2 MONYE 1:8 - Ha`bari Ndjema ya I Maore

⁸ Mana neka trongo zizo za moni hanyu, tsena zisuengedzeha, kazitsomulishani amba muke ɓila zitrendro wala mavuna hari mwa umujua Raɓi watru Insa-Kristi.

2 MONYE 1:8 Referans Kwoze

TITUSA 3:14

Watru watru wajau walazimu wafundrihe udzihetsi ufanya zitrendro ndjema, ile zalazimu zilio mahususu ziparihane, isuke amba kawana mavuna.

MAKOLOSIYA 3:16

V̄av̄o urongozi wa Kristi nauke moni hanyu ha piya utadjirifu wawo; namusomedzane na ufahamishana ha piya zihikima. Namuhedze madjimbo, ngutende za sifa, na himbo za shiRoho. Namumuhimbiye Mungu v̄umoja na himida ha piya umo wanyu.

YUHANI 15:2

Kula trahi hanguju kalisudza mavuna, waye ulitoa, na kula lidzao mavuna, waye uliav̄usa, pare lizidi udza.

MAHEƁRANIYA 6:12

Musufanyihe wendza shiɗa, ɓadi mutiɓe wao walio amba, ha uaminifu na suɓira, wasupara umwaratha watolwa wahadi.

MAFILIPI 1:9

Iyo niitsahao hari mwa mamilio yangu, ɗe amba uv̄endza yanyu yendre na uzidishiha ujuzi wa kweli, na wanyu ushindra muelewe ha ukamilifu zitrongo,

1 MATESALONIKA 4:1

Yaɓaki v̄anu wananya wa shi uaminifu, mupara ulawa na wasi namuna jeje ya udziv̄inga na umujiv̄ia Mungu, na iyo ɗe itrongo muifanyao. Av̄asav̄anu ɓasi, risumumiani na umutriani ɓari ha uv̄umoja na Raɓi Insa, namuendreleye raha ha uzidisha.

1 MAKORINTIYO 15:58

Ha izo wananya wa roho wangu, namuke wahodari, watru wasika. Ha daima murendre na uzidisha urumishi wa Raɓi, ha ujua amba ihazi yanyu hari mwa uv̄umoja na Raɓi, kaisi tsi endza faida.

2 MONYE 1:2

Urehema na amani nazimuendreleyeni ha uwengi ha indzia ya umujua Mungu na Insa, Raɓi watru.

FILIMUNA 1:6

Nisumia Mungu amba murengeo-fuvu waho hari mwa uaminifu uhuv̄ingiye ujuzi mukamilifu wa kula ndjema rilionayo hari mwa uv̄umoja watru na Kristi.

2 MATESALONIKA 1:3

Ha dahari irilazimu rimuhimidiye Mungu, wananya wa shi uaminifu, ha siɓaɓu ya wanyu. Iyo haki amba riifanye, mana uaminifu wanyu usuhua ha kusudi, na uv̄endza wa kula moja ha uwanyawe usendra na uengedzeha.

MAFILIPI 2:5

Namukane wanyu na wanyu inamuna Kristi-Insa akanayo:

2 MAKORINTIYO 13:5

Namudziv̄ime wanyu wenyewe, ile muone neka mwa hari mwa uaminifu, namudzitunde wanyu wenyewe. Hali kamusuona amba Insa-Kristi a moni hanyu? Ɓadi neka utunduzi usumusingidzani.

MAKOLOSIYA 2:7

Namudzisise mizi na udziundra hari mwa uv̄umoja na waye, namudzihodarishe hari mwa uaminifu ha ulingana na iyo mwasomedzewa, na uzidishiha hari mwa himida.

2 MAKORINTIYO 9:14

Ɗe v̄umoja na huɓa ɗe wamufanyiaoni mamilio ha siɓaɓu ya ineema Mungu amudjaãliaoni ha uwengi.

2 MAKORINTIYO 8:2

Ata ha iv̄o wakov̄irisiwa hari mwa taãɓu za kusudi, na wao wakozidi furaha hari mwa usikini muɓole wawo ata yakowav̄inga watowe musada ha utadjirifu,

1 TIMUTAUSU 5:13

Na zaidi ya v̄av̄o, iv̄o kawana za ufanya, wao urenga udzevu wa ungia na ulawa hari mwa miraɓa. Tsi tu amba kawana za ufanya, ɓadi tsena waɓaɓufu na upasiwa na tsi zawo, amwesa urongoa zilio amba kayalazimu warongoa.

1 MATESALONIKA 3:12

Raɓi naengedze na uzidisha uv̄endza mulionawo wanyu na wanyu, tsena na piya wasalia, mufano wa uwo rilionawo na wanyu.

2 MAKORINTIYO 8:7

Mauri ɗe inamuna mwazidishiha hari mwa piya zitrongo: uaminifu, urongozi, ujuzi, djitihadi ya kula namuna, na yamahaɓa mwayapara ha ndzia yatru, namuzidishihe wajau hari mwa ineema ya urumishi wa utoa musada.

MAROMU 12:11

Namukane djitihadi ɓadi tsi shiɗa, muke washangirifu wa roho, murumishiye Mola.

YUHANI 5:42

Ɓadi wami umujuani, amba kamusina hanyuju uv̄endza wa Mungu.

MATIYO 25:26

Ɓadi murumisa wahe amudjiɓu: ‹Wawe murumizi wa peu mwendza shiɗa! Wakojua ha uzuri tu amba wami uvuna v̄ahanu tsataɓu, na ungulidza mavuna v̄ahanu tsatsanya!

MATIYO 20:6

Mukaɓala wa sa ya kumi na moja alawa raha, apara wangina waka v̄ale, awadzisa: ‹Manatrini mukao v̄av̄o piya mutsana, wala kamusufanya itsokao yotsi?›

MATIYO 20:3

Alawa tsena sa ya raru, aono watru wangina waka hari mwa ishandza-hari, wala kawakana za ufanya.

MATIYO 13:22

Na uwo apara yamaela hari mwa malavu yendza miɓa, ɗe uwo akiao uurongozi, ɓadi mifikirisho ya lidunia lini na uv̄endza-mali uɓala pumu urongozi ule, ata kaudza mavuna.

YUHANI 17:3

Na uhayati mukamilifu wa daima ɗe wao uhujua, wawe ulio weke Mungu wa kweli, na umujua uwo wamuv̄eleha, Insa-Kristi.

MAFILIPI 3:8

Wala tsi tu, ɓadi nisuona raha piya amba hasara namoangalia ifaida yazidi ya umujua Kristi-Insa Raɓi wangu, alio amba ha siɓaɓu ya waye, tsilishi piya, tsena nisuziona piya mauri tsama, ne nimupare Kristi,

MAKOLOSIYA 1:10

ile mudziv̄inge ha namuna yamustahiki Raɓi, ha umujiv̄ia hari mwa piya, mukane mavuna ya kula shitrendro ndjema, tsena muhuwe hari mwa ujuzi wa Mungu;

2 MONYE 1:3

Ushindzi wa shiungu wahe uriv̄a piya zalazimu uhusu uhayati na ĩɓada, ha urijudza Monyewe urihira ha utukufu na uwema wahe monyewe.

2 MONYE 2:20

Kweli amba neka ɓaanda walawa hari mwa zitsama za shiulemenguni ha umujua Insa-Kristi Raɓi amma Muhuyifu watru, wadzilishi washindrwa raha na wizo, ihali ya mwiso yawo uka mbovu rahana ya handra.

2 MONYE 3:18

Ɓadi namuhuwe hari mwa urehema na ujuzi wa Raɓi watru amma Muhuyifu Insa-Kristi. Utukufu naumuendreleye rangu av̄asa ata idahari. Amina.