2 MAKORINTIYO 4:12 - Ha`bari Ndjema ya I Maore

¹² Ha izo, moni hatru ufa ɗe urendrao, ɓadi moni hanyu, ɗe uhayati.

2 MAKORINTIYO 4:12 Referans Kwoze

2 MAKORINTIYO 13:9

Wasi ufurahi ramoka walemevu, wakati ikao amba wanyu mwa wahodari; ɓasi mamilio yatru ɗe wanyu ukamilishiha, mwasukane kosa.

1 YUHANI 3:16

Ha zini risujua uv̄endza: ɗe amba waye Insa av̄a uhayati wahe ha faida yatru. Wasi wajau, rilazimu riv̄e uhayati watru ha faida ya uwananya.

1 MAKORINTIYO 4:10

Wasi ra wajinga ha siɓaɓu ya Kristi, ɓadi wanyu muna hikima hari mwa uv̄umoja wanyu na Kristi; wasi ra walemevu, ɓadi wanyu muna nguvu; wanyu musuv̄olwa hishima, ɓadi tsi wasi.

MAV̄INGIZI-RISALA 20:24

Ɓadi tsisuona uhayati wangu amba muhimu au na faida itsokao yotsi na wami, neka tsi ɗe wami utsimidza umwendro wangu, nendre ata nimalidze ihazi nadhwaminishiwayo na Raɓi Insa, ɗe ujudza iHaɓari Ndjema ya ineema ya Mungu.

MAFILIPI 2:17

Ɓadi ata wala ukana idamu yangu isujotsomolwa amba kafara hari mwa lisadaka la urumishi wa uaminifu wanyu, ne nisufurahi nayo, tsena nisufurahi v̄umoja na wanyu piyanyu.

2 MAKORINTIYO 12:15

Na wami nitsotoa ha umo warahara, tsena nitsodzitoa ata iwami yangu ha tanafu yanyu. Hali neka nisuv̄iria umuv̄endzani, v̄av̄o nitsov̄endzewa ha ushashi?

MAFILIPI 2:30

mana ɗe ha siɓaɓu ya urumishi wa Kristi ɗe aka kariɓu na ufa. Ahatwarisha uhayati wahe ha urenga liɓandza lanyu la utsimidza urumishi hanguju, urumishi ulio amba wanyu wenyewe kamwakojua mwaniv̄ingia.

2 MAKORINTIYO 4:11

Mana wasi rilio hayi, ha daima risuv̄elehwa hari mwa hatwari ya ufa ha siɓaɓu ya Insa, pare uhayati wa Insa wajau uv̄enuhe hari mwa umwili mufa watru.

2 MAKORINTIYO 4:13

Na ha iv̄o riliona roho wiyo-wiyo ya uaminifu na iyo yaangihwa amba: «Tsiamini, ɗe imana ata nalagua», ɓasi wasi wajau risuamini, ɗe imana ata rilaguao.