2 MAKORINTIYO 6:10 - Ha`bari Ndjema ya I Maore

¹⁰ mauri watru wahuzunishiha, ata iv̄o rilio rahani daima; mauri masikini, ata iv̄o ritadjirisao wengi; mauri watru kawasina itsokao yotsi, ata iv̄o riliona piya.

2 MAKORINTIYO 6:10 Referans Kwoze

YUHANI 16:22

Wanyu wajau, av̄asa mwa hari mwa huzuni. Ɓadi nitsomuonani raha, na iroho yanyu itsofurahi, tsena ifuraha yanyu, kav̄u ata mutru atsoshindrao amutoleyeniyo.

2 MAKORINTIYO 8:9

Mana musujua ineema ya Raɓi watru Insa-Kristi|Insa: waye alio amba akana utadjirifu, adzisikinisha ha tanafu yanyu, pare ha usikini wahe, wanyu mutadjirishihe.

MUV̄ENULIO 2:9

Nisujua matreso yaho na usikini waho, wala ukana amba wawe tadjiri. Tsena nisujua zinaĩ urongolwaozo na wao wadzihirao Mayahudi wala kawasi, ɓadi walio djama iãɓuduo Shetwani.

YAKOƁU 2:5

Namuvulishiye wananya wa shi uaminifu wav̄endzewa wangu: afa Mungu katsahua wao walio masikini mbeli za ulemengu, amba waka matadjiri hari mwa uaminifu, tsena mawarithi wa utawalizi autolea wahadi ha wao wamuv̄endzao?

MAHEƁRANIYA 10:34

Kweli amba muono utungu v̄umoja na wao waka wafungwa, tsena ha furaha mukuɓali muv̄oshewe ndjema zanyu, iv̄o mwakojua amba muna utadjirifu wazidi utsokao dahari.

1 TIMUTAUSU 4:8

Madjereɓio ya shimwili ukana faida, ɓadi hari mwa trongo shashi, wakati ulio amba ĩɓada, iyo ukana faida hari mwa piya zitrongo, mana ina wahadi wa uhayati wa leo, ata uwo ujao.

MAFILIPI 4:4

Namufurahini daima hari mwa uv̄umoja wanyu na Raɓi. Nisurudi niirongowe, namufurahini!

1 MATESALONIKA 1:6

Na wanyu mufanyiha watiɓizi watru, tsena wa Raɓi, ha ukuɓali Urongozi wa Mungu hari-hari na matreso ha uwengi, tsena v̄umoja na ifuraha ya iRoho Ndzitwaharifu.

MAKOLOSIYA 3:16

V̄av̄o urongozi wa Kristi nauke moni hanyu ha piya utadjirifu wawo; namusomedzane na ufahamishana ha piya zihikima. Namuhedze madjimbo, ngutende za sifa, na himbo za shiRoho. Namumuhimbiye Mungu v̄umoja na himida ha piya umo wanyu.

MAFILIPI 2:17

Ɓadi ata wala ukana idamu yangu isujotsomolwa amba kafara hari mwa lisadaka la urumishi wa uaminifu wanyu, ne nisufurahi nayo, tsena nisufurahi v̄umoja na wanyu piyanyu.

MAROMU 11:12

Ɓasi neka kosa lawo liv̄ingia ɓaraka ulemengu, na uwa yawo iv̄ingia ɓaraka zinishani zangina, v̄av̄o ha mara ngav̄i zaidi uhuyifu wa indadi kamili yawo utsov̄ingao ɓaraka!

1 MONYE 4:13

Ɓadi iv̄o murengao fuvu hari mwa yamatungu ya *Kristi, namufurahi ile pare hari mwa umuv̄enulio wa utukufu wahe, wanyu wajau mufurahi na ujiv̄iwa.

2 MAKORINTIYO 4:7

Ɓadi idafine iyo risuiv̄inga moni hatru, wasi rilio ziya za ɗongo, ile ushindzi kauna mufano unu uonehane amba ulawa ha Mungu, ɓadi tsi hatru.

2 MAKORINTIYO 2:4

Mana v̄umoja na utungu muɓole, usikitifu wa roho, tsena na matsozi ha uwengi ɗe namuangishiani, wala tsi ha umutriani huzuni, ɓadi ile mujuwe uzidifu wa umuv̄endzani nilionawo.

MAROMU 15:13

Ɓasi Mungu Monyewe av̄ao tama, namujadziyeni kula furaha na amani hari mwa uaminifu, ile pare itama yanyu yendre na uzidishiha ha ushindzi wa iRoho Ndzitwaharifu.

MAROMU 12:15

Namufurahi v̄umoja na wao wafurahio, mulile na wao walilao.

MAV̄INGIZI-RISALA 5:41

yaMav̄ingizi-Risala yale yalawa hari mwa uMungulidzano wa Waɓole, wafurahi ha iv̄o waonehana amba wastahiki warendrwe mbovu ha siɓaɓu ya lidzina la Insa.

LUKASI 6:21

Furaha ha wanyu muliona ndza av̄asa, mana mutsokura. Furaha ha wanyu mulilao av̄asa, mana mutsofurahi.

MATIYO 5:4

Furaha ha wao walio hari mwa usikitifu, mana watsotrulidziwa.

1 TIMUTAUSU 6:18

Nawarendre ndjema, wake tadjiri ha zitrendro ndjema, wake wangu wa uv̄a, tsena wakane maendreleo ya ushirika.

1 MATESALONIKA 5:16

Ha daima namufurahi,

MAV̄INGIZI-RISALA 3:6

Sa ile Monye amuambia: «Tsisina fedha, wala dhahaɓu; ɓadi iyo nilionayo, nisuhuv̄ayo. Ha lidzina la Insa-Kristi wa Nazareti, hima wendre.»

MAKOLOSIYA 1:24

Av̄asav̄anu nisufurahi na yamaondo niyaonao ha tanafu yanyu, tsena nisutsimidza ha umwili wangu yamatreso yamukosea Kristi ha tanafu ya umwili wahe, ne ɗe iDjama Ndziwaminifu.

MAEFESO 3:16

Nisumumia amba ha utadjirifu wa utukufu wahe amudjaãliyeni ushindzi ha iRoho yahe, ile pare uutru wa moni hanyu uhodarishihe,

MAEFESO 3:8

Wami nilio umuv̄ungufu wa piya watwaharifu, tsidjaãliwa ineema ini ya ujudza ha watru wa zinishani zangina iHaɓari Ndjema ya utadjirifu wav̄iria shiv̄imo wa Kristi,

2 MAKORINTIYO 4:15

Piya zizo ɗe ha siɓaɓu ya wanyu pare irehema, ha uendra na ujilia indadi zaidi na zaidi ya watru, izidishe umuhimidio, ha utukufu wa Mungu.

1 MAKORINTIYO 1:5

Mana hari mwa uv̄umoja na waye, mudjaãliwa kula utadjirifu wa kula urongozi na kula ujuzi,

MAROMU 9:2

amba v̄anu tsina huzuni ɓole na utungu kausukoma rohoni hangu.

MAROMU 8:32

Waye alio amba kamuɓalia uMwana wahe monyewe, ɓadi amutoa ha faida ya wasi piyasi, ɓasi ha namuna jeje katsoridjaãlia wajau piya v̄umoja na waye?

MAV̄INGIZI-RISALA 16:25

Ata hari-hari za uku, Ɓaulusu na Silasi wakofanya mamilio na uhedza madjimbo ya usifu Mungu. Na wafungwa wasalia wakowavulishia.

MATIYO 5:12

Namujiv̄iwe, tsena muke hari mwa furaha, mana thawaɓu zanyu zitsoka ɓole pev̄oni. Mana ɗe ha inamuna iyo ɗe yakotreswa yimitrume yav̄ira kaɓula ya wanyu.»

MUV̄ENULIO 21:7

Uwo ashindra, atsoarithi trongo zini. Nitsoka Mungu wahe, na waye atsoka mwana wangu.