1 TIMUTAUSU 5:4 - Ha`bari Ndjema ya I Maore

⁴ Neka amba mutrumushe afiliwa ana wana au wajuhu, nawafundrihe raɓuzi ufanya ĩɓada zawo ha wadjamazawo, ike amba shiliv̄wa mbeli za wadzaɗe wawo, mana iyo ɗe imujiv̄iao Mungu.

1 TIMUTAUSU 5:4 Referans Kwoze

1 TIMUTAUSU 2:3

Iyo ndzuzuri tsena umujiv̄idza Mungu Muhuyifu watru,

LUKASI 2:51

Amwesa awaɗungu, washuku Nazareti, na waye akowatuĩ. Mayahe asiki piya trongo zile rohoni.

1 TIMUTAUSU 5:16

Neka v̄wa mutrumushe aaminio alio amba hari mwa udjama wahe ana watruwashe wafiliwa, nawasaidiye, ɓadi iDjama Ndziwaminifu yasudjukumisiwe na wao, ile pare iyo isaidiye wale wafiliwa walio weke ha kweli.

TITUSA 1:11

Walazimu waɓalwe zihanyo. Wao uangamidza miraɓa mikamilifu ha usomedza trongo kazalazimu; na iyo, ile wapare faida zendza aĩɓu.