1 TIMUTAUSU 5:1 - Ha`bari Ndjema ya I Maore

¹ Usulaguliye mangavu ɓaɓa muɗuhazi, ɓadi musariɓiye mauri ɓaɓa, yamashaɓaɓi waume mauri wananya watruɓaɓa,

1 TIMUTAUSU 5:1 Referans Kwoze

TITUSA 2:2

Sariɓia watruɓaɓa wendza maha wake watru wakasidi, wendza hishima, waelevu, wake wahodari hari mwa uaminifu, uv̄endza na suɓira.

1 MONYE 5:1

Nisutria ɓari uwaɓole wa iDjama walio hari mwanyu, wami nilio muɓole mauri wao, shahidi wa yamatungu ya Kristi, tsena nitsorengao fuvu hari mwa utukufu ujov̄enulwao:

MAGALATWIYA 6:1

Wananyangu, neka v̄wa mutru aja asikwa na aina ya kosa, wanyu muv̄ingwao na iRoho, namumurudi ha roho ndzitrulivu. Ɓadi dzitahadharishe, usendre wawe wajau wadjereɓiwa.

TITUSA 2:6

Tria ɓari wajau wanahirimu watruɓaɓa wake waelevu.

MATIYO 23:8

Ɓadi wanyu, mwasutsahe mwahiriwa ‹fundi›, mana Fundi wanyu moja tu, na wanyu piya wananya.

1 TIMUTAUSU 5:17

Ɓasi uwaɓole waendresao ha uzuri iDjama Ndziwaminifu, nawaonehane amba wazidi ustahiki sheo, hususwani ɗe wao wadzirumao hari mwa mujudzio wa Urongozi na musomo.

MAROMU 13:7

Namuv̄e kula mutru yamulazimu: latete ha uwo alazimu ilatete, ushuru ha uwo alazimu uushuru, staha ha uwo alazimu istaha, hishima ha uwo alazimu ihishima.

MAV̄INGIZI-RISALA 15:4

Uwaswili yawo Yerusalemu, warengwa na iDjama Ndziwaminifu, yaMav̄ingizi-Risala na yamadhwamana; na wao wajudza piya trongo Mungu akozifanya v̄umoja na wao.

MAV̄INGIZI-RISALA 14:23

Wawahetsia madhwamana hari mwa kula Djama Ndziwaminifu, amwesa ɓaanda wafanya mamilio na ufunga, wawadhwaminisha Raɓi alio amba wamuamini.

MUV̄ENULIO 4:4

Hari mwa ishiri ya ufalume ile, v̄uka v̄uzingidzia ziri za ufalume shirini na nne. Hari mwa ziri za ufalume zile, v̄uka v̄uketsi wadzaɗe shirini na wanne waka wapindra nguo ndjeu, na kemba ya dhahaɓu shitswani hawo.

3 YUHANI 1:1

Wami, muɓole wa iDjama Ndziwaminifu, nisuhuangishia wawe muv̄endzewa Djayusu nihuv̄endzao hari mwa ikweli.

2 YUHANI 1:1

Wami, muɓole wa iDjama Ndziwaminifu, nisumuangishia Ɓweni mutsahuliwa, na wana wahe niwav̄endzao hari mwa ikweli. Wala tsi wami tu ɗe niwav̄endzao, ɓadi wajau piya wao wajuao ikweli

YAKOƁU 5:14

Hali v̄wa mutru mengoni mwanyu alio muwaɗe? Nahire uwaɓole wa iDjama Ndziwaminifu wamufanyiye mamilio ha umuv̄aha matra ha lidzina la Raɓi.

YAKOƁU 3:17

Hikima ya shi uju, iyo uka raɓuzi ndziraharifu, amwesa yendza amani, ndzitrulivu, tsena ndzielevu; iyo ujaya poreho, tsena ukana mavuna mema, ɓila uɓanguzi, wala unafiki.

MAV̄INGIZI-RISALA 20:17

Rangu Miletu hule, Ɓaulusu av̄eleha watru wandre Efeso, warenge yamadhwamana ya iDjama Ndziwaminifu, waje wamupare.

MAV̄INGIZI-RISALA 15:6

Wakati ule yaMav̄ingizi-Risala na yamadhwamana waangulidzana pare watwaliye itrongo ile.

1 TIMUTAUSU 5:2

watruwashe waɗuhazi mauri wamama, na watruwashe mashaɓaɓi mauri wananya watruwashe, ha uraharifu mukamilifu.