2 MAKORINTIYO 7:13 - Ha`bari Ndjema ya I Maore

¹³ Iyo ɗe imana ata rangia ɓari. Na yangina tsena ɓaanda ya umutrilio-ɓari uwo, rika rijiv̄idziwa zaidi ha ifuraha ya Titusa, alio amba iroho yahe ika itrulidziwa na wanyu piyanyu.

2 MAKORINTIYO 7:13 Referans Kwoze

2 MAKORINTIYO 7:6

Ɓadi Mungu, Monyewe utrulidza wao wapuha ɓari, aritrulidza ziroho ha umujilio wa Titusa,

1 MAKORINTIYO 16:13

Namuke hashiri, musike hodari uaminifu wanyu, mudziv̄inge mauri watruɓaɓa, muke wahodari.

1 MAKORINTIYO 12:26

Na neka shiga moja isuondesheha, zasalia piya uondesheha na wiyo; neka shiga moja isutukuziha, piya zasalia ujiv̄iwa v̄umoja na wiyo.

MAROMU 15:32

Ha izo, uv̄endza yahe Mungu, nitsoja nimuoneni ha furaha, tsena nipare mwana uv̄umuzi v̄umoja na wanyu.

1 MONYE 3:8

Ha muhutaswari, namuke konyo moja piyanyu, namuoneane utungu, muv̄endzane shiunanya, muv̄orehane, mukane uwekevu.

FILIMUNA 1:20

Naam, mwananyangu, hari mwa uv̄umoja wa Raɓi, nirendreye hadja iyo, unirutuɓishe iroho ha siɓaɓu ya Kristi.

2 TIMUTAUSU 1:16

Raɓi naenedze urehema wahe hari mwa umuraɓa wa Onesiforu, mana anitria ɓari mara nyengi, wala kaona haya na silisili zangu.

MAFILIPI 2:28

Ɓasi iyo ɗe imana nazidi ukana inia ya umuv̄eleha, ile mufurahi mwamomuona raha, na wami niv̄unguhe huzuni.

2 MAKORINTIYO 7:15

Na umuv̄endzani yahe isuzidi amonahana utuĩvu wanyu mbeli za piya, na heli mwaka mwamurenga ha adaɓu na hishima.

2 MAKORINTIYO 2:13

Ata ha izo, tsaka natrulia roho yangu, mana tsaka namupara mwananyangu wa shi uaminifu, Titusa. Ɓasi tsilaga watru v̄ale, tsilekedza Makadoniya.

2 MAKORINTIYO 2:3

Tsiangiha namuna ile, pare namowaswili oho, nasutrilwe huzuni na wao walazimu wanifurahishe. Tsiyakinisha ha wanyu piyanyu amba ifuraha yangu, iyo yanyu piyanyu.

MAROMU 12:15

Namufurahi v̄umoja na wao wafurahio, mulile na wao walilao.

1 MAKORINTIYO 16:18

Mana watrulidza roho yangu, v̄umoja na yanyu. Ɓasi namuv̄e mastaha watru mauri ɗe wao.

2 MAKORINTIYO 7:14

Neka amba tsidzifaharisha mwanapav̄i mbeli zahe ha siɓaɓu ya wanyu, tsaparwa na aĩɓu. Mauri ɗe inamuna ilio amba ha ukweli ɗe ralagua na wanyu, ɓasi izo raka radzifaharisha nazo zapatana na wanyu mbeli za Titusa, ziv̄enuha wajau amba kweli.

FILIMUNA 1:7

Kweli amba tsipara furaha ɓole v̄umoja na mutrilio-ɓari ha siɓaɓu ya uv̄endza waho, mana ha wawe mwananyangu wa shi uaminifu, ziroho za uwatwaharifu zirutuɓishiha.