2 MAKORINTIYO 9:11 - Ha`bari Ndjema ya I Maore

¹¹ Ha izo mutsotadjiriha hari mwa piya, pare muke watolezi musada wa kula namuna ha uwengi. Na umusada wanyu uwo utsov̄ingwao na wasi utsotsongesha himida ha Mungu.

2 MAKORINTIYO 9:11 Referans Kwoze

2 MAKORINTIYO 4:15

Piya zizo ɗe ha siɓaɓu ya wanyu pare irehema, ha uendra na ujilia indadi zaidi na zaidi ya watru, izidishe umuhimidio, ha utukufu wa Mungu.

2 MAKORINTIYO 9:12

Mana urumishi wa mutsango uwo, tsi tu amba ususaidi hari mwa zakosea watwaharifu, ɓadi tsena usuzidisha himida zihedzewao ha Mungu.

2 MAKORINTIYO 1:11

Wanyu-wanyu musurisaidi wajau ha yamamilio yanyu. Ha izo, wengi watsohimidia ha siɓaɓu ya wasi na ineema radjaãliwa, yaparihwana ha mamilio ya wengi.

2 MAKORINTIYO 8:19

Wala tsi tu, ɓadi atsahulwa na ziDjama Ndziwaminifu aɗungane na wasi hari mwa ishitrendro ya rehema ini radhwaminishiwayo, ha utukufu wa Raɓi waye-waye na uv̄enua inia ndjema yatru.

2 MAKORINTIYO 8:16

Mungu nahimidiwe, Monyewe utria rohoni ha Titusa djitihadi moja na iyo rilionayo na wanyu.

1 MAKORINTIYO 1:5

Mana hari mwa uv̄umoja na waye, mudjaãliwa kula utadjirifu wa kula urongozi na kula ujuzi,

MAROMU 12:8

Uwo adjaãliwa ineema ya utria ɓari, naifanye; uwo av̄ao, nav̄e ɓila hisaɓu; uwo av̄ingao wanyahe, naifanye v̄umoja na djitihadi, na uwo adjaãliwa ineema ya uonesa poreho, nav̄orehe v̄umoja na furaha.

MATIYO 20:15

Afa wami tsisina ruhusa ya uturumu mali yangu namuna nav̄endza? Au usuona mbovu iv̄o nilio mwema?›

MATIYO 25:17

Ɗe ha inamuna ile wajau, ule aka apara yamaili, ayarumishia ata apara maili yangina.