2 MAKORINTIYO 11:10 - Ha`bari Ndjema ya I Maore

¹⁰ Ha ukweli wa Kristi ulio moni hangu, kav̄u mutru hari mwa yimikaɓala ya Akaya atsoniziao udziɓua na trongo iyo.

2 MAKORINTIYO 11:10 Referans Kwoze

MAROMU 9:1

Hari mwa uv̄umoja wangu na Kristi, nisurongoa ikweli, tsisurongoa trambo, tsena inafusi yangu yav̄ingwa na iRoho Ndzitwaharifu isuishadidisa:

MAROMU 1:9

Mungu nimurumishiao rohoni hangu ha ujudza iIndjili ya uMwana wahe, a shahidi wangu amba ha daima wami umumiliani.

MAV̄INGIZI-RISALA 18:12

Wakati Galiyo aka ahetsiwa muɓole wa liɓavu la Akaya, yaMayahudi ha nia moja wahimi kinyume na Ɓaulusu, wamuv̄ingi hari mwa lipa la mahakama

2 MAKORINTIYO 1:23

Wami nisumurenga Mungu shahidi hari mwa uhayati wangu amba ɗe ha umuɓaliliani ɗe tsaregea Korintiyo.

1 TIMUTAUSU 2:7

Ushahidifu ulio amba wami tsifanyiha mujudzizi na Muv̄ingizi-Risala wawo, nisurongoa kweli ɓadi tsi trambo, tsena musomedza ha watru wa nishani zangina yahusu uaminifu na ukweli.

1 MATESALONIKA 2:10

Wanyu mazahidi, na Mungu wajau, amba maendreleo yatru mbeli zanyu wanyu muaminio, yaka twahara, yendza haki, tsena ɓila tuhuma.

1 MATESALONIKA 2:5

Kweli amba mauri ɗe inamuna mujuao, karaparokana nia ya umujiv̄idzani ha marongozi ya sifa, wala nia yadzama ya udziparia, Mungu a shahidi.

MAGALATWIYA 1:20

Trongo zini nimuangishiaoni, nisumuambiani mbeli za Mungu amba tsisurongoa trambo.

2 MAKORINTIYO 12:19

V̄av̄o ukiri uka amba wakati unu piya musufikiri amba risudzidifaĩ mbeli zanyu. Ɗe mbeli za Mungu hari mwa uv̄umoja na Kristi ɗe rilaguao. Na piya izo wav̄endzewa, ɗe ha umuhodarishani.

2 MAKORINTIYO 11:31

Mungu amma Ɓaɓa wa Raɓi Insa, natukuzihe daimani aɓada, asujua amba tsisurongoa trambo.

2 MAKORINTIYO 11:12

Na zini nifanyao, nitsoendrelea uzifanya raha, ile nitowe shisa ha wao waizunguhao ile waonehane sawa na wasi hari mwa izo wadziɓuao nazo.

2 MAKORINTIYO 10:15

Wala karisutupa mupaka ya udzisifu na hazi zafanyiwa na wangina, ɓadi rina tama amba neka uaminifu wanyu usendra na uengedzeha, ɓandza la urumishi latru hari mwanyu lizidi uengedzeha, wala tsi ha utupa mupaka ralishiwa,

2 MAKORINTIYO 9:2

Madza nisujua idjitihadi yanyu, ilio amba tsimusifuni nayo mbeli za Wamakadoniya|Makadoniya amba: «iAkaya|Akaya ya tayari rangu mwaha jana.» Na idjitihadi yanyu imarusa wengi.

2 MAKORINTIYO 1:1

Wami Ɓaulusu, Muv̄ingizi-Risala wa Kristi-Insa|Kristi ha yamav̄endzeleo ya Mungu, na umwananya wa shi uaminifu Timutausu, risumuangishiani wanyu iDjama Ndziwaminifu ya Mungu ilio Korintiyo, v̄umoja na piya maaminifu walio hari mwa iAkaya|Akaya kamili.

1 MAKORINTIYO 16:15

Sariɓu langina tsena wananyangu: musujua amba umuraɓa wa Stefanasi, uwo ɗe wa handra waamini hari mwa umukaɓala wa Akaya, tsena wadzihetsi amba wasurumishia idjama ya waaminifu.

MAROMU 16:5

Namusalimu tsena iDjama Ndziwaminifu ingulidzanao ɗagoni hawo. Namumusalimu Aɓainitusa mwandzani wa roho wangu, alio wa handra umuamini Kristi hari mwa liɓavu la Aziya.

MAV̄INGIZI-RISALA 18:27

Ɓaanda akotsaha andre Akaya, wananya wa shi uaminifu wale wamutria ɓari, amwesa waangishia wanyawo waaminifu wamurenge ha uzuri. Uwaswili yahe, ha ineema ya Mungu, aparihwana na manufa maɓole mbeli za wale waamini.

MAGALATWIYA 2:20

v̄anu tsi wami tsena ɗe niẽshio, ɓadi Kristi ɗe aẽshio moni hangu. Maẽsha nilionawo leo ha umwili, nisuyaẽshi ha uaminifu na uMwana wa Mungu alio amba aniv̄endze, tsena adzitoa fidia ha siɓaɓu ya wami.