2 MAKORINTIYO 3:17 - Ha`bari Ndjema ya I Maore

¹⁷ Na Raɓi, waye ɗe iRoho, tsena v̄ahali iRoho ya Raɓi ilio, ɗe v̄ukao unafasi.

2 MAKORINTIYO 3:17 Referans Kwoze

MAROMU 8:2

Mana isharia ya iRoho iv̄ingao uhayati ha uv̄umoja na Kristi-Insa, inikomboa na isharia ya dhambi na ya ufa.

MAGALATWIYA 5:13

He wanyu wananyangu, muhiriwa muke hari mwa unafasi. Ɓadi unafasi uwo, usufanyihe amba shisa ya ufanya taɓia ya shiuɓinadamu. Ɗe ha kinyume amba ha uv̄endzana yanyu, namurumishiane wanyu na wanyu.

MAGALATWIYA 4:6

Na ha iv̄o mulio wana, Mungu av̄eleha rohoni hatru iRoho ya uMwana wahe, ilio amba isurongoa ha nguvu: «Aɓɓa!» yaãni «Ɓaɓa!»

YUHANI 8:32

Mutsojua ukweli, na ukweli uwo utsomukomboani.»

MAGALATWIYA 5:1

Ile wasi rikane unafasi, ɗe Kristi arikomboa. Ɓasi v̄av̄o namuhodarishihe, wala musudzilishe mwarudi tsena mwatrika mulandza wa urumwa.

2 TIMUTAUSU 1:7

Mana Mungu kariv̄a roho ɓaridi, ɓadi yendza ushindzi, uv̄endza na udzizia.

YUHANI 6:63

Roho ɗe iv̄ao uhayati, umwili kaushindri ata trongo. Marongozi yao namuambiani, yao roho na uhayati.

2 MAKORINTIYO 3:6

Waye ɗe ariv̄a ushindzi wa uka warumishi wa mukataɓa muv̄ia; tsi mukataɓa waangihwa, ɓadi wa iRoho. Mana ule waangihwa uv̄inga hari mwa ufa, ɓadi iRoho uv̄inga hari mwa uhayati.

1 MAKORINTIYO 15:45

Iyo ɗe imana ata v̄waangihwa moni na uMuangishio Mutwaharifu: «uMwanadamu wa handra, Adamu, afanyiha shiumbe yendza roho»; Adamu wa mwiso waye, roho iv̄ao uhayati.

2 MAKORINTIYO 3:18

V̄av̄o wasi piya sura zafunukulwa, risuv̄enua mauri hari mwa shiɗo utukufu wa Raɓi. Risugaudziwa rike mufano ɗe uwo-uwo, rikane utukufu ju la utukufu, trongo ifanyiwao na Raɓi, alio amba waye ɗe iRoho.