2 MAKORINTIYO 5:15 - Ha`bari Ndjema ya I Maore

¹⁵ Na neka afu ha faida ya piya, v̄av̄o pare wao walio hayi wasuẽshi tsena ha faida yawo wenyewe, ɓadi ha faida ya ule afa, tsena aregezewa hayi ha faida yawo.

2 MAKORINTIYO 5:15 Referans Kwoze

MAKOLOSIYA 3:1

Ɓasi ɓaanda mwaregezewa hayi v̄umoja na Kristi, namutsahe trongo za shi uju, v̄ahanu Kristi aketsi humeni ha Mungu.

MAKOLOSIYA 3:17

Yotsi mufanyao, neka ha marongozi au shitrendro, namuifanye ha lidzina la Raɓi Insa, na ha ndzia yahe, mumushukuriye Mungu amma Ɓaɓa.

1 YUHANI 4:9

Tsini inamuna uv̄endza ya Mungu yav̄enuha hatruju: Mungu av̄eleha Mwana moja-moja wahe ulemenguni, pare rikane uhayati ha waye.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

MAGALATWIYA 5:25

Iv̄o riẽshio ha iRoho, narendre wajau ha iRoho.

MAROMU 12:1

Ɓasi wananyangu, ha siɓaɓu ya urehema wa Mungu, nisumutriani ɓari muelehe umwili wanyu ha Mungu amba kafara lilio hayi, twahara limujiv̄iao Mungu. Iyo ɗe ĩɓada ya kweli yamulazimuni.

1 MONYE 4:6

Iyo ɗe imana amba ata ha uwafu, ne iIndjili ijudziwa, ile pare ɓaanda wanamulwa shi wanadamu mwilini, waẽshi shi roho mauri Mungu.

1 MATESALONIKA 5:10

alio amba afu ha tanafu yatru, ile neka risushesa au risulala, riẽshi hari mwa uv̄umoja na waye.

MAROMU 6:6

Risujua amba utru watru wa ãswili uremwa mizumari v̄umoja na waye hari mwa umuri wa pawa, ile itaɓia ndziãswifu yatru iangamidziwe, rasuke tsena warumwa wa dhambi.

LUKASI 1:74

amba atsorikomboa mihononi ha maãduwi yatru, ile pare wala tsi ha uria, rimurumishiye

MUV̄ENULIO 1:18

Uwo alio hayi. Tsifu, na tsami tsa hayi mida ha mida, amwesa tsina yimifunguo ya ufa na ya Uzimu wa wafu.

2 MAKORINTIYO 5:16

Ha izo rangu v̄anu, karisuangalia atsokao yotsi ha shiuɓinadamu. Wala ukana rakomuangalia Kristi ha shiuɓinadamu, av̄asa karisumuangalia tsena namuna ile.

1 MAKORINTIYO 10:33

mauri ɗe wami wajau namuna nitsahao nijiv̄idze piya watru hari mwa piya zitrongo, wala tsi ha utsaha faida yangu monyewe, ɓadi ya uwengi, ile wahuyiwe.

MAKOLOSIYA 3:23

Yotsi mufanyao, namuifanye ha piya umo wanyu, mauri musumufanyiayo Raɓi, ɓadi tsi wanadamu,

MAKOLOSIYA 2:12

Mudzihwa v̄umoja na waye ha umuɓaĩsho|uɓaĩsha, na hari mwa uv̄umoja na waye, muregezewa hayi na waye raha ha uaminifu na ushindzi wa Mungu, alio amba amuregeza hayi ulawa ha uwafu.

MAROMU 8:6

Ushahilifu wa fikira za ihali ya shiuɓinadamu uv̄inga hari mwa ufa, ɓadi ushahilifu wa fikira za iRoho uv̄inga hari mwa uhayati na utrulivu wa roho.

MAROMU 8:2

Mana isharia ya iRoho iv̄ingao uhayati ha uv̄umoja na Kristi-Insa, inikomboa na isharia ya dhambi na ya ufa.

YUHANI 6:57

Mauri ɗe inamuna Ɓaɓa alio hayi aniv̄eleha, tsena niẽshio ha waye Ɓaɓa, mutru aniɗyao, atsoẽshi ha iwami.

MAEFESO 4:17

Ɓasi tsini itrongo niirongoao tsena niishadidishao hari mwa uv̄umoja wangu na Raɓi: ɗe amba kamwalazimu mwadziv̄inga tsena mauri ɗe inamuna wadziv̄ingao watru wa zinishani zangina, walio amba fikira zawo kazina faida.

2 MAKORINTIYO 3:6

Waye ɗe ariv̄a ushindzi wa uka warumishi wa mukataɓa muv̄ia; tsi mukataɓa waangihwa, ɓadi wa iRoho. Mana ule waangihwa uv̄inga hari mwa ufa, ɓadi iRoho uv̄inga hari mwa uhayati.

MAEFESO 5:14

mana kula yav̄enulwa ufanyiha heu. Iyo ɗe imana ata v̄urongolwao: «Hima, wawe wasindzia, dzimidze hari mwa uwafu, na Kristi atsohuwalia.»

MAROMU 8:10

Ɓadi neka amba Kristi a moni hanyu, v̄av̄o kweli amba umwili ufu ha siɓaɓu ya dhambi, ɓadi iRoho ɗe uhayati ha siɓaɓu ya umuhakisho.

YUHANI 5:24

Nisumuambiani ha kweli, mutru avulikiao urongozi wangu tsena aaminio ule aniv̄eleha, ana uhayati mukamilifu wa daima. Katsohukumulwa, mana madza avuku uufa, angia uhayatiju.

MAROMU 6:2

Ata hata! Yahusu dhambi, wasi rifu. Ɓasi v̄av̄o ha namuna jeje ritsoẽshio raha moni mwalo?

MAROMU 4:25

alio amba av̄elehwa aulawe ha siɓaɓu ya maãswi yatru, tsena aregezewa hayi ile rihakishihe mbeli za Mungu.

2 MAKORINTIYO 12:10

Iyo ɗe imana amba wami ufurahi hari mwa zingulemevu, hari mwa zinaza, hari mwa yamaondo, yamatreso na zitaãɓu ha siɓaɓu ya Kristi. Mana namoka mulemevu, v̄av̄o ɗe nikao na nguvu.