2 MAKORINTIYO 13:5 - Ha`bari Ndjema ya I Maore

⁵ Namudziv̄ime wanyu wenyewe, ile muone neka mwa hari mwa uaminifu, namudzitunde wanyu wenyewe. Hali kamusuona amba Insa-Kristi a moni hanyu? Ɓadi neka utunduzi usumusingidzani.

2 MAKORINTIYO 13:5 Referans Kwoze

1 MAKORINTIYO 11:28

V̄av̄o kula mutru nadzitunde iwaye yahe, iv̄o aɗye dipe lilo na unwa shikombe ya shinoa iyo.

1 MAKORINTIYO 9:27

Ha kinyume nisuruma mangavu umwili wangu, nisuufanya amba murumwa, ile ɓaanda naĩdhia wasalia, isuke amba tsiharaliwa.

MUV̄ENULIO 2:5

Ɓasi nahana uka yaho kaɓula ya upuliha. Endra toɓa, urudi hari mwa zitrendro za handra zaho. Neka tsi namuna iyo nitsohujilia, tsena nitsotoa shihetsi-kombe yaho ɓandzaju hayo, ɓadi neka wendre toɓa.

MAGALATWIYA 6:4

Ɓadi kula mutru nadzitunde na zitrendro zahe monyewe, na v̄av̄o atsopara trongo ya udziɓua yalawana na iwaye yahe, ɓadi tsi ha mutru wangina.

MAHEƁRANIYA 12:15

Namuke hashiri amba v̄usuke ata mutru ahara urehema wa Mungu; v̄usuke ata muzi wendza nyongo wamea wataãɓisha, trongo ilio amba itsorandra, itupiye watru wengi.

1 MAKORINTIYO 11:31

Neka risudzitunda wasi wenyewe, karitsohukumulwa.

TITUSA 1:16

Wasurongoa amba wasumujua Mungu, ɓadi wasumuhara ha zitrendro zawo. Wafanyiha walaãnifu, kawatuĩ itsokao yotsi, ɓila kawashindri ufanya ata shitrendro ndjema.

MAGALATWIYA 2:20

v̄anu tsi wami tsena ɗe niẽshio, ɓadi Kristi ɗe aẽshio moni hangu. Maẽsha nilionawo leo ha umwili, nisuyaẽshi ha uaminifu na uMwana wa Mungu alio amba aniv̄endze, tsena adzitoa fidia ha siɓaɓu ya wami.

YUHANI 14:23

Insa amudjiɓu: «Neka mutru asuniv̄endza, atsosika urongozi wangu, tsena Ɓaɓangu atsomuv̄endza; ritsomujilia, amwesa ritsofanya makazi yatru hahe.

MAROMU 8:10

Ɓadi neka amba Kristi a moni hanyu, v̄av̄o kweli amba umwili ufu ha siɓaɓu ya dhambi, ɓadi iRoho ɗe uhayati ha siɓaɓu ya umuhakisho.

MAHEƁRANIYA 4:1

Ɓasi iv̄o raha uwahadi wa ungia hari mwa uv̄umuzi wahe ulio v̄av̄o, narifahamu v̄usuke ata moja mengoni mwanyu amba kaupara,

1 MAKORINTIYO 9:24

Kamusujua amba waremezi-mbio moni na shandza urema mbio piyawo, ɓadi moja tu ɗe aparao ihishima? Ɓasi namureme mbio ha namuna ya uipara.

1 MAKORINTIYO 3:16

Hali kamusujua amba wanyu nyumba ndzitwaharifu ya Mungu, na iRoho ya Mungu isuẽshi moni hanyu?

YUHANI 15:4

Namuɓaki hari mwa uv̄umoja na wami, na wami nitsoɓaki hari mwa uv̄umoja na wanyu. Mauri ɗe inamuna trahi kalishindri ladza mavuna ha iwalo yalo neka kalaɓaki hari mwa likoho la umuzaɓiɓu, ɗe ha inamuna iyo tsena wanyu, neka kamusuɓaki hari mwa uv̄umoja na wami.

TITUSA 2:2

Sariɓia watruɓaɓa wendza maha wake watru wakasidi, wendza hishima, waelevu, wake wahodari hari mwa uaminifu, uv̄endza na suɓira.

MAEFESO 3:17

amba ha uaminifu Kristi aẽshi rohoni hanyu, na tsena amba musise mizi na uketsi hodari hari mwa itrongo ya uv̄endza,

YUHANI 17:26

Tsiwajudza lidzina laho, tsena nitsowajudzalo, ile mahaɓa waniv̄endza, yake moni hawo, na wami nike moni hawo.»

YUHANI 17:23

wami moni hawo, na wawe moni hangu, ile wakamilishihe hari mwa uv̄umoja, na ulemengu ujuwe amba univ̄eleha, tsena amba uwav̄endze, mauri ɗe inamuna waniv̄endza.

YAKOƁU 4:4

Wanyu wazindzi halisi! Afa kamusujua amba uwandzani na lidunia, uwo uãduwi na Mungu? Ɓasi mutru atsahao ake mwandzani wa lidunia, waye asudzifanya ãduwi wa Mungu.

MAKOLOSIYA 2:7

Namudzisise mizi na udziundra hari mwa uv̄umoja na waye, namudzihodarishe hari mwa uaminifu ha ulingana na iyo mwasomedzewa, na uzidishiha hari mwa himida.

MAKOLOSIYA 1:27

Mungu atsaha awajudze utadjirifu mutukufu wa iãdjaɓu ini hari mwa zinishani kazimuji, amba: Kristi moni hanyu, ɗe itama ya utukufu.

MAKOLOSIYA 1:23

Iyo neka musuɓaki hari mwa uaminifu, muketsi, tsena musiki hodari, ɓila udzilisha muv̄ingwe mbali na itama ya iIndjili mwaikia, ilio amba ijudziwa kula shiumbe utsini na uwingu, na wami Ɓaulusu nafanyiha murumishi wayo.

MAGALATWIYA 4:19

Wana wangu mulio amba tsina utungu wa madzazi raha na wanyu, ata mupaka Kristi afanyishihe moni hanyu!

2 MAKORINTIYO 6:16

Mukataɓa trini ulio ɓaina ya iNyumba Ndzitwaharifu ya Mungu na masanamwe? Kweli amba wasi ɗe makazi matwaharifu ya Mungu alio hayi. Mauri ɗe iheli Mungu arongoa: «Nitsoketsi hari mwawo, na uendra hari mwawo. Tsena nitsoka Mungu wawo, na wao watsoka umati wangu.»

1 MAKORINTIYO 6:19

Afa kamusujua amba umwili wanyu, uwo ɗe inyumba ndzitwaharifu ya iRoho Ndzitwaharifu ilio moni hanyu, tsena mwaipara ulawa ha Mungu? Wanyu tsi wanyu wenyewe.

1 MAKORINTIYO 6:2

Hali kamusujua amba waaminifu watsohukumu ulemengu? Na neka ɗe ha wanyu ɗe ulemengu utsohukumulwao, kamutsostahiki uhukumu wana trongo watiti?

YUHANI 6:56

Mutru aɗyao umwili wangu, tsena anwao idamu yangu, waye uɓaki hari mwa uv̄umoja na wami, na wami hari mwa uv̄umoja na waye.

YUHANI 6:6

Amudzisa trongo ile, pare amudjereɓu, mana akojua trongo akondroifanya.

1 MONYE 5:9

Namumukanyushe ha udzihodarisha na uaminifu wanyu, mujuwe amba wananyanyu wa shi uaminifu duniani v̄anu uv̄irisiwa hari mwa matreso yao-yao.

MAHEƁRANIYA 6:8

Ɓadi neka isuv̄a zimea zendza miɓa v̄umoja na muri-muɓa, iyo ufanyiha amba kaina faida, uka kariɓu na ulaãniwa, ata mwisoni utrilwa moro.

1 MAKORINTIYO 6:15

Afa kamusujua amba yimili yanyu ya ziga za Kristi? Ɓasi nitsorenga ziga za Kristi, nizifanye ziga za susu? Ata hata!

MAROMU 1:28

Ɓaanda kawatsaha wamujua Mungu, Mungu awajeledza hari mwa fikira mbovu zawo, wafanye zilio amba kazalazimu.

TITUSA 1:13

Ushahidifu uwo kweli. Ɓasi warudi ha uhali, ile pare wakane uaminifu muzuri,

2 TIMUTAUSU 3:8

Mauri ɗe Yanusu na Yambrusu wamukanyusa Musa, ɗe inamuna iyo wajau watru wao wakanyusao ikweli. Wao watru wendza ãkili zamenyeha walio amba hari mwa trongo ya uaminifu, wa hari mwa upotevu.

1 TIMUTAUSU 2:15

Ɓadi atsohuyiwa ha yamadzazi, neka aɓaki hari mwa uaminifu, uv̄endza na utwaharifu, v̄umoja na uwekevu.

MAKOLOSIYA 2:19

Na waye kasudzifunga na ishitswa ilio amba ha wiyo, piya umwili wafungamaniha ha uzuri ha zifungo za mwili na yimizi yawo, uhua ha muhulio ulawao ha Mungu.