2 MAKORINTIYO 7:15 - Ha`bari Ndjema ya I Maore

¹⁵ Na umuv̄endzani yahe isuzidi amonahana utuĩvu wanyu mbeli za piya, na heli mwaka mwamurenga ha adaɓu na hishima.

2 MAKORINTIYO 7:15 Referans Kwoze

MAFILIPI 2:12

Ha izo wav̄endzewa wangu, mauri ɗe inamuna dahari mwatuĩ, ɓila tsi tu amba namoka v̄umoja na wanyu, ɓadi zaidi av̄asa ilio amba tsisi na wanyu, namuendreleye utria ndziani ha hofu na staha uhuyifu wanyu.

2 MAKORINTIYO 2:9

Madhumuni yangu raha ata namuangishiani, ɗe wami utsaha nidhiɓitishe neka mwa watuĩvu hari mwa piya zitrongo.

1 YUHANI 3:17

Neka mutru ana zingutadjiri za ulemengu, ne asuona mwananyahe hari mwa usongefu na roho yahe kaisina poreho, ɓasi namuna jeje uv̄endza wa Mungu ukao moni hahe?

2 MATESALONIKA 3:14

Neka v̄wa mutru kasutuĩ marongozi yatru hari mwa liɓarua lini, namumutriye ãlama, tsena mwasushahilihe na waye hari mwa itsokao yotsi, pare aone haya.

MAKOLOSIYA 3:12

Ɓasi v̄av̄o wanyu mwatsahulwa na Mungu, amba watwaharifu amma wav̄endzewa, namudzipindrise mo wa poreho, uwema, uwekevu, umakini, na suɓira.

MAFILIPI 1:8

Kweli amba shahidi Mungu ha uv̄endza nilionayo na wanyu piyanyu, uv̄endza wa Kristi-Insa.

2 MAKORINTIYO 6:12

Karamuɓaliani roho zatru, ɓadi wanyu-wanyu ɗe mwaɓala zanyu.

MAV̄INGIZI-RISALA 16:29

Ɓas, mugogezi ule atsaha mwenge, angia ha uharaka, andre adzivutsu mindruni ha Ɓaulusu na Silasi ha udridrima.

MAEFESO 6:5

Wanyu warumwa, namutuĩ warumisa wa shiulemenguni wanyu ha trisidzo v̄umoja na staha, tsena ha umo warahara, mauri musumurumishia ɗe Kristi.

YUHANI 16:21

Wakati mutrumama adzao, waye uremwa na huzuni, mana wakati wahe uwaswili. Ɓadi amohisa udza umwana, waye kanahana tsena utungu ule, mana waye ukana furaha iv̄o v̄wadzalwa mwanadamu ulemenguni.

1 MAKORINTIYO 2:3

Wami-wami uka yangu hanyu, tsikana ulemevu na faza, tsena na mudridrimio wendza nguvu.