2 MAKORINTIYO 12:2 - Ha`bari Ndjema ya I Maore

² Wami ujua mutru aliona uv̄umoja na Kristi, ina maha kumi na minne, hali aka hari mwa umwili wahe, au hali kaka, wami tsisujua, Mungu tu ɗe ajuao, namuna yotsi saɓu mutru uwo ahedzewa ata mupaka uwingu wa raru.

2 MAKORINTIYO 12:2 Referans Kwoze

MAV̄INGIZI-RISALA 22:17

Uregea yangu Yerusalemu, nakofanya mamilio moni mwa iNyumba Ndzitwaharifu|Nyumba Ndzitwaharifu, ɗe v̄wanishukia nida,

MUV̄ENULIO 4:2

Sa ile tsisikwa na iRoho. Na tsio, v̄uka shiri ya ufalume pev̄oni, na hari mwa ishiri ya ufalume ile v̄uka v̄uketsi mutru.

1 MATESALONIKA 4:17

Ɓaanda ya v̄av̄o wasi ritsoɓakio hayi ritsorengwa v̄umoja na wao mavinguni, ramupare Raɓi hawani. Na ha izo, daima ritsoka v̄umoja na Raɓi.

2 MAKORINTIYO 11:11

Manatrini? Mana tsisumuv̄endzani? Mungu asujua amba nisumuv̄endzani.

MUV̄ENULIO 12:5

Aja adza mutruɓaɓa, mwana mume, akoja atsunge piya zinishani ha tsimbo ya shuma. Na umwana wahe av̄elehwa ha Mungu na ishiri ya ufalume yahe.

MAHEƁRANIYA 9:24

Kweli amba Kristi waye kangia moni na Pa Dzitwaharifu lafanyiwa ha mihono ya wanadamu, lilio mufano wa lile lilio la kweli, ɓadi angia pev̄oni swafi-swafi, ile adziv̄enuwe av̄asa mbeli za Mungu ha faida yatru.

MAEFESO 4:10

Ɓasi uwo ashuka, ɗe waye-waye ɗe ahea uju na piya zimbingu, ile akamilishe piya.

MAGALATWIYA 5:6

Mana hari mwa uv̄umoja na Kristi-Insa, tsi ɗe utahiriwa, au tsi utahiriwa ɗe iliona mana, ɓadi ɗe uaminifu urendrehao ha mahaɓa.

MAGALATWIYA 1:22

Na v̄av̄o tsakojulihana sura na ziDjama Ndziwaminifu za Yudeya zilio ha Kristi.

2 MAKORINTIYO 5:17

Ɓasi neka mutru ana uv̄umoja na Kristi, v̄av̄o afanyiha shiumbe pia: za hale ziv̄iri, tsizini zilio pia zija.

MAROMU 16:7

Namuwasalimu Andronikusu na Yuniyusa walio hari mwa udjama wangu, na tsena waka wanyangu shiv̄ani. Wao ustehiwa ha kusudi hari mwa yaMav̄ingizi-Risala|Mav̄ingizi-Risala, amwesa wamuamini Kristi kaɓula ya wami.

MAROMU 8:1

Av̄asa ɓasi kav̄u tsena hukuma ha wao walio hari mwa uv̄umoja na Kristi-Insa|Kristi.

MAV̄INGIZI-RISALA 14:6

Ɓadi Ɓaulusu na Ɓarnaɓasi ujua yawo trongo zile, walawa wandre hari mwa yamalago ya Likaoniya yahiriwao Listra na Derɓi, na hari mwa piya yimikaɓala madjirani.

YUHANI 6:56

Mutru aɗyao umwili wangu, tsena anwao idamu yangu, waye uɓaki hari mwa uv̄umoja na wami, na wami hari mwa uv̄umoja na waye.

LUKASI 24:51

Ɓas wakati akowaɓariki v̄ale, awaɓaushia, ahedzewa andre pev̄oni.

MUV̄ENULIO 1:10

usikwa yangu na iRoho suku ya Raɓi. Na v̄av̄o tsikia nyuma hangu ji lendza nguvu mauri ɓaragumu

2 MAKORINTIYO 13:5

Namudziv̄ime wanyu wenyewe, ile muone neka mwa hari mwa uaminifu, namudzitunde wanyu wenyewe. Hali kamusuona amba Insa-Kristi a moni hanyu? Ɓadi neka utunduzi usumusingidzani.

2 MAKORINTIYO 5:21

Uwo alio amba kajua dhambi, Mungu amufanya dhambi ha tanafu yatru, ile ha waye rifanyihe wendza haki wa Mungu.

1 MAKORINTIYO 1:30

Ne ɗe ha waye Mungu ɗe muliona uv̄umoja na Kristi-Insa, alio amba hatruju afanyishiha hikima yalawa ha Mungu: haki, mutwaharisho, na ukombofu,

MAROMU 16:3

Namusalimu Priskila na Akila walio v̄umoja na wami ha umurumishia Kristi-Insa.

MAROMU 16:9

Namumusalimu Uruɓayinusa alio v̄umoja na wasi ha umurumishia Kristi, na Stahisa, mwandzani wa roho wangu.

MAROMU 16:10

Namumusalimu Aɓalus alio amba uaminifu wahe na Kristi udjereɓilwa, tsena udhiɓitishiha amba wa kweli. Namusalimu watru wa udjama wa Aristoɓulusu.

MAHEƁRANIYA 4:14

Ɓasi ha iv̄o riliona Mutolezi-Masadaka azidi uɓole av̄ira zimbingu, Insa, uMwana wa Mungu, narisike hodari uaminifu riukuɓalio ha hadhwira.