2 MAKORINTIYO 10:1 - Ha`bari Ndjema ya I Maore

¹ Wami Ɓaulusu nisumumiani ha utrulivu na uwema wa Kristi, wami nirongoleshehao amba ɓaridi namoka matsoni hanyu, na muhali namoka mbali na wanyu,

2 MAKORINTIYO 10:1 Referans Kwoze

2 MAKORINTIYO 10:10

Mana isurongolesheha amba: «Maɓarua yahe madziro, tsena mahali, ɓadi amoka v̄av̄o waye-waye, waye ata tsi muhodari, na urongozi wahe tsi shitru.»

MATIYO 11:29

Namutrihe mulandza wangu, mufundrihe hangu, mana wami mutrulivu, tsena muekevu wa roho; na v̄av̄o wanyu mutsopara uv̄umuzi wa roho zanyu.

MAGALATWIYA 5:2

Wami Ɓaulusu tsami nisumuambiani amba neka musudzilisha mutahiriwe, Kristi katsomufayidishani na itsokao yotsi.

MAROMU 12:1

Ɓasi wananyangu, ha siɓaɓu ya urehema wa Mungu, nisumutriani ɓari muelehe umwili wanyu ha Mungu amba kafara lilio hayi, twahara limujiv̄iao Mungu. Iyo ɗe ĩɓada ya kweli yamulazimuni.

2 MAKORINTIYO 11:30

Neka v̄wa ya udziɓua, ɗe ha ulemevu wangu ɗe nitsodziɓuao.

1 MAKORINTIYO 2:3

Wami-wami uka yangu hanyu, tsikana ulemevu na faza, tsena na mudridrimio wendza nguvu.

MUV̄ENULIO 1:9

Wami Yuhani, mwananyanyu nirengao fuvu hari mwa yamatreso, hari mwa ufalume na suɓira ha uv̄umoja watru na Insa, tsika hari mwa ishisiwa ya Patimosa ha siɓaɓu ya Urongozi wa Mungu, na ushahidifu wa Insa

1 MONYE 2:11

Wav̄endzewa wangu, wanyu mulio wadjeni shiv̄andreju mwa tsi, tsena muv̄irao na ndzia, nisumutafadalini mudziɓause na zingushauku za shiunadamu ziwanao na nafusi zanyu.

FILIMUNA 1:9

ne nisuona ɓorwa nihutafadali ha siɓaɓu ya uv̄endza. Ha inamuna nilio wami Ɓaulusu muɗuhazi, na zaidi ya v̄av̄o tsena mufungwa iv̄o nimurumishiao Kristi-Insa,

2 MATESALONIKA 3:17

Salamu lini nisuliangiha ha umuhono wangu wami Ɓaulusu. Unu ɗe umuhuri wangu hari mwa piya maɓarua yangu, iyo ɗe ihatwi yangu.

MAEFESO 4:1

Ɓasi nisumutriani ɓari, wami nilio mufungwa ha siɓaɓu ya urumishi wangu ha Raɓi, mukane maendreleo yastahiki umuhirio mwaupara,

MAGALATWIYA 4:13

Musujua amba ɓaanda ya uwaɗe ɗe namujudzani ha mara ya handra iIndjili.

2 MAKORINTIYO 12:5

Nitsodziɓua na mutru mauri ɗe uwo, ɓadi tsitsodziɓua na iwami yangu, neka tsi ɗe na zingulemevu zangu.

2 MAKORINTIYO 11:21

Nisumuambiani, iyo aĩɓu hatru, wasi rika wambamba hari mwa trongo zile! Kula iyo mutru asuɓutuo adziɓuwe nayo, na v̄av̄o nisulagua shi mujinga, wami wajau uisuɓutu.

2 MAKORINTIYO 10:7

Wanyu musuangalia zitrongo ha inamuna muzionao. Neka mutru ayakinisha amba waye wa Kristi, nakuɓali wajau zini: neka waye wa Kristi, wasi wajau.

2 MAKORINTIYO 10:2

nisumutafadalini amba wakati itsokao amba tsija, isuke amba paka nirumiye uhali mauri ɗe inamuna nionao amba itsolazimu nike mbeli za wao wafikirio amba wasi udziv̄inga ha maendreleo ya shiuɓinadamu.

2 MAKORINTIYO 7:4

Tsina uaminifu muɓole na wanyu, tsena nisujiv̄iwa ha kusudi ha siɓaɓu ya wanyu. Tsijaya mutrulidzio. Hari-hari na piya taãɓu zatru, furaha yangu isutrisa.

2 MAKORINTIYO 6:1

Rangu rilio washangirizi wa Mungu, risumutriani ɓari mwasurenge ineema mwaipara hahe, mwaifanya shitru tsi yendza mavuna.

2 MAKORINTIYO 5:20

Ɓasi wasi mawakala wa Kristi, na Mungu waye-waye ɗe amuhiraoni ha ndzia yatru. Risumumiani ha lidzina la Kristi, namudzilishe muparanisiwe na Mungu.

2 MAKORINTIYO 3:12

Ɓasi ha iv̄o riliona utumainivu mauri ɗe uwo, rina uhodari wa kusudi.

1 MAKORINTIYO 4:10

Wasi ra wajinga ha siɓaɓu ya Kristi, ɓadi wanyu muna hikima hari mwa uv̄umoja wanyu na Kristi; wasi ra walemevu, ɓadi wanyu muna nguvu; wanyu musuv̄olwa hishima, ɓadi tsi wasi.

MAROMU 15:15

Ɓadi v̄anu, tsisuɓutu nimuangishiyeni ɓaãdhwi ya trongo ɓila udzizia, ile nimaruse fahamu lanyu, ha siɓaɓu ya ineema Mungu anidjaãlia.

MAROMU 10:20

Na Izaya asuɓutu arongoa: «Tsiparihana na wao kawakonizunguha, tsidziv̄enua ha wao kawakonitsaha.»

MAV̄INGIZI-RISALA 8:32

Na likara la uMuangishio Mutwaharifu akolisoma, ɗe lini: «Aka mauri ɓariɓari lav̄ingwa lendrao latsindzwe, mauri mwana ɓariɓari kalili mbeli za ule amuv̄alao, kaɓua ihanyo.

MATIYO 21:5

«Namuambiye mwana mutrumushe wa Siyuna: ‹Tsuwo umufalume waho asuhujilia na utrulivu, apandra pundra, mwana-pundra, mwana wa shinyama itrikao.› »

1 MAKORINTIYO 4:21

Trini ɗe muitsahao? Nije hanyu na shengwe, au v̄umoja na mahaɓa na roho ndzitrulivu?

MAEFESO 3:1

Iyo ɗe imana nimumiliaoni Mungu, wami Ɓaulusu, mufungwa wa Kristi-Insa ha tanafu yanyu, wanyu tsi Mayahudi,

MAFILIPI 4:5

Umakini wanyu naujulihane ha watru piya. Raɓi a kariɓu.

MAKOLOSIYA 1:23

Iyo neka musuɓaki hari mwa uaminifu, muketsi, tsena musiki hodari, ɓila udzilisha muv̄ingwe mbali na itama ya iIndjili mwaikia, ilio amba ijudziwa kula shiumbe utsini na uwingu, na wami Ɓaulusu nafanyiha murumishi wayo.

FILIMUNA 1:19

Wami Ɓaulusu ɗe niangihao ha umuhono wangu amba nitsohurudisiayo wami monyewe. Wala tsisuhuambia amba deni ulionayo hangu, ɗe inafusi yaho.