2 MAKORINTIYO 6:5 - Ha`bari Ndjema ya I Maore

⁵ hari mwa ziv̄ondro, ziv̄ani, mitsutsuho, ngurumwa, miɓalidzio ya tsindzi, na ndza;

2 MAKORINTIYO 6:5 Referans Kwoze

2 MAKORINTIYO 11:27

Nakofanya hazi ndziro hari mwa taãɓu, wakati mwengi tsakopara tsindzi; nakoka hari mwa ndza na nyora, mara nyengi nakofunga; nakoremwa na ɓaridi, nakoka ɓila nguo.

MAV̄INGIZI-RISALA 17:5

Ɓadi yaMayahudi kawakoamini, wakoona uwivu; warenge watru wapeu wakwendra mboya zilindroni, wawasariɓia wafanye mutsutsuho ɗagoni. Amwesa wandre ha Yasuna, wakomuzunguha Ɓaulusu na Silasi, pare wawav̄inge mbeli za idunia yaka v̄ale.

MUV̄ENULIO 2:10

Usuriye trongo zijao zihupare. V̄anu Iɓilisa asuja apulise ɓaãdhwi mengoni mwanyu shiv̄ani ile pare mudjereɓihe; mutsopara suku kumi za matreso. Ɓaki muaminifu mupaka hari mwa ufa, na wami nitsohuv̄a likara la uhayati.

MAHEƁRANIYA 13:23

Namujuwe amba mwananyatru Timutausu aɓuliwa. Neka awaswili ha uharaka, nitsoja nimuoneni v̄umoja na waye.

MAHEƁRANIYA 13:17

Namutuĩ wav̄ingizi wanyu, tsena muke watuĩvu mbeli zawo: wao utsunga roho zanyu, ha ujua amba watsoyeleha mbeli za Mungu urumishi wawo. Ɓasi namufanye namuna amba wao watsoshindra warumishiye ha furaha, wala tsi ha unguruma, trongo ilio amba kaitsomufayidishani.

MAHEƁRANIYA 11:36

Wasalia waondesheha ha mashekedzo na shengwe, na wasalia raha ha silisili na shiv̄a.

2 TIMUTAUSU 4:5

Ɓadi wawe, kana fahamu laho hari mwa piya zitrongo, stahamili yamaondo, fanya ihazi ya mutrangizi wa iHaɓari Ndjema, tsimidza ha ukamilifu urumishi waho.

2 TIMUTAUSU 2:9

Ha wiyo nisuondesheha, ata tsifungwa mauri murendrezi-mbovu. Ɓadi urongozi wa Mungu kawafungwa.

2 TIMUTAUSU 1:8

Ɓasi usuone haya umulawia ushahidi Raɓi watru, wala wami nilio mufungwa ha siɓaɓu ya waye, ɓadi ondesheha v̄umoja na wami ha tanafu ya iIndjili, ha ushindzi wa Mungu.

1 TIMUTAUSU 4:10

iKusudi ata ridzirumao na udzisonga ɗe uka amba rihetsi tama yatru ha Mungu alio hayi, Muhuyifu wa piya uwanadamu, hususwani wao waaminio.

1 MATESALONIKA 2:9

Kweli amba musunahana, wananya wa shi uaminifu, ihazi na usongefu rakanawo; rakodziruma uku na mutsana, ile rasuke djukumani ha mutru atsokao yotsi hari mwanyu, mulio amba rimutekelezeani iIndjili ya Mungu.

MAFILIPI 1:13

Kweli amba moni na piya lidjumba la umuɓole wa isirikali, mauri ɗe hari mwa piya yimikaɓala yangina, iv̄enuha amba tsa hari mwa zifungo za silisili ha siɓaɓu ya Kristi.

MAEFESO 3:1

Iyo ɗe imana nimumiliaoni Mungu, wami Ɓaulusu, mufungwa wa Kristi-Insa ha tanafu yanyu, wanyu tsi Mayahudi,

1 MAKORINTIYO 15:10

Ɓadi ha irehema ya Mungu, tsa namuna nilio, na irehema yahe iyo hanguju kaisi amba kaina mana. Ɗe ikinyume, tsidzirumu zaidi ya wao piya, wala tsi wami, ɓadi ɗe irehema ya Mungu ilio hanguju.

1 MAKORINTIYO 7:5

Musuharaliane hadja za umwili wanyu neka tsi ha uafikiana hari mwa wakati, ile mukane nafasi ya mamilio. Amwesa murudi v̄umoja raha, pare Shetwani asuje amudjereɓuni ha siɓaɓu ya ukosefu wanyu wa ushindra udzizia.

1 MAKORINTIYO 4:11

Ata v̄anu, ra hari mwa ndza na nyora, ra wadzi, risuv̄ondrwa, karina makazi.

MAV̄INGIZI-RISALA 28:30

Ɓaulusu aketsi maha mili yatsimu moni na nyumba aka aiwadjiri; akokariɓisa piya wao wakoja wamuone.

MAV̄INGIZI-RISALA 26:29

Ɓaulusu amudjiɓu: «Neka shashi au nyengi, nisumia Mungu ike amba tsi ɗe wawe tu, ɓadi na piya wao wanivulishiao leo ini mugauhe mauri ɗe wami, ila ɗe silisili zini.»

MAV̄INGIZI-RISALA 26:10

Iyo ɗe itrongo naifanya Yerusalemu. Tsitria shiv̄ani watwaharifu wengi ha iruhusa naka naipara ha yaMatolezi Maɓole ya Masadaka|Mutolezi-Masadaka, na neka watrilwa hari mwa zifungo za wao uulawa, nakokuɓali.

MAV̄INGIZI-RISALA 24:27

Ɓaanda v̄wav̄ira maha mili, Porkiyusu Festusi arenge liɓandza la Feliksa. Na ha utsaha ajiv̄idze yaMayahudi, Feliksa amulishi Ɓaulusu shiv̄ani.

MAV̄INGIZI-RISALA 23:35

amuambia: «Nitsohukia wakati watru wahushitakio watsowaswilio.» Ɓaanda ya v̄ale atowo ãmuri andre agogewe hari mwa lipa la ufalume la Hirudu.

MAV̄INGIZI-RISALA 23:10

Ha iv̄o yamashindrano yaengedzeha fidjo, shitswa wa madjeshi ule ariyi Ɓaulusu asuje atsapulwa-tsapulwa na watru wale. Ɓas, av̄a ãmuri madjeshi yahe washuke, wamutowe hari-hari na wao v̄ale, wamuv̄inge moni na inyumba yahifadhwiwa.

MAV̄INGIZI-RISALA 20:31

Ɓas namuke hashiri, munahane amba pandza la maha miraru, tsazia uku wala mutsana ya wami umufahamishani ha matsozi, kula moja hari mwanyu.

MAV̄INGIZI-RISALA 14:23

Wawahetsia madhwamana hari mwa kula Djama Ndziwaminifu, amwesa ɓaanda wafanya mamilio na ufunga, wawadhwaminisha Raɓi alio amba wamuamini.

MAV̄INGIZI-RISALA 14:19

Wakati ule v̄ulawa Mayahudi Antiyokiya na Ikoniyumu, yaja yasariɓia idunia ile. Ɓaanda wamuvutsia Ɓaulusu mawe, wamugogora v̄ondze mwa liɗago, wakofikiri amba afu.

MAV̄INGIZI-RISALA 13:3

Ɓas, ɓaanda wafunga na ufanya mamilio, wawakadzia yimihono, wawalishi wandre.

MAV̄INGIZI-RISALA 5:18

wandre wasiki yaMav̄ingizi-Risala, wawatria shiv̄ani.

MATIYO 14:10

Ɓas, av̄eleha mutru amupuwe Yahaya ishitswa shiv̄ani.

MATIYO 14:3

Hirudu aka aãmurisha amba Yahaya aziwe, afungwe, amwesa atrilwe shiv̄ani ha siɓaɓu ya Hirudiyati, mutrumushe wa mwananyahe Filiɓusa,

MATIYO 9:15

Insa awadjiɓu: «Hali wadjeni wa harusi, wao ukiri ukana huzuni ɓwana-harusi amoka v̄umoja na wao? Ata hata! Ɓadi v̄utsoja suku amba watsorengewa ɓwana-harusi, na v̄av̄o ɗe watsofungao.