsi za av̄asa zahetsiwa ha ulindrilia umoro, zalishwa ya iSuku ya Hukuma, na uangamifu wa waovu.

MUV̄ENULIO 16:15

Tsami nisuja mauri mwidzi. Aɓarikishiha uwo alio hashiri, tsena aliona nguo zahe ile asuke wadzi, iaĩɓu yahe isuonehane.

1 MATESALONIKA 5:2

Mana wanyu-wanyu musujua ha uzuri amba isuku ya Raɓi itsoja mauri mwidzi ukwari.

MARKUSI 13:31

uWingu na ishiv̄andre ya tsi zitsov̄ira, ɓadi marongozi yangu kayatsov̄ira ata idahari.»

2 MONYE 3:12

ɗe mwalazimu mulindre na ujisa ha upesi iSuku ya Mungu, ilio amba zimbingu zivuao zitsoangamia, na zitru za ãswili zitsolalusiwa ha moro.

MUV̄ENULIO 3:3

Nahana ɓasi iyo wapara, iyo wakia, amwesa uisike, wendre toɓa. Neka kusi hashiri, nitsoja mauri mwidzi, na wawe kutsojua ata hata isa nitsohujiliao.

LUKASI 12:39

Ɓadi namujuwe ha uzuri, amba na djeli monyewe inyumba akojua isa mwidzi atsojao, atsogogea wala katsolisha nyumba yahe yavundzwa.

MUV̄ENULIO 20:11

Amwesa tsiono shiri ya ufalume ɓole amwesa ndjeu, na uMonyewe aka aiketsia. iShiv̄andre ya tsi na uwingu zizimiha mbeli zahe, wala kav̄waparihana tsena ɓandza amba lawo.

1 MAKORINTIYO 5:5

namuv̄elehe mutru uwo ha Shetwani, ile ihali ndziãswifu yahe iangamidziwe, na iroho yahe ihuyiwe isuku ya umujilio wa Raɓi.

MAROMU 8:20

Kweli amba ziumbe piya zijeledzewa zifanyishihe shitru ndzipuzi, tsi amba ha uv̄endza yazo, ɓadi ɗe ha siɓaɓu ya Monyewe afanya itrongo, v̄umoja na itama amba

YUDA 1:6

ziMalayika kazaka zaɓaki hari mwa idaradja yazo, ɓadi zalawa hazo, asuzilisha ha daima hari mwa silisili moni na ishidza ha ulindrilia iSuku Ɓole ya Hukuma.

2 MAKORINTIYO 1:14

mauri ɗe inamuna madza mwaelewa ha pindri, amba wasi ɗe isiɓaɓu ya udziɓua yanyu, na wanyu yatru, hari mwa iSuku ya Raɓi watru Insa.

1 MAKORINTIYO 1:8

Waye ɗe atsomuhodarishaoni tsena ata mupaka mwiso, ile musutuhumilwe na itsokao yotsi isuku ya Raɓi watru Insa-Kristi.

1 MATESALONIKA 5:4

Ɓadi wanyu, wananya wa shi uaminifu, kamusi hari mwa shidza amba isuku iyo imuhiliɓuni mauri mwidzi.

2 MONYE 3:11

Rangu piya zizo zitsoangamidziwao namuna iyo, ɓasi v̄av̄o mulazimu muke jeje? Ɗe ha muendreleo mutwaharifu v̄umoja na ĩɓada,

MUV̄ENULIO 6:14

Uwingu udzivuru mauri shio iv̄ambuao, na kula mulima na shisiwa zitolwa ɓandzaju hazo.