2 MAKORINTIYO 3:6 - Ha`bari Ndjema ya I Maore

⁶ Waye ɗe ariv̄a ushindzi wa uka warumishi wa mukataɓa muv̄ia; tsi mukataɓa waangihwa, ɓadi wa iRoho. Mana ule waangihwa uv̄inga hari mwa ufa, ɓadi iRoho uv̄inga hari mwa uhayati.

2 MAKORINTIYO 3:6 Referans Kwoze

YUHANI 6:63

Roho ɗe iv̄ao uhayati, umwili kaushindri ata trongo. Marongozi yao namuambiani, yao roho na uhayati.

MAROMU 7:6

Ɓadi av̄asa riɓuliwa mbeli za iSharia, mana rifu ha itrongo ile yakorifunga, ha namuna amba av̄asa risumurumishia Mungu ha utawalizi muv̄ia wa iRoho, ɓadi tsi ɗe ha indzia ya utawalizi wa hale, ne ɗe iSharia yaangihwa.

MAROMU 8:2

Mana isharia ya iRoho iv̄ingao uhayati ha uv̄umoja na Kristi-Insa, inikomboa na isharia ya dhambi na ya ufa.

MAHEƁRANIYA 12:24

mumujilia Insa, umuparanisa wa mukataɓa muv̄ia, na idamu yahe yatsambadziwa ilaguao trongo ndjema rahana ya Haɓilu.

MAHEƁRANIYA 7:22

Ha v̄av̄o Insa afanyiha djukuma wa mukataɓa ɓorwa zaidi.

2 MAKORINTIYO 3:14

Ɓadi ãkili yawo ifanyiha ndziro. Mana ata leo uMukataɓa wa Hale wamosomwa, na ishitamba wiyo ile uka. Kayatolwa, mana iyo kailawa neka tsi hari mwa uv̄umoja na Kristi.

1 MAKORINTIYO 15:45

Iyo ɗe imana ata v̄waangihwa moni na uMuangishio Mutwaharifu: «uMwanadamu wa handra, Adamu, afanyiha shiumbe yendza roho»; Adamu wa mwiso waye, roho iv̄ao uhayati.

MAROMU 3:20

Kweli amba kav̄u ata mutru atsohakishiao mbeli za Mungu ha zizitrendro zatsahwa na iSharia. Mana iSharia, iyo uonesa lidhambi ɓas.

MAHEƁRANIYA 13:20

Ɓasi Mungu wa iamani alio amba ha idamu ya mukataɓa wa daima aregeza hayi ha uwafu uMutsunga-maɓariɓari muɓole, ne ɗe Raɓi watru Insa,

LUKASI 22:20

Amwesa ɓaanda wamalidza uɗya, arenge ishikombe ya maji ya zaɓiɓu ile, afanya ɗe wiyo-wiyo na uwaambia: «iShikombe ini ɗe iãlama ya umukataɓa muv̄ia udhiɓitishihao ha idamu yangu ijao itrihe ha tanafu yanyu.

1 MAKORINTIYO 11:25

Afanya ɗe wiyo ile na ishikombe ya ishinoa, ɓaanda wahisa uɗya, ha urongoa: «iShikombe ini ɗe umukataɓa muv̄ia wahakikishiwa ha idamu yangu. Kula mwamoinwa, namuifanye ha uninahana.»

MATIYO 13:52

Ɓas awaambia: «Iyo ɗe imana, kula fundi wa Sharia asomedzewa zahusu Utawalizi wa Monyewe ziMbingu, ujua afanisiwe na monyewe nyumba arengao hari mwa dafine yahe zitru pia na za hale.»

1 MONYE 3:18

Mana Kristi waye-waye ne aondesheha mara moja ɓas ha siɓaɓu ya madhambi ya wanadamu. Waye mwendza haki afariki ha tanafu ya tsi wendza haki, ile pare amuv̄ingeni ha Mungu. Aulawa umwili wahe, ɓadi aẽshisiwa ha iRoho.

1 TIMUTAUSU 4:6

Wamoeleha zizo ha uwananya wa shi uaminifu, v̄av̄o utsoka murumishi mwema wa Kristi-Insa alisiwao ha marongozi ya uaminifu na umusomo mwema ulio amba uuɗungu ha uzuri.

MAEFESO 3:7

Tsifanyiha murumishi ha ineema ya irehema ya Mungu anidjaãliayo ha ndzia ya umurendreo wa ushindzi wahe.

MAGALATWIYA 3:21

Hali v̄anu iSharia isendra kinyume na zinguwahadi za Mungu? Ata hata! Na djeli v̄uka v̄utolwa Sharia ishindrao iv̄inge uhayati, v̄av̄o umuhakisho ha Mungu watsoja na iSharia.

2 MAKORINTIYO 3:7

Na neka urumishi wahusu ile iv̄ingao hari mwa ufa, shitru ilio amba ziharufu zayo zika ziangihwa hari mwa maɓao ya mawe, yakoja na utukufu ha namuna amba Maisraila kawakoshindra wahetsi matso yawo hari mwa isura ya Musa ha siɓaɓu ya utukufu wayo, wala ukana amba uka shitru muv̄ira,

1 MAKORINTIYO 12:28

Na hari mwa iDjama Ndziwaminifu, Mungu ahetsi handrani Mav̄ingizi-Risala, ya v̄ili watru wajudzao marongozi washukidziwawo, ya raru watru wasomedzao. Yaɗunga ineema ya ufanya midjuza, amwesa ya uzihira, ya usaidi, ya uv̄inga, na ulagua tafauti za luha zashukidziwa.

1 MAKORINTIYO 3:5

Afa Aɓulusu mwa, uwo mbani? Na Ɓaulusu ɗe mbani? Warumishi walio amba ha indzia yawo ɗe mwaja mwaamini, ha ikiasi Raɓi av̄a kula moja hari mwasi.

MAROMU 4:15

Mana iSharia isuv̄inga ihadhaɓu ya Mungu, na v̄ahali kav̄u Sharia, v̄av̄o kav̄u uvundzifu.

YUHANI 5:21

Mana mauri ɗe inamuna Ɓaɓa aregezao hayi watru wafa, awav̄ao uhayati, ɗe inamuna uMwana av̄ao uhayati uwo atsahao.

MARKUSI 14:24

Awaambia: «Ini ɗe idamu yangu idhiɓitishao umukataɓa wa muparano, damu yendrao yatrihe ya watru wengi.

MATIYO 26:28

mana ini ɗe idamu yangu idhiɓitishao umukataɓa, damu yendrao yatrihe ha faida ya watru wengi, ile wapare muswamaha wa madhambi.

2 MAKORINTIYO 3:9

Ɓasi neka urumishi uv̄ingao hari mwa zifungo ukana utukufu, ha mara ngav̄i zaidi urumishi uv̄ingao muhakikisho wazidi utukufu?

MAROMU 4:17

Mauri ɗe inamuna yaangihwa moni na uMuangishio: «Tsihufanya ɓaɓa wa nishani ha uwengi.» Waye a ɓaɓatru mbeli za Uwo alio amba amuamini, Mungu av̄ao uhayati uwafu, tsena ajisao iyo kaisi.

MAROMU 1:5

alio amba ha ndzia yahe ridjaãliwa ineema ya uv̄inga iRisala ha piya zinishani, ile zituĩ uaminifu, ha utukufu wa lidzina lahe.

1 YUHANI 1:1

Trongo ilio amba ika rangu mwandro, trongo raikia, trongo raiona ha yamatso yatru, trongo raistamia na uisika ha yimihono yatru, trongo yahusu Uwo alio Urongozi wa uhayati, ɗe rimujudzaoniyo.

2 TIMUTAUSU 1:11

Ɗe ha iIndjili iyo ɗe nalishwa mujudzizi, Muv̄ingizi-Risala amma musomedza.

MAEFESO 2:5

wasi raka rafa ha yamahosa yatru, ariẽshisa v̄umoja na Kristi. Ɓasi ha rehema ɗe mwahuyiwa.

1 MAKORINTIYO 3:10

Ha ineema ya Mungu nadjaãliwayo, tsihedza musingi mauri muundrizi mwendza hikima, na wangina asuundra uju mwawo. Ɓadi kula moja nafahamu na inamuna yahe aundrao uju.

MAEFESO 2:1

Yamuhusuni wanyu, muka mufu ha yamahosa na madhambi yanyu,

2 MAKORINTIYO 3:3

Iv̄enuha amba wanyu mwa ɓarua lalawa ha Kristi, ladhwaminishiwa urumishi watru; ɓarua lilio amba kalaangihwa ha nyongo, ɓadi ha iRoho ya Mungu alio hayi, wala kalaangihwa hari mwa maɓao ya mawe, ɓadi hari mwa maɓao ya mwili, hari mwa ziroho.

2 MAKORINTIYO 11:23

Amba wao warumishi wa Kristi? (Nisulagua shi mutru alatsiha ishitswa!) Wami tsiwazidi. Rangu zihazi za urumbufu-moni, tsiwav̄iria; hari mwa yimitrilio shiv̄ani, tsiwav̄iria raha; hari mwa ziv̄ondro, tsiwazidi mbali. Wakati mwengi tsika hari mwa hatwari ya ufa:

MAHEƁRANIYA 8:13

Ha uuhira amba mukataɓa muv̄ia, v̄av̄o wa handra ule aufanya amba wa hale. Na ilio amba ya hale tsena iɗuhwa, iyo isuja izimihe.