2 MAKORINTIYO 8:18 - Ha`bari Ndjema ya I Maore

¹⁸ Risuv̄eleha v̄umoja na waye umwananya wa shi uaminifu alio amba isifa yahe ha izo afanya ha tanafu ya iIndjili ienea hari mwa piya ziDjama Ndziwaminifu.

2 MAKORINTIYO 8:18 Referans Kwoze

2 MAKORINTIYO 12:18

Tsimutria Titusa ɓari aje hanyu, tsena v̄umoja na waye tsiv̄eleha umwananya wa shi uaminifu ule. Hali Titusa amudhulumuni? Hali karakoendra na roho ɗe wiyo-wiyo, hari mwa ndzia moja?

2 MAKORINTIYO 8:19

Wala tsi tu, ɓadi atsahulwa na ziDjama Ndziwaminifu aɗungane na wasi hari mwa ishitrendro ya rehema ini radhwaminishiwayo, ha utukufu wa Raɓi waye-waye na uv̄enua inia ndjema yatru.

1 MAKORINTIYO 7:17

Ɓadi kula mutru naẽshi na lifungu Raɓi amudjaãlia, ha ihali aka uhiriwa yahe na Mungu. Iyo ɗe niãmurishao hari mwa piya ziDjama Ndziwaminifu.

2 MAKORINTIYO 2:12

Uwaswili yangu Troasi ha siɓaɓu ya iIndjili ya Kristi, tsipara amba tsiɓuliwa mulongo na *Raɓi wa umurumishia.

MAROMU 16:4

Wahatwarisha inafusi yawo ha siɓaɓu ya wami. Tsi wami weke niwav̄osheleao marahaɓa, ɓadi piya ziDjama Ndziwaminifu za zinishani zangina wajau.

1 MAKORINTIYO 4:17

Iyo ɗe imana nimuv̄elesheaoni Timutausu alio amba hari mwa uv̄umoja na Raɓi, waye mwana wangu muv̄endzewa, tsena muaminifu. Atsomunahanidzani maendreleo yangu hari mwa uv̄umoja na Kristi-Insa, mauri ɗe inamuna niyasomedzao kula v̄ahanu moni na kula Djama Ndziwaminifu.

1 MAKORINTIYO 16:3

Ata namowaswili, nitsov̄a maɓarua wao mwawatsahua, niwav̄elehe wav̄inge zawadi zanyu Yerusalemu.