2 MAKORINTIYO 6:1 - Ha`bari Ndjema ya I Maore

¹ Rangu rilio washangirizi wa Mungu, risumutriani ɓari mwasurenge ineema mwaipara hahe, mwaifanya shitru tsi yendza mavuna.

2 MAKORINTIYO 6:1 Referans Kwoze

MAHEƁRANIYA 12:15

Namuke hashiri amba v̄usuke ata mutru ahara urehema wa Mungu; v̄usuke ata muzi wendza nyongo wamea wataãɓisha, trongo ilio amba itsorandra, itupiye watru wengi.

1 MAKORINTIYO 3:9

Mana wasi washangirizi wa Mungu rifanyao hazi v̄umoja na waye; wanyu ɗe lishamba la Mungu, amma ɗe umuundrio wa Mungu.

1 MONYE 4:10

Kula mutru narumiye ha wanyahe ineema adjaãliwayo; v̄av̄o mutsoka warumishi wema wa urehema wa namuna ha namuna wa Mungu.

MAGALATWIYA 2:21

Tsisuhara irehema ya Mungu; mana na djeli umuhakisho mbeli za Mungu uka ha iSharia, itsoka amba Kristi afu ɓila mana itsokao yotsi.

MAHEƁRANIYA 12:25

Namufahamu, musuharaliye uwo alaguao. Neka wao waharalia uwo akowafahamisha shiv̄andreju mwa tsi kawashindra watrala, ha mara ngav̄i zaidi wasi karitsoshindra ratrala, neka risudziɓausa na Uwo arifahamishao rangu pev̄oni!

MAROMU 12:1

Ɓasi wananyangu, ha siɓaɓu ya urehema wa Mungu, nisumutriani ɓari muelehe umwili wanyu ha Mungu amba kafara lilio hayi, twahara limujiv̄iao Mungu. Iyo ɗe ĩɓada ya kweli yamulazimuni.

MAGALATWIYA 3:4

Piya izo mwaziẽshi, amba ɓure-ɓure tu? Neka kweli amba ɓure-ɓure tu!

MAV̄INGIZI-RISALA 14:3

Ɓas, Ɓaulusu na Ɓarnaɓasi waɓaki ɗagoni Ikoniyumu muda kiasi na wao wakolagua ha uhodari hari mwa uv̄umoja wawo na Raɓi, alio amba akodhiɓitisha ukweli wa urongozi wawo ju la ineema yahe ha uwakuɓalia v̄urendrehe ãlama za midjuza na trongo za ãdjaɓu ha yimihono yawo.

TITUSA 2:11

Mana irehema ya Mungu iv̄ingao uhuyifu ha piya wanadamu, iv̄enuha.

MATIYO 23:37

«Yerusalemu, wawe Yerusalemu, uulao yimitrume na uangamidza ha mawe wao uv̄eleshewawo! Mara ngav̄i ɗe natsaha ningulidze wana waho mauri kuhu ingulidzao wana wahe moni na maɓawa yahe, ne kwakuɓali!

2 MAKORINTIYO 10:1

Wami Ɓaulusu nisumumiani ha utrulivu na uwema wa Kristi, wami nirongoleshehao amba ɓaridi namoka matsoni hanyu, na muhali namoka mbali na wanyu,

MAV̄INGIZI-RISALA 11:23

Uwaswili yahe ata aona ineema ya Mungu, afurahi, tsena awatria ɓari piyawo wasike ha umo muhodari uaminifu wawo na Raɓi.

1 MATESALONIKA 3:5

Iyo ɗe yatsonga amba ɓaanda tsakoshindra nastahamili tsena, tsimuv̄eleha Timutausu aje arenge haɓari ya uaminifu wanyu, ha trisidzo amba uMuzainifu aja amuzainini ata yaka amba hazi yatru kaina mana.

MAHEƁRANIYA 4:1

Ɓasi iv̄o raha uwahadi wa ungia hari mwa uv̄umuzi wahe ulio v̄av̄o, narifahamu v̄usuke ata moja mengoni mwanyu amba kaupara,