1 TIMUTAUSU 5:10 - Ha`bari Ndjema ya I Maore

¹⁰ narongoleshehe ha zitrendro ndjema zahe, amba alele wana wahe ha uzuri, akokariɓisa, akohosa yimindru ya uwatwaharifu, akosaidi wendza taãɓu, na uendrelea na kula shitrendro ndjema.

1 TIMUTAUSU 5:10 Referans Kwoze

1 TIMUTAUSU 6:18

Nawarendre ndjema, wake tadjiri ha zitrendro ndjema, wake wangu wa uv̄a, tsena wakane maendreleo ya ushirika.

TITUSA 3:8

Urongozi uwo kweli, amwesa natsov̄endza ushadidishe trongo zizo, ile wao wahetsi uaminifu wawo ha Mungu, wazidi udzishuhulisa ya ufanya zitrendro ndjema. Izo ɗe ndzuzuri, tsena zifayidishao wanadamu.

MAV̄INGIZI-RISALA 9:36

Mengoni mwa yamaswihaɓa ɗagoni Yopa, v̄uka mutrumama akohiriwa Taɓita (faswiri yalo, Dorkasi), akorendra zema ha uwengi na utoa zaka.

TITUSA 3:1

Nahanidza watru wadzituĩse ha matawalizi na ha wendza yezi, wastehi, wake tayari ya kula shitrendro ndjema,

TITUSA 2:7

Hari mwa piya zitrongo, dzihetsi uke mufano hari mwa zitrendro ndjema: musomo waho naurahare, uke mutru wa kusudi,

2 TIMUTAUSU 3:17

ile mutru wa Mungu akamilishihe, ake tayari ya ufanya kula shitrendro ndjema.

MAROMU 12:13

Namusaidiye wanyanyu waaminifu na zingusongefu zawo, muke na djitihadi ya ukariɓisa.

LUKASI 7:44

Amwesa azingia mutrumama ule, amuambia Simoni: «Usuona mutrumama unu? Tsingia nyumbani haho v̄anu, wala kwaniv̄a maji ya uhosa yimindru. Ɓadi waye ayilodzo ha matsozi yahe, tsena ayiv̄angua ha zinyole zahe.

MATIYO 5:16

Ɓasi ha inamuna iyo, iheu yanyu naiwale mbeli za wanadamu, pare waone zitrendro ndjema zanyu, wamutukuze Ɓaɓanyu Mungu alio mbinguni.»

1 MONYE 2:12

Namukane maendreleo mazuri mbeli na watru kawamuji Mungu, ile pare v̄ahanu kamwe wamurongoaoni amba wanyu warendrezi-mbovu, waone zitrendro ndjema zanyu, amwesa wamutukuze Mungu isuku ya umujilio wahe.

MAHEƁRANIYA 13:21

namudjaãliyeni ushindzi wa kula ndjema itsomuruhusunio mufanye mav̄endzeleo yahe; nafanye moni hatru izo zimujiv̄iao, ha indzia ya Insa-Kristi, alio amba haheju utukufu naumuendreleye ha daima. Amina.

MAHEƁRANIYA 13:2

Mwasuɗele umukariɓisho, mana ha urendra trongo iyo, v̄wa walio amba ɓila ujua, wakariɓisa malayika.

MAHEƁRANIYA 10:24

Narike watsunga wasi na wasi, ritriyane ɓari hari mwa itrongo ya uv̄endza, na hari mwa zitrendro ndjema.

TITUSA 3:14

Watru watru wajau walazimu wafundrihe udzihetsi ufanya zitrendro ndjema, ile zalazimu zilio mahususu ziparihane, isuke amba kawana mavuna.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

LUKASI 7:38

ahimi nyuma na Insa mindruni hahe, alili ata matsozi yahe yakoandrisa uyilodza. Ayiv̄angua ha zinyole zahe, ayiɓusu, amwesa ayiv̄aha marashi.

3 YUHANI 1:12

Husuana na Dimitriyusu, watru piya wasumulawia ushahidi mwema, na ikweli wiyo-wiyo ne isumulawia ushahidi. Wasi wajau risumulawia ushahidi, amwesa usujua amba ushahidi watru, uwo kweli.

1 MONYE 4:9

Namukariɓisane ɓila unguruma.

2 TIMUTAUSU 3:15

na rangu unatsani haho, usujua yiMiangishio Mitwaharifu; yiyo ushindrohuv̄a ihikima iv̄ingao uhuyifu, ha ndzia ya uaminifu ulio hari mwa uv̄umoja na Kristi-Insa.

2 TIMUTAUSU 2:21

Ɓasi neka mutru asudzirahatsa ha udziɓausa na trongo zizo, atsoka shiya ya urumishi wa sheo, yatwaharishiwa, imufayio Monyewe, tayari ya kula urumishi mwema.

2 TIMUTAUSU 1:5

Nisunahana wajau uaminifu wa kweli ulionawo, ulio amba uka kaɓula ha kokwaho Loyisi na ha mayaho Eunisia, na wami tsina yakini amba uwo wa hahoju wajau.

1 TIMUTAUSU 5:25

Ɗe namuna iyo wajau zitrendro ndjema uv̄enuha, ata izo zilio amba kazionehana, ne kazishindri uɓaki amba zidzama.

1 TIMUTAUSU 2:10

ɓadi nawadzistawidze ha zitrendro ndjema zistahikio watruwashe wadzihetsio amba watru wahishimuo Mungu.

MAKOLOSIYA 1:10

ile mudziv̄inge ha namuna yamustahiki Raɓi, ha umujiv̄ia hari mwa piya, mukane mavuna ya kula shitrendro ndjema, tsena muhuwe hari mwa ujuzi wa Mungu;

MAEFESO 2:10

Mana wasi ra ɓuumbio lahe, riumbwa hari mwa uv̄umoja na Kristi, pare rifanye zitrendro ndjema Mungu azitayarisha rangu kaɓula amba rizifanye.

MAV̄INGIZI-RISALA 22:12

Na v̄ale v̄uka mutru akohiriwa Hananiya, mutuĩvu akostehi iSharia, tsena akorongolwa na ndjema na Mayahudi piya yakoketsi Damasko;

MAV̄INGIZI-RISALA 10:22

Wamudjiɓu: «Dhwamana wa djeshi ahiriwao Korneliyus, mutru mutuĩvu ariao Mungu, amwesa arongolwao ha uwema na piya udjama wa yaMayahudi, aambilwa na malayika ndzitwaharifu ahuhire hahe, pare akiye marongozi yaho.»

MAV̄INGIZI-RISALA 9:39

Ɓas Monye ahimi, awaɗungu. Uwaswili yahe hule, av̄ingwa moni na lifuko lile darini. Piya watruwashe wafiliwa na waume wawo waka v̄ale, waja wamuzingidzia. Ha shililo wamuonesa piya zikandzu na nguo zangina Dorkasi akozisona wakati aka v̄umoja na wao.

MAV̄INGIZI-RISALA 6:3

Ha izo wananyangu, namutsahuwe watru saɓa mengoni mwanyu warongolwao na ndjema, wajaya iRoho Ndzitwaharifu na hikima, riwadhwaminishe ihazi iyo,

1 TIMUTAUSU 5:16

Neka v̄wa mutrumushe aaminio alio amba hari mwa udjama wahe ana watruwashe wafiliwa, nawasaidiye, ɓadi iDjama Ndziwaminifu yasudjukumisiwe na wao, ile pare iyo isaidiye wale wafiliwa walio weke ha kweli.

1 TIMUTAUSU 3:7

Alazimu tsena akane sifa ndzuzuri ha watru wa v̄ondze, ile asuje apuliha hari mwa tuhuma, na hari mwa marambwe ya Iɓilisa.

1 TIMUTAUSU 3:2

Ɓasi ilazimu dhwamana uwo ake ɓila tuhuma, mutrumume wa mutrumushe moja, ashindrodziziao, muekevu, mwendza hishima na mukariɓisa, tsena ashindre asomedze.

MATIYO 25:17

Ɗe ha inamuna ile wajau, ule aka apara yamaili, ayarumishia ata apara maili yangina.