2 MAKORINTIYO 12:11 - Ha`bari Ndjema ya I Maore

¹¹ Tsika tsifanyiha mujinga, na wanyu ɗe mwaka mwanitsongesha. Kweli amba ika ilazimu wanyu ɗe munisifu, mana tsaka muv̄ungufu rahana «mav̄ingizi-risala wahu» wale hari mwa itsokao yotsi, wala ukana wami tsi shitru.

2 MAKORINTIYO 12:11 Referans Kwoze

2 MAKORINTIYO 11:5

Ne tsisuona amba tsa muv̄ungufu hari mwa itsokao yotsi ulawana na «mav̄ingizi-risala wahu» wale.

2 MAKORINTIYO 11:1

Na djeli tu amba mwakoshindra munistahamilia mwana ujinga tsuwo! Ewa, namunistahamili!

MAEFESO 3:8

Wami nilio umuv̄ungufu wa piya watwaharifu, tsidjaãliwa ineema ini ya ujudza ha watru wa zinishani zangina iHaɓari Ndjema ya utadjirifu wav̄iria shiv̄imo wa Kristi,

2 MAKORINTIYO 12:12

Ãlama ndziv̄enufu za Muv̄ingizi-Risala zihidjirisiwa hari mwanyu: ustahamilifu hari mwa piya, ãlama za midjuza, ãdjaɓu, na midjuza.

2 MAKORINTIYO 12:6

Na djeli nakotsaha nidziɓuwe, tsatsoka mujinga, mana natsorongoa ikweli. Ɓadi nisudziɓalidza nayo, pare v̄usuke mutru anihetsi uju rahana iyo aonao, na iyo anikiao nayo.

2 MAKORINTIYO 1:6

Neka ra hari mwa taãɓu, ɗe ha umutrulidzio wanyu na ukombofu wanyu; neka ritrulidziwa, ɗe ha siɓaɓu ya umutrulidzio wanyu utsomuv̄ingaoni ata mustahamili hari mwa matungu ɗe yao-yao na yatru.

1 MAKORINTIYO 3:22

neka Ɓaulusu, au Aɓulusu, au Sefasi, au ulemengu, au uhayati, au ufa, au trongo za leo, au izo zijao. Piya zanyu,

LUKASI 17:10

Ɓasi wanyu wajau, ɓaanda mwafanya piya izo mwaãmurishiwazo, namurongowe: ‹Wasi tsi warumwa wastahiki sifa; rifanya zaka zarilazimu.› »

1 MAKORINTIYO 13:2

Na neka tsidjaãliwa ineema ya ujudza marongozi ya shi mutrume yashukidziwa, ya ujua piya zisiri, neka tsina piya ujuzi, ata na piya uaminifu ushindrao utsengedze yimilima, ne tsisina mahaɓa, v̄av̄o tsisi shitru.

2 MAKORINTIYO 3:1

Hali v̄av̄o risuandrisa tsena udzisifu wasi wenyewe? Au paka rike mauri ɓaãdhwi amba na maɓarua ya uriaminisha hanyuju, au yalawa hanyu?

2 MAKORINTIYO 5:13

Mana neka amba rifanyiha wajinga, ɗe ha tanafu ya Mungu, na neka rina ãkili zatru, ɗe ha tanafu yanyu.

MAGALATWIYA 6:3

Neka mutru asudzifikiria amba muɓole wakati ulio amba waye shitru titi, asudzilaɓa waye monyewe.