Na wami nitsotoa ha umo warahara, tsena nitsodzitoa ata iwami yangu ha tanafu yanyu. Hali neka nisuv̄iria umuv̄endzani, v̄av̄o nitsov̄endzewa ha ushashi?
Mana neka v̄uja mutru asumujudzani Insa wangina ɓadi tsi ɗe ule ramujudza, au neka musupara roho yangina ɓadi tsi ɗe ile mwaipara, au tsena Haɓari Ndjema yangina na ile mwaikuɓali, wanyu uistahamili ha uzuri.
Iv̄enuha amba wanyu mwa ɓarua lalawa ha Kristi, ladhwaminishiwa urumishi watru; ɓarua lilio amba kalaangihwa ha nyongo, ɓadi ha iRoho ya Mungu alio hayi, wala kalaangihwa hari mwa maɓao ya mawe, ɓadi hari mwa maɓao ya mwili, hari mwa ziroho.
Mana v̄umoja na utungu muɓole, usikitifu wa roho, tsena na matsozi ha uwengi ɗe namuangishiani, wala tsi ha umutriani huzuni, ɓadi ile mujuwe uzidifu wa umuv̄endzani nilionawo.
Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.
Hutuɓa yangu na mujudzio wa ihaɓari wangu kazaka zaketsi hari mwa marongozi yendza hikima yaswadikishao, ɓadi hari mwa uv̄enufu wa iRoho ya Mungu v̄umoja na ushindzi,
tsena ha ushindzi wa ãlama za ãdjaɓu na midjuza, ha ushindzi wa iRoho. Ha izo, rangu Yerusalemu ata upara liɓavu la Iliriko, tsijudza ha ukamilifu iIndjili ya Kristi.
Wav̄enuliwa amba kawakodzirumishia wenyewe ɓadi wanyu hari mwa trongo zizo, zilio amba av̄asa mujudziwazo na wao wamutekelezeani iHaɓari Ndjema ha iRoho Ndzitwaharifu yav̄elehwa ulawa pev̄oni, trongo zilio amba ata zimalayika, ne zatsov̄endza zizielewe.
Iyo ɗe imana ata iv̄o tsisi v̄umoja na wanyu niangihao zizo, ile pare wakati nitsokao, ike amba tsi paka nirumiye uhali walingana na iyezi Raɓi aniv̄a amba ya uhodarisha, ɓadi tsi ya uangamidza.