2 MAKORINTIYO 13:11 - Ha`bari Ndjema ya I Maore

¹¹ Zaɓaki v̄av̄o wananyangu, namufurahi, mukusudiye ukamilifu, namutriane ɓari, muke na nia moja, namuẽshi hari mwa amani. Na Mungu Monyewe uv̄endza na utrulivu atsoka v̄umoja na wanyu.

2 MAKORINTIYO 13:11 Referans Kwoze

MAHEƁRANIYA 12:14

Namukane djitihadi ya uẽshi ha amani na watru piya, amwesa mukane utwaharifu ulio amba neka tsi ha uwo, kav̄u mutru atsomuonao Mola.

1 MAKORINTIYO 1:10

Nisumutriani ɓari wananyangu, ha lidzina la Raɓi watru Insa-Kristi, namusike piyanyu urongozi moja, v̄usuke mitsapushiano hari mwa wanyu, ɓadi mutsanganisihe, muke fikira moja na nia moja.

MAROMU 12:16

Namuafikiane wanyu na wanyu. Musudzitsashiye utru uhu, ɓadi namudzishuhulise na uwatiti. Musudzione wendza ãkili matsoni hanyu.

MAROMU 15:33

Mungu, Monyewe uv̄a usalama, nake v̄umoja na wanyu piyanyu. Amina.

MAROMU 12:18

Neka trongo mukinishiha, ha ikadiri itrongo itsokao djukumani hanyu, namuẽshi hari mwa amani v̄umoja na watru piya.

MARKUSI 9:50

Shingo, iyo shitru ndjema. Ɓadi neka shingo ilawa ladha, ha trini ɗe mutru atsoshindrao airegeze? Namuke na shingo moni hanyu, tsena muke na amani wanyu na wanyu.»

1 MONYE 3:11

Nadziɓause na mbovu, afanye indjema, natsahe iamani, tsena aiɗunge.

2 MAKORINTIYO 13:9

Wasi ufurahi ramoka walemevu, wakati ikao amba wanyu mwa wahodari; ɓasi mamilio yatru ɗe wanyu ukamilishiha, mwasukane kosa.

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.

1 MONYE 3:8

Ha muhutaswari, namuke konyo moja piyanyu, namuoneane utungu, muv̄endzane shiunanya, muv̄orehane, mukane uwekevu.

YAKOƁU 1:4

Ɓasi ustahamilivu nautsimidze hazi zawo, ile muke watru watsimu, tsena mukamilishihe hari mwa piya yimikaɓala, mwasukosewe na itsokao yotsi.

2 MATESALONIKA 2:16

Ɓasi Raɓi watru Insa-Kristi waye-waye na Mungu amma Ɓaɓatru alio amba ariv̄endze, tsena aridjaãlia ha ineema yahe mutrilio-ɓari wa daima na tama ndjema,

1 MATESALONIKA 4:1

Yaɓaki v̄anu wananya wa shi uaminifu, mupara ulawa na wasi namuna jeje ya udziv̄inga na umujiv̄ia Mungu, na iyo ɗe itrongo muifanyao. Av̄asav̄anu ɓasi, risumumiani na umutriani ɓari ha uv̄umoja na Raɓi Insa, namuendreleye raha ha uzidisha.

MAFILIPI 4:9

Iyo mwaisoma hangu, mwaipara, mwaikia tsena mwaiona, namuitriye ndziani. Na Mungu Monyewe utrulivu atsoka v̄umoja na wanyu.

MAFILIPI 1:27

Ɓadi namudziv̄inge ha namuna yastahiki iIndjili ya Kristi, ile pare neka nisuja nimuoneni, au tsisuja, nikiye amba musiki hodari ha nia moja, amwesa ha ãzima moja musuwanilia uaminifu wa iIndjili,

MAROMU 16:20

Mungu av̄ao amani, tsi hale atsomuangamidza Shetwani maharoju hanyu. iNeema ya Raɓi watru Insa naike v̄umoja na wanyu.

MAROMU 15:13

Ɓasi Mungu Monyewe av̄ao tama, namujadziyeni kula furaha na amani hari mwa uaminifu, ile pare itama yanyu yendre na uzidishiha ha ushindzi wa iRoho Ndzitwaharifu.

MUV̄ENULIO 22:21

Urehema wa Raɓi Insa nauke v̄umoja na piya. Amina.

MAHEƁRANIYA 13:20

Ɓasi Mungu wa iamani alio amba ha idamu ya mukataɓa wa daima aregeza hayi ha uwafu uMutsunga-maɓariɓari muɓole, ne ɗe Raɓi watru Insa,

2 TIMUTAUSU 2:22

Trala zingushauku za shiunahirimu, utsahe uhaki, uaminifu, uv̄endza, amani, v̄umoja na wao wamukuɓalio Mola ha hadhwira ha umo muraharifu.

2 MATESALONIKA 3:16

Ɓasi Raɓi Monyewe utrulivu namuv̄eni waye-waye utrulivu kula wakati, ha kula namuna. Raɓi nake v̄umoja na wanyu piyanyu.

1 MATESALONIKA 5:23

Ɓasi Mungu Monyewe utrulivu waye-waye namutwaharisheni ha ukamilifu piya nafusi yanyu, iroho, umo, na umwili, zilishwe ɓila tuhuma ha umuregeo wa Raɓi watru Insa-Kristi.

1 MATESALONIKA 5:16

Ha daima namufurahi,

1 MATESALONIKA 5:13

Namuwav̄e hishima ha kusudi na mahaɓa, ha siɓaɓu ya urumishi wawo. Namukane amani wanyu na wanyu.

1 MATESALONIKA 4:18

Ɓasi v̄av̄o namutriane ɓari ha marongozi yao.

MAFILIPI 4:4

Namufurahini daima hari mwa uv̄umoja wanyu na Raɓi. Nisurudi niirongowe, namufurahini!

MAFILIPI 4:2

Nisumutria ɓari Eyodia, nisumutria ɓari wajau Sintiki wake na fikira moja hari mwa uv̄umoja wawo na Raɓi.

MAFILIPI 3:16

Namuna yotsi itsokao, v̄anu rawaswili, narendre mbeli na indzia wiyo-wiyo.

MAEFESO 6:23

Utrulivu na uv̄endza, v̄umoja na uaminifu, trongo zilawao ha Mungu amma Ɓaɓa na Raɓi Insa-Kristi, naziendreleye ha uwananya wa shi uaminifu.

2 MAKORINTIYO 1:4

Waye ɗe aritrulidzao hari mwa piya taãɓu zatru, ile ha umutrulidzio riuparao wasi v̄atru walawa ha Mungu, rishindre ritrulidze wao walio hari mwa kula namuna ya taãɓu.

MAV̄INGIZI-RISALA 23:30

Ujudzwa yangu amba v̄upangwa trambwi kinyume na waye, tsihuv̄elesheawo kamwe, ha uambia wao wamusingidzao amba walazimu waje wamushitaki haho.

MAV̄INGIZI-RISALA 18:21

Awalaga ha urongoa: «[Inilazimu niv̄itse umusherehio ujao Yerusalemu.] Nitsomuregeani neka Mungu av̄endze.» Ɓas, atreke ulawa Efeso,

MAV̄INGIZI-RISALA 15:29

ne ɗe wanyu udzizia uɗya nyama zatolewa sadaka masanamwe, na damu, na zinyama zaulawa ha uɓalwa pumu, na wanyu udzizia na zitaɓia mbi za shahawa. Mutsofanya ndjema neka mudzizia na trongo zizo. Namukwaheri.

YUHANI 17:23

wami moni hawo, na wawe moni hangu, ile wakamilishihe hari mwa uv̄umoja, na ulemengu ujuwe amba univ̄eleha, tsena amba uwav̄endze, mauri ɗe inamuna waniv̄endza.

LUKASI 9:61

Wangina raha amuambia: «Mutukufu, wami nitsohuɗunga, ɓadi niruhusu nalage raɓuzi wao walio hangu.»

MARKUSI 10:49

Sa ile Insa azia, amwesa arongoa: «Namumuhire.» Ɓas, wahiri mufa-matso ule, wamuambia: «Dzitriye ɓari! Hima, asuhuhira.»

MATIYO 5:48

Ɓasi namurahare, mauri ɗe Ɓaɓanyu mbinguni, alio amba arahara.»

MATIYO 1:23

«Mutrumushe-mwanamutsa atsomira, atsodza mwana mutruɓaɓa atsohiriwao Emanueli.» Faswiri ya v̄av̄o: «Mungu a v̄umoja na wasi».

MAEFESO 4:3

Namufanye djitihadi ya usika uv̄umoja uv̄ingwao na iRoho, ha ukana iamani imufungamanisaoni.

MAROMU 14:19

Ha izo, nariɗunge izo ziv̄ingao amani, tsena zitsorisaidio wasi na wasi rendre mbeli.

MAEFESO 4:12

ile watwaharifu watayarishihe ha ihazi ya urumishi, pare umwili wa Kristi uundrishihe,

1 MATESALONIKA 3:10

Uku na mutsana risufanya mamilio v̄umoja na djitihadi pare rije rimuoneni, ile ritsimidze izo zakosa hari mwa uaminifu wanyu.

2 MATESALONIKA 3:1

Yaɓaki v̄anu wananya wa shi uaminifu, namurifanyiye mamilio, ile urongozi wamuhusu Raɓi wendre mbeli amwesa utukuzihe, mauri ɗe inamuna ulio hanyu,