2 MAKORINTIYO 8:7 - Ha`bari Ndjema ya I Maore

⁷ Mauri ɗe inamuna mwazidishiha hari mwa piya zitrongo: uaminifu, urongozi, ujuzi, djitihadi ya kula namuna, na yamahaɓa mwayapara ha ndzia yatru, namuzidishihe wajau hari mwa ineema ya urumishi wa utoa musada.

2 MAKORINTIYO 8:7 Referans Kwoze

2 MATESALONIKA 1:3

Ha dahari irilazimu rimuhimidiye Mungu, wananya wa shi uaminifu, ha siɓaɓu ya wanyu. Iyo haki amba riifanye, mana uaminifu wanyu usuhua ha kusudi, na uv̄endza wa kula moja ha uwanyawe usendra na uengedzeha.

2 MAKORINTIYO 9:8

Na Mungu ushindra amuv̄eni ha uwengi neema za kula namuna, pare mukane kula wakati piya zamulazimuni ha kula namuna, tsena mukane ha uwengi ya kula shitrendro ndjema.

MAFILIPI 1:9

Iyo niitsahao hari mwa mamilio yangu, ɗe amba uv̄endza yanyu yendre na uzidishiha ujuzi wa kweli, na wanyu ushindra muelewe ha ukamilifu zitrongo,

2 MAKORINTIYO 8:6

Iyo ɗe imana ramutria ɓari Titusa amba rangu aandrisa, amalidze ineema iyo hanyuju.

1 MAKORINTIYO 13:2

Na neka tsidjaãliwa ineema ya ujudza marongozi ya shi mutrume yashukidziwa, ya ujua piya zisiri, neka tsina piya ujuzi, ata na piya uaminifu ushindrao utsengedze yimilima, ne tsisina mahaɓa, v̄av̄o tsisi shitru.

1 MAKORINTIYO 4:7

Mana mbani ɗe ahutafautishao? Trini ɗe ulionayo amba kwav̄olwayo? Na neka uv̄olwayo, manatrini udzisifuo mauri kwav̄olwayo?

1 MAKORINTIYO 1:5

Mana hari mwa uv̄umoja na waye, mudjaãliwa kula utadjirifu wa kula urongozi na kula ujuzi,

1 MAKORINTIYO 13:8

Uv̄endza kaikomo. Ɓadi ujudza marongozi ya shi mutrume yashukidziwao ina mwiso, luha zishukidziwao zitsozia, na ujuzi una mwiso.

1 MAKORINTIYO 12:13

Mana ha Roho moja riɓaĩshiwa piyasi, ile rifanyihe mwili moja ɓas, rangu Mayahudi ata Magiriki, rangu warumwa ata wanafasina, na piyasi rinosewa Roho moja.

2 MONYE 3:18

Ɓadi namuhuwe hari mwa urehema na ujuzi wa Raɓi watru amma Muhuyifu Insa-Kristi. Utukufu naumuendreleye rangu av̄asa ata idahari. Amina.

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

2 TIMUTAUSU 2:1

Ɓasi wawe, mwana wangu, dzihodarishe hari mwa irehema iparihanao ha Kristi-Insa.

MAEFESO 4:29

Hanyoni hanyu v̄usulawe ata urongozi movu, ɓadi urongozi mwema utsoshindrao wakati walazimu, ufayidishe na uv̄ingia rehema wao waukiao.

2 MAKORINTIYO 9:14

Ɗe v̄umoja na huɓa ɗe wamufanyiaoni mamilio ha siɓaɓu ya ineema Mungu amudjaãliaoni ha uwengi.

2 MAKORINTIYO 7:7

wala tsi ɗe ha umujilio wahe tu ɓasi, ɓadi tsena ha umutrulidzio aupara hanyuju. Arijudza ushauku muɓole mulionawo, huzuni yanyu, na idjitihadi mulionayo na wami, ha namuna amba tsizidi ufurahi.

1 MAKORINTIYO 14:12

Ɗe namuna iyo wanyu wajau. Rangu muliona huɓa mudjaãliwe neema za iRoho, namuzitsahe ha uwengi, ɓadi ile ha uhodarisha iDjama Ndziwaminifu.

MAROMU 15:14

Yahusu wanyu wananyangu, wami hanguju tsiwafiku amba mujaya uwema, mujadziwa piya uujuzi, musushindra muv̄ane shauri wanyu na wanyu.

MUV̄ENULIO 3:17

Mana usurongoa amba: ‹Tsa tadjiri, tsitadjirishiha, tsisutama itsokao yotsi›, ɓila ujua amba iwawe yaho djondo, wa uv̄orehwa, masikini, mufa-matso, tsena wa wadzi.

MAHEƁRANIYA 12:28

Ha izo, iv̄o riparao utawalizi kaugudzusiha, narihimidiye ha umutolea Mungu ĩɓada imujiv̄iao yendza utuĩvu na staha.

MAFILIPI 1:11

amwesa ike amba mujadziwa mavuna ya uhaki yajao ha indzia ya Insa-Kristi, ha utukufu na sifa ya Mungu.

1 MAKORINTIYO 12:8

Moja udjaãliwa ha iRoho urongozi wendza hikima, na wangina urongozi wa ujuzi, ha iRoho ɗe wiyo ile.

MATIYO 25:22

Ule aka av̄olwa mapauni maili aja wajau, arongoa: ‹Mutukufu, univ̄a mapauni maili; tsami tsipara maili yangina.›