2 MONYE 1:14 - Ha`bari Ndjema ya I Maore

¹⁴ mana nisujua amba tsi hale nitsoilawia, mauri ɗe inamuna Raɓi watru Insa-Kristi anijudza.

2 MONYE 1:14 Referans Kwoze

2 TIMUTAUSU 4:6

Na wami v̄angu, damu yangu isujotsomolwa amba kafara, na wakati wa ulawa wangu uwaswili.

MAV̄INGIZI-RISALA 20:25

Ulawa v̄anu nisujua amba kamutsoona tsena isura yangu, wanyu piyanyu mulio amba tsiv̄iri hari mwanyu ha ujudza uUtawalizi wa Mungu.

YUHANI 13:36

Sa ile Simoni Monye amudzisa: «Raɓi, usendra hav̄i?» Insa amudjiɓu: «V̄ahali nendrao, kushindri niɗunga av̄asa, ɓadi utsoniɗunga mbeli oho.»

2 MAKORINTIYO 5:1

Mana wasi risujua amba neka liɓanga la haima lini riliketsiao ulemenguni v̄anu liangamidziwa, rina pev̄oni v̄ahanu v̄wa uketsi v̄wafanyiwa na Mungu, makazi ya daima kayafanyiwa ha yimihono ya wanadamu.

2 MONYE 1:13

Nisuona amba iyo haki ya wami, wakati raha nilio hari mwa inyumba ya haima ini, nitsotse fahamu lanyu ha umunahanidzani trongo zizo,