1 TIMUTAUSU 5:3 - Ha`bari Ndjema ya I Maore

³ Hishimu watruwashe wafiliwa walio amba ha kweli wa weke.

1 TIMUTAUSU 5:3 Referans Kwoze

MAV̄INGIZI-RISALA 6:1

Hari mwa zisuku zizo, ɓaanda ihisaɓu ya maswihaɓa yakwendra na uengedzeha, wale wakolagua Shigiriki wakonguruma kinyume na wale wakolagua Shiheɓraniya, mana hawo watruwashe wafiliwa na waume wawo kawakov̄olwa sawa na wanyawo wasalia umusada wakotolwa kula suku.

1 MONYE 2:17

Namuhishimu piya uwatru, muv̄endze wananyanyu wa shi uaminifu, mumuriye Mungu, muhishimu umufalume.

1 MONYE 3:7

Ɗe namuna iyo wanyu watruwaume, namuẽshi na watruwashe wanyu ha ujua inamuna ndzambamba yawo. Namuwahishimu, iv̄o wao walazimu wawarithi v̄umoja na wanyu irehema ya uhayati, ile v̄wasuke trongo itsokao yotsi yaja yazia mamilio yanyu.

YAKOƁU 1:27

iDini yarahara tsena kaina pandra mbeli za Mungu amma Ɓaɓa, ɗe ushahiliha na yatima na watruwashe wafiliwa na waume wawo hari mwa utaãɓifu wawo, na udziɓausa na kula tsama ya shiulemenguni itriao pandra.

1 MATESALONIKA 2:6

Karakotsaha sifa zalawa ha wanadamu, tsi ha wanyu, wala tsi ha wangina.

MAV̄INGIZI-RISALA 9:39

Ɓas Monye ahimi, awaɗungu. Uwaswili yahe hule, av̄ingwa moni na lifuko lile darini. Piya watruwashe wafiliwa na waume wawo waka v̄ale, waja wamuzingidzia. Ha shililo wamuonesa piya zikandzu na nguo zangina Dorkasi akozisona wakati aka v̄umoja na wao.

LUKASI 7:12

Upara yahe kariɓu na umulongo wa liɗago, v̄wa hirimu mutruɓaɓa mwana moja-moja wa mutrumushe afiliwa na mume wahe, av̄ingwa akondrodzihwa. Tsena v̄uka watru wengi tu wa shi ɗagoni v̄ale waɗungana na mama ule.

LUKASI 2:37

Ufiliwa yahe na mume wahe, aɓaki mutsumba ata v̄anu atsimu maha thamanini na minne. Kakolawia iNyumba Ndzitwaharifu, ɓadi aka hari mwa ĩɓada mauku na mitsana ha ufunga na umia Mungu.

MATIYO 23:13

«Maondo hanyuju, wanyu Mafundi ya Sharia na Mafarisayo, wanafiki! Mana musuɓalia wanadamu Utawalizi wa Monyewe ziMbingu; wanyu-wanyu kamusungia, wala kamusulisha wangia wao watsahao. [

MATIYO 15:6

v̄av̄o mususomedza amba tsi paka amuhishimu tsena ɓaɓahe au mayahe. Ha izo, wanyu ulatsa urongozi wa Mungu ha siɓaɓu ya mila yanyu.

1 TIMUTAUSU 5:2

watruwashe waɗuhazi mauri wamama, na watruwashe mashaɓaɓi mauri wananya watruwashe, ha uraharifu mukamilifu.

YUHANI 1:47

Wakati Insa amuona Natanaeli iv̄o akomujilia, arongoa ju lahe: «Tsunu Muisraila wa kweli, alio amba haheju kav̄u udjandja.»

MAV̄INGIZI-RISALA 9:41

Monye amuv̄eleshea umuhono, amumidzi. Amwesa ahiri uwatwaharifu na wafiliwa na waume wawo wale, aja awaelesheawo amba a hayi.