2 MAKORINTIYO 11:9 - Ha`bari Ndjema ya I Maore

⁹ Na wakati nakokosewa uka yangu v̄umoja na wanyu, tsakotsaha hadja ha mutru atsokao yotsi, mana wananya wa shi uaminifu waja ulawa Makadoniya, waka waniv̄ingia izo zaka zanikosea. Ha kula namuna tsidziɓalidza uka mudzo hanyuju, tsena nitsodziɓalidza nayo.

2 MAKORINTIYO 11:9 Referans Kwoze

1 MATESALONIKA 2:9

Kweli amba musunahana, wananya wa shi uaminifu, ihazi na usongefu rakanawo; rakodziruma uku na mutsana, ile rasuke djukumani ha mutru atsokao yotsi hari mwanyu, mulio amba rimutekelezeani iIndjili ya Mungu.

1 MATESALONIKA 2:6

Karakotsaha sifa zalawa ha wanadamu, tsi ha wanyu, wala tsi ha wangina.

MAHEƁRANIYA 11:37

Waulawa ha mawe, wakutrulwa ha mishari, waulawa ha upanga; wakozingidza v̄av̄o na v̄av̄o ha upindra ngwezi za maɓariɓari na mbuzi, kawakana itsokao yotsi, wakorendrwa naĩ na utreswa,

MAFILIPI 2:25

Tsiono muhimu ya umurudisiani Eɓafroditi, mwananyangu wa shi uaminifu, mushangirizi wangu amma munyangu hari mwa uwanilia iIndjili mwaka mwaniv̄elesheawo amba muv̄ingizi-musada, ile anirumishiye hari mwa izo zakonikosea,

2 MAKORINTIYO 9:12

Mana urumishi wa mutsango uwo, tsi tu amba ususaidi hari mwa zakosea watwaharifu, ɓadi tsena usuzidisha himida zihedzewao ha Mungu.

2 MAKORINTIYO 6:4

Ɓadi ha kinyume, risudziv̄enua hari mwa kula trongo amba wasi warumishi wa Mungu: rangu ha ustahamilifu muɓole hari mwa matreso, ukosefu, usongefu,

MAV̄INGIZI-RISALA 20:33

Tsakotumaini fedha, wala dhahaɓu, wala nguo ya mutru atsokao yotsi.

MAV̄INGIZI-RISALA 18:3

na ha iv̄o wakana muhono wa hazi moja, aketsi na wao, wafanya hazi v̄umoja. Waka wafanyizi wa nyumba za haima.

MAV̄INGIZI-RISALA 18:5

Wakati Silasi na Timutausu wawaswili ha ulawa Makadoniya, Ɓaulusu akorumia piya uwakati wahe ha ujudza uUrongozi wa Mungu. Akolawa ushahidi mbeli za yaMayahudi amba Insa ɗe Mutsahuliwa.

MAROMU 15:26

Mana waaminifu wa Makadoniya na wa Akaya waãzimia uv̄eleha musada ha zimasikini zilio hari mwa uwaaminifu wa Yerusalemu.

1 MAKORINTIYO 16:17

Nisujiv̄iwa na umujilio wa Stefanasi, wa Fortunatusa, na wa Akayikusa. Warenge ɓandza lanyu iv̄o kamwaka.