2 MAKORINTIYO 12:16 - Ha`bari Ndjema ya I Maore

¹⁶ Ɗe wajau, tsaka mudzo hanyuju. Ɓadi ha unafiki wangu, mauri ɗe namuna irongoleshehao, tsimuparani ha udjandja!

2 MAKORINTIYO 12:16 Referans Kwoze

1 MATESALONIKA 2:5

Kweli amba mauri ɗe inamuna mujuao, karaparokana nia ya umujiv̄idzani ha marongozi ya sifa, wala nia yadzama ya udziparia, Mungu a shahidi.

1 MATESALONIKA 2:3

Mana mujudzio watru kawaketsi hari mwa kosa, ɓila nia kayarahara, wala udjandja.

2 MAKORINTIYO 12:13

Hari mwa trini ɗe mwaka mwav̄unguha rahana ziDjama Ndziwaminifu zasalia, neka tsi amba wami tsaka djukumani hanyu? Namuniswamihi na likosa lilo!

2 MAKORINTIYO 7:2

Namuriv̄e ɓandza rohoni hanyu. Karakosa mutru atsokao yotsi, karadhulumu mutru atsokao yotsi, wala karaɗanganya mutru atsokao yotsi.

2 MAKORINTIYO 4:2

Risuhara trongo za siri zipatsao aĩɓu; karisudziv̄inga ha udjandja, wala karisuɓuzudza urongozi wa Mungu. Ɗe ikinyume amba, ha uvumbua ikweli, risudzieleha hari mwa likoho la unamuzi wa kula mwanadamu mbeli za Mungu.

2 MAKORINTIYO 1:12

Mana ingazi ya udziɓua yatru ɗe ushahidifu wa inafusi yatru amba ridziv̄ingi ulemenguni v̄anu, na hususwani mbeli zanyu, hari mwa uraharifu na ukweli zilawao ha Mungu; ɓila tsi amba ha hikima ya shiuɓinadamu, ɓadi ha urehema wa Mungu.

1 MONYE 2:3

ɓaanda ilio amba «mulaulia uwema wa Raɓi.»

2 MAKORINTIYO 6:8

hari mwa hishima na uonevu, hari mwa sifa mbovu na ndjema, uonehana amba wadangamanyifu, ata iv̄o rilio wa kweli;

2 MAKORINTIYO 11:20

Kweli amba musustahamili mufanyiwe warumwa, muɗyiwe, murav̄we, mufedheshewe, muremwe mav̄i usoni.