2 MAKORINTIYO 10:13 - Ha`bari Ndjema ya I Maore

¹³ Wasi v̄atru, karitsotupa mupaka ya udziɓua, ɓadi ritsorenga shiv̄imo ha uɗunga yimipaka ya urumishi Mungu arihetsia, mipaka yilio amba yiriwaswilisha hanyu.

2 MAKORINTIYO 10:13 Referans Kwoze

MAROMU 15:20

Djitihadi yangu ɗe wami ujudza iIndjili v̄ahanu v̄ulio amba dzina la Kristi kalapara lavumbulwa, ile nasuundre hari mwa musingi wa mutru wangina.

MAROMU 12:6

Rina tafauti za neema, zalingana na urehema radjaãliwawo. Monyewe udjaãliwa ineema ya ujudza marongozi ashukidziwa, naifanye ha uɗunga uuaminifu.

1 MONYE 4:10

Kula mutru narumiye ha wanyahe ineema adjaãliwayo; v̄av̄o mutsoka warumishi wema wa urehema wa namuna ha namuna wa Mungu.

MAEFESO 4:7

Ɓadi kula moja hatruju adjaãliwa rehema, ha kadiri ya ishiv̄imo ya ineema ya Kristi.

1 MAKORINTIYO 12:11

Na piya trongo zizo urendresheha na Roho moja wiyo-wiyo, adjaãliao kula mutru ha inamuna atsahao.

MAROMU 12:3

Ha ineema nadjaãliwayo, nisuambia kula moja hanyuju: musudzione uju rahana yalazimu, ɓadi kula moja nadzione na ikiasi yalingana na uaminifu Mungu amukadiriawo.

MAROMU 10:18

Ɓadi nisudzisa: Hali kawakia? Ɗe ikinyume! uMuangishio usurongoa: «liJi lawo livumu hari mwa piya ishiv̄andre ya tsi, na marongozi yawo ata mupaka umwiso wa lidunia.»

MATIYO 25:15

Moja amuv̄a mapauni matsano ya fedha, moja maili, na wa raru av̄olwa pauni moja, kula mutru av̄olwa ha ulingana na inamuna atsoshindrao, amwesa alawa.