1 TIMUTAUSU 6:4 - Ha`bari Ndjema ya I Maore

⁴ v̄av̄o ajaya ufahari, kasina yotsi aijuao; ana uwaɗe wa ushindrana na umani hari mwa zikauli. V̄av̄o ɗe v̄udzalishihao uwivu, mashindrano, naza, misingidzio miovu,

1 TIMUTAUSU 6:4 Referans Kwoze

2 TIMUTAUSU 2:23

Ɓauha malaguzi ya shiujinga kayana mana, ha ujua amba yao uv̄inga umani.

2 TIMUTAUSU 3:4

wahaini, wakaidi, watsodziona, watsov̄endza masterehi rahana Mungu.

1 TIMUTAUSU 3:6

Yasuke amba waye muv̄ia hari mwa uaminifu wahe na Kristi, ile asuje adziona, ata apuliha hari mwa mahukuma mauri ɗe ya Iɓilisa.

YUDA 1:10

Ɓadi watru wao wasuruhana izo kawaziji, na izo wazijuao za shiãswili, mauri zinyama kazina ãkili, izo kamwe ɗe ziwaangamidzao.

2 MONYE 2:12

Ɓadi wao, mifano ya zinyama kazina ãkili tsena zahetsiwa ha ɓuumbio lawo amba zisikwe ziangamidziwe, wasutefua izo kawaziji. Ɓasi watsoangamia mauri wizo.

2 TIMUTAUSU 2:14

Nahanidza wanyaho trongo zizo na osia mbeli za Mungu watrale mashindrano ya makalima, trongo kaina faida itsokao yotsi, neka tsi uangamidza wao wayavulishiao.

YUDA 1:16

Wao watru wangurumao, waululao na inamuna yawo, tsena wav̄ingwao ha zingushauku zawo wenyewe; hanyo zawo ulagua trongo za zirusi, tsena wao usifu watru ha mupario wawo.

2 MONYE 2:18

V̄umoja na marongozi maruv̄u yendza ufahari, na ha ndzia ya zingushauku zatupa mupaka za shimwili, wasulimbia utra wao walio amba tsi hale ɗe watralia wale waẽshio hari mwa upotevu.

1 TIMUTAUSU 1:7

Wasutsaha wake mataãlamu wa iSharia, ɓila kawasuelewa izo warongoao, wala izo washadidishao.

1 TIMUTAUSU 1:4

Waambiye tsena wasudzishapise na mahadisi yatrungwa na zingurudhwa kazina mwiso za wadzaɗe, trongo ziv̄ingao hari mwa mashindrano, ɓadi tsi hari mwa umupango wa Mungu uparihanao ha uaminifu.

YAKOƁU 1:19

Namujuwe wananya wa shi uaminifu wav̄endzewa wangu: kula mutru nake mwangu wa uvulishia, ake mudziro wa ulagua, mudziro wa uhadhaɓiha,

TITUSA 3:9

Ɓadi ɓauha mashindrano ya shiujinga, zinaswaɓa, ngumani, mifarikishano hari mwa iSharia, mana izo kazina mana wala faida.

MAV̄INGIZI-RISALA 15:2

Wakati ule Ɓaulusu na Ɓarnaɓasi wangia na mahadisi na mashindrano ya kusudi v̄umoja na wao. Ha izo, uwananya warenge ãzima amba Ɓaulusu na Ɓarnaɓasi v̄umoja na ɓaãdhwi ya wanyawo, waheye Yerusalemu ha yaMav̄ingizi-Risala|Mav̄ingizi-Risala na yamadhwamana ya iDjama Ndziwaminifu, wandre watwaliye itrongo ile.

MUV̄ENULIO 3:17

Mana usurongoa amba: ‹Tsa tadjiri, tsitadjirishiha, tsisutama itsokao yotsi›, ɓila ujua amba iwawe yaho djondo, wa uv̄orehwa, masikini, mufa-matso, tsena wa wadzi.

2 MATESALONIKA 2:4

Uwo ɗe uMukanyusha adzihedzao uju na kula ihiriwao mungu, kula iãɓuduwao, tsena andrao ata aketsi moni mwa iNyumba Ndzitwaharifu ya Mungu, amwesa adzielehe amba ɗe Mungu.

MAKOLOSIYA 2:18

Musudzilishe mwarav̄wa ushindrifu na mutru yotsi adzijiv̄idzao ha uwekevu wa trambo na ĩɓada ya malayika; mutru namuna iyo udzihetsi hari mwa izo aonao, na udziɓua tu ɓure-ɓure ha fikira za shiuɓinadamu zahe.

MAFILIPI 2:14

Namufanye trongo piya pasipo ya unguruma ɓila mashindrano,

MAFILIPI 2:3

Musufanye itsokao yotsi ha mashindrano, wala ha udzirendra, ɓadi ha uwekevu, namuone wasalia ɓorwa rahana wanyu.

MAFILIPI 1:15

V̄wa ɓaãdhwi kweli wamujudzao Kristi ha uwivu na mashindrano, ɓadi wasalia ha nia ndjema.

MAGALATWIYA 6:3

Neka mutru asudzifikiria amba muɓole wakati ulio amba waye shitru titi, asudzilaɓa waye monyewe.

MAGALATWIYA 5:26

Rasudzione, nariziye utukizana na uoneana uwivu.

MAGALATWIYA 5:15

Ɓadi neka musuremana manyo na uɗyana, namufahamu, musuje mwaangamidziwa wanyu na wanyu.

2 MAKORINTIYO 11:20

Kweli amba musustahamili mufanyiwe warumwa, muɗyiwe, murav̄we, mufedheshewe, muremwe mav̄i usoni.

1 MAKORINTIYO 11:18

Raɓuzi, tsikia amba iDjama Ndziwaminifu yamongulidzana, uka mifaraka hari mwanyu, na ha uv̄andre nisuamini.

1 MAKORINTIYO 11:16

Neka v̄wa mutru atsahao ashindrane na trongo iyo, wasi karisina udzevu wangina, ɓila tsena ziDjama Ndziwaminifu za Mungu.

1 MAKORINTIYO 3:18

V̄wasuke ata mutru adzilaɓa: neka mutru mengoni mwanyu asudziona mauri mwendza hikima, hikima ya shi duniani, nafanyihe mujinga, ile afanyihe mwendza hikima.

1 MAKORINTIYO 3:3

Mana raha musudziv̄inga shiuɓinadamu. Rangu hari mwanyu v̄ulio uwivu na umani, v̄av̄o kamusi shiuɓinadamu? Hali kamusudziv̄inga ha namuna ya shi ulemengu?

MAROMU 14:1

Namurenge ha uzuri uwo kasina uaminifu muhodari, wala musushindrane yahusu fikira zahe.

MAROMU 13:13

Naridziv̄inge ha namuna yalazimu yastahiki umutsana, ɓila uv̄endzoɗya, wala ulevi, ɓila uzani, wala taɓia kayalazimu, ɓila umani, wala uwivu.

MAROMU 12:16

Namuafikiane wanyu na wanyu. Musudzitsashiye utru uhu, ɓadi namudzishuhulise na uwatiti. Musudzione wendza ãkili matsoni hanyu.

MAROMU 2:8

Ɓadi hadhaɓu na hasera ha wao wadzinafasishao, waharao ukweli na uɗunga udhuluma.

MAV̄INGIZI-RISALA 18:15

Ɓadi rangu ilio amba yao mahadisi yahusu urongozi, madzina, au iSharia yanyu, ɓasi izo zanyu. Tsisutsaha nanamua trongo mauri ɗe zizo.»

MAV̄INGIZI-RISALA 8:9

Na v̄ale hari mwa liɗago lile, v̄uka mutru akohiriwa Simoni. Waye akodzirendra mutru, akofanya trongo za ugangi ata akoshangidza uwatru wa Samariya.