2 MAKORINTIYO 5:16 - Ha`bari Ndjema ya I Maore

¹⁶ Ha izo rangu v̄anu, karisuangalia atsokao yotsi ha shiuɓinadamu. Wala ukana rakomuangalia Kristi ha shiuɓinadamu, av̄asa karisumuangalia tsena namuna ile.

2 MAKORINTIYO 5:16 Referans Kwoze

MAKOLOSIYA 3:11

V̄anu kav̄u Mugiriki ɓila Muyahudi, mutahiriwa|utahiri au katahiriwa, mushendzi ɓila mumatsaha, murumwa ɓila munafasina, ɓadi Kristi ɗe alio piya, tsena ha piya.

YUHANI 6:63

Roho ɗe iv̄ao uhayati, umwili kaushindri ata trongo. Marongozi yao namuambiani, yao roho na uhayati.

YAKOƁU 3:17

Hikima ya shi uju, iyo uka raɓuzi ndziraharifu, amwesa yendza amani, ndzitrulivu, tsena ndzielevu; iyo ujaya poreho, tsena ukana mavuna mema, ɓila uɓanguzi, wala unafiki.

MAGALATWIYA 5:6

Mana hari mwa uv̄umoja na Kristi-Insa, tsi ɗe utahiriwa, au tsi utahiriwa ɗe iliona mana, ɓadi ɗe uaminifu urendrehao ha mahaɓa.

YUHANI 15:14

Wanyu wandzani wangu, neka musufanya izo nimuãmurishaoni.

YUHANI 2:4

Insa amudjiɓu: «Mama, manatrini uniambiao wami trongo iyo? Wakati wangu raha kawapara.»

MATIYO 10:37

Uwo amuv̄endzao ɓaɓahe au mayahe rahana wami, kanistahiki; na uwo av̄endzao umwana wahe mutruɓaɓa au mutrumama rahana wami, kanistahiki.

2 MAKORINTIYO 11:18

Ɓaanda wengi wadziɓuao shiuɓinadamu, wami wajau nitsodziɓua.

YUHANI 8:15

Musuhukumu shi unadamu; wami tsisuhukumu ata mutru.

MAFILIPI 3:4

Na v̄ale, tsina furswa za utria tama yangu wajau hari mwa uɓinadamu. Neka v̄wa wangina waonao amba wana furswa ya utria tama yawo hari mwa trongo za shimwili, ɓasi wami tsizidi furswa: