2 MONYE 1:12 - Ha`bari Ndjema ya I Maore

¹² Iyo ɗe imana ata niliona inia ya umunahanidzani dahari trongo zini, ata iv̄o muzijuao, tsena mwahodarishiha hari mwa ikweli mulionayo av̄asa.

2 MONYE 1:12 Referans Kwoze

1 YUHANI 2:21

Tsimuangishiani tsi amba mana kamusujua ukweli, ɓadi mana musuujua, tsena kav̄u trambo ilawao hari mwa ukweli.

MAFILIPI 3:1

Yaɓaki, wananyangu wa shi uaminifu, namufurahi hari mwa uv̄umoja wanyu na Raɓi. Kaisunitaãɓisha umuangishiani trongo ɗe wizo-wizo, na hanyuju, iyo hifadhwi.

MAKOLOSIYA 2:7

Namudzisise mizi na udziundra hari mwa uv̄umoja na waye, namudzihodarishe hari mwa uaminifu ha ulingana na iyo mwasomedzewa, na uzidishiha hari mwa himida.

YUDA 1:5

Nisutsaha nimunahanidzeni, wala ukana musujua piya zizo, amba Mola ɓaanda ahuyi umati wahe ulawa Miswiri, aja aangamidza wao wakohara uamini.

2 YUHANI 1:2

wasuwav̄endza ha siɓaɓu ya ikweli ilio moni hatru, tsena itsokao v̄umoja na wasi ha daima:

2 MONYE 1:13

Nisuona amba iyo haki ya wami, wakati raha nilio hari mwa inyumba ya haima ini, nitsotse fahamu lanyu ha umunahanidzani trongo zizo,

YUDA 1:17

Ɓadi wanyu wav̄endzewa, namunahane marongozi yatolwa rangu kaɓula na yaMav̄ingizi-Risala|Mav̄ingizi-Risala ya Raɓi watru Insa-Kristi.

YUDA 1:3

Wanyu wav̄endzewa, ha iv̄o nakana ushauku muɓole wa umuangishiani yahusu uhuyifu wa shirika watru, tsidziono farudhwi ya umuangishiani pare nimutriyeni ɓari amba muwaniliye uaminifu wajudzwa ha watwaharifu mara moja ha piya.

2 MONYE 3:17

Ɓasi wav̄endzewa wangu, iv̄o madza mujuao trongo zizo rangu kaɓula, namuke hashiri mwasudzilishe mwav̄ingwa ha upotevu wa waovu, mwaja mwalatsishiwa na yakini hodari yanyu.

2 MONYE 3:1

Wanyu wav̄endzewa, lini av̄asa ɗe liɓarua la v̄ili nimuangishiaoni. Hari mwa yao maili, nisudjereɓu utsotsa fahamu, ile nitsongeshe hanyuju fikira iliona ãkili ndziraharifu,

2 MONYE 1:15

Na wami nitsofanya djitihadi amba neka tsilawa, mushindre munahane trongo zini kula wakati.

1 MONYE 5:12

Ɗe ha umusada wa Silvanus nimurengao amba mwananya muaminifu, ɗe nimuangishiaoni wana mistari wanu, ile nimutriyeni ɓari na ulawa ushahidi amba iyo ɗe irehema ya kweli ya Mungu ɗe mwadzifungamanisa nayo.

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.

MAHEƁRANIYA 13:9

Mwasudzilishe mwav̄ingwa na tafauti namuna na namuna za misomo midjeni. Mana iyo ndjema amba roho ihodarishihe ha irehema, tsi ha zahula zilio amba kazafayidisha na itsokao yotsi wao waɗungao masharutwi yahusuana nazo.

MAHEƁRANIYA 10:32

Namunahane tu suku za handra ɓaanda mwaunishiwa, mustahamili kondro ɓole yendza maondo.

2 TIMUTAUSU 1:6

Iyo ɗe imana ata nihunahanidzao uvudziye lijenge la ineema ya Mungu ilio moni haho ha uhukadzia yangu yimihono.

1 TIMUTAUSU 4:6

Wamoeleha zizo ha uwananya wa shi uaminifu, v̄av̄o utsoka murumishi mwema wa Kristi-Insa alisiwao ha marongozi ya uaminifu na umusomo mwema ulio amba uuɗungu ha uzuri.

MAV̄INGIZI-RISALA 16:5

Ɓas, ziDjama Ndziwaminifu zakohodarishiha na uaminifu wazo, na uengedzeha indadi kula suku.

MAKOLOSIYA 1:5

Iyo ha siɓaɓu ya itama mwalishiwayo pev̄oni, ilio amba muikia nyuma oho ha urongozi wa ikweli, ne ɗe iIndjili.