1 TIMUTAUSU 3:7 - Ha`bari Ndjema ya I Maore

⁷ Alazimu tsena akane sifa ndzuzuri ha watru wa v̄ondze, ile asuje apuliha hari mwa tuhuma, na hari mwa marambwe ya Iɓilisa.

1 TIMUTAUSU 3:7 Referans Kwoze

2 MAKORINTIYO 8:21

Mana djitihadi yatru ɗe ufanya ndjema, tsi tu amba mbeli za Raɓi, ɓadi tsena mbeli za wanadamu.

2 TIMUTAUSU 2:26

V̄av̄o watsorudi warengeleye fikira, watraliye marambwi ya Iɓilisa aka awasika amba watuĩ mav̄endzeleo yahe.

MAKOLOSIYA 4:5

Namudziv̄inge v̄umoja na hikima mbeli za wao walio v̄ondze. Namurumiye ha uzuri uwakati mulionawo.

1 TIMUTAUSU 6:9

Ɓadi wao watsahao watadjirihe upuliha hari mwa madjereɓio, wao usikwa hari mwa utra na hari mwa ngushauku ndzijinga zendza hatwari ha uwengi, zitriao watru hari mwa uangamifu na hasara.

1 MATESALONIKA 4:12

ile mudziv̄inge ha namuna yastahiki mbeli za watru wa shi v̄ondze, wala udzidjukumisa na mutru atsokao yotsi.

2 MAKORINTIYO 6:3

Wasi karisuv̄a ata mutru siɓaɓu itsokao yotsi ya umukwalisa, pare ihazi ya urumishi yatru yasuparihwane na kosa.

1 MAKORINTIYO 10:32

Musuke siɓaɓu ya ukwalisa, tsi ha Magiriki, wala tsi ha Mayahudi, wala tsi ha iDjama Ndziwaminifu ya Mungu,

MAV̄INGIZI-RISALA 6:3

Ha izo wananyangu, namutsahuwe watru saɓa mengoni mwanyu warongolwao na ndjema, wajaya iRoho Ndzitwaharifu na hikima, riwadhwaminishe ihazi iyo,

TITUSA 2:8

mwendza kauli ndjema kaishindraniha, ile uwo alio kinyume ajaye haya, ata asupare mbovu itsokao yotsi arirongoa.

TITUSA 2:5

wake waelevu, waraharifu, washahilihe na liɗago lawo, wake wema, wadzituĩse waume wawo, pare urongozi wa Mungu usukufuriwe.

1 MATESALONIKA 5:22

Namudziɓalidze na kula aina ya mbovu.

1 TIMUTAUSU 5:14

Ha izo natsov̄endza watruwashe wa maha mishashi wafiliwa walolwe, wadze, wasike ha uzuri miraɓa yawo, ile wasuv̄e iãduwi shisa itsokao yotsi ya urilagua ha unayi.

1 MAKORINTIYO 5:12

Hali izo zangu za unamua watru walio v̄ondze na iDjama Ndziwaminifu? Na wao walio moni, wanyu tsi ɗe mwalazimu muwanamuwe?

MAV̄INGIZI-RISALA 22:12

Na v̄ale v̄uka mutru akohiriwa Hananiya, mutuĩvu akostehi iSharia, tsena akorongolwa na ndjema na Mayahudi piya yakoketsi Damasko;

MAV̄INGIZI-RISALA 10:22

Wamudjiɓu: «Dhwamana wa djeshi ahiriwao Korneliyus, mutru mutuĩvu ariao Mungu, amwesa arongolwao ha uwema na piya udjama wa yaMayahudi, aambilwa na malayika ndzitwaharifu ahuhire hahe, pare akiye marongozi yaho.»

MARKUSI 4:11

Ɓas, awaambia: «Wanyu ɗe mwadjaãliwa ujua isiri ya Utawalizi wa Mungu, ɓadi wao walio v̄ondze wajudziwazo piya ha mifano,

3 YUHANI 1:12

Husuana na Dimitriyusu, watru piya wasumulawia ushahidi mwema, na ikweli wiyo-wiyo ne isumulawia ushahidi. Wasi wajau risumulawia ushahidi, amwesa usujua amba ushahidi watru, uwo kweli.

1 TIMUTAUSU 3:6

Yasuke amba waye muv̄ia hari mwa uaminifu wahe na Kristi, ile asuje adziona, ata apuliha hari mwa mahukuma mauri ɗe ya Iɓilisa.