2 MAKORINTIYO 4:16 - Ha`bari Ndjema ya I Maore

¹⁶ Iyo ɗe imana ata karisupuha ɓari. Ata neka amba hatruju ɓuumbio la v̄ondze latru lisuangamia, ɓadi la moni lisufanyiha pia suku ha suku.

2 MAKORINTIYO 4:16 Referans Kwoze

MAKOLOSIYA 3:10

mwadzipindrisa utru muv̄ia ulio amba usendra na ufanyiha muv̄ia hari mwa ujuzi ulinganao na umufano wa Uwo auumba.

MAROMU 12:2

Musudzilinganise na ulemengu wa leo, ɓadi namudzilishe mugaudziwe ãkili yanyu ike pia, ile mushindre mujuwe yamav̄endzeleo ya Mungu, ne ɗe izo zilio ndjema zimujiv̄iao, tsena zarahara.

2 MAKORINTIYO 4:1

Ha izo, iv̄o riliona urumishi uwo ha urehema radjaãliwawo, karisupuha ɓari.

MAEFESO 3:16

Nisumumia amba ha utadjirifu wa utukufu wahe amudjaãliyeni ushindzi ha iRoho yahe, ile pare uutru wa moni hanyu uhodarishihe,

MAROMU 7:22

Mana moni na umo wangu, wami ujiv̄iwa na iSharia ya Mungu.

TITUSA 3:5

arihuyi, tsi amba rifanya zitrendro zamujiv̄ia, ɓadi ha urehema wahe monyewe. Arihuyi ha umuhoseo wa umudzalio muv̄ia, na umuregezeo-muv̄ia uv̄ingwao na iRoho Ndzitwaharifu,

1 MONYE 3:4

ɓadi nauke wa moni wa utru wanyu, ustawivu kaukomo wa roho makini yendza utrulivu. Iyo ɗe itrongo ikao na faida ɓole mbeli za Mungu.

MAEFESO 4:23

tsena ilazimu mufanyihe watru wav̄ia hari mwa ziroho na zifikira,

1 MAKORINTIYO 15:58

Ha izo wananya wa roho wangu, namuke wahodari, watru wasika. Ha daima murendre na uzidisha urumishi wa Raɓi, ha ujua amba ihazi yanyu hari mwa uv̄umoja na Raɓi, kaisi tsi endza faida.

2 MAKORINTIYO 12:15

Na wami nitsotoa ha umo warahara, tsena nitsodzitoa ata iwami yangu ha tanafu yanyu. Hali neka nisuv̄iria umuv̄endzani, v̄av̄o nitsov̄endzewa ha ushashi?

LUKASI 11:3

Uriv̄e kula suku shahula ya urilela.

1 MONYE 4:14

Neka musunaziwa ha siɓaɓu ya lidzina la Kristi, v̄av̄o muɓarikishiha, mana iRoho yendza utukufu ya Mungu ya hanyuju.