1 TIMUTAUSU 3:3 - Ha`bari Ndjema ya I Maore

³ Kalazimu aka mulevi, wala mumani, ɓadi makini, asuke muguguru, wala muv̄endza-marike.

1 TIMUTAUSU 3:3 Referans Kwoze

TITUSA 1:7

Kweli amba dhwamana wa Djama Ndziwaminifu, rangu alio mushangirizi wa Mungu, alazimu ake ɓila tuhuma. Kalazimu aka mwendza hanyo, mwendza hasera, mulevi, mumani, wala adziparia ha namuna kayalazimu.

TITUSA 3:2

wasutefuwe mutru atsokao yotsi, wake watrulivu, wasuke waguguru, ɓadi wake wema mbeli za piya wanadamu.

MAEFESO 5:18

Mwasudzileze na ushi: uwo uv̄inga hari mwa uangamifu; ɓadi ha kinyume, namujaye na iRoho.

1 TIMUTAUSU 3:8

uWasaidizi wa Djama Ndziwaminifu wajau walazimu wake watru wakasidi, wendza kauli moja, tsi walevi, wala wadziparia ha namuna kayalazimu.

YAKOƁU 4:1

Ulawa hav̄i zikondro, ulawa hav̄i zingumani zikao hari mwanyu? Hali tsi hari mwa zingushauku ziwanao hari mwa ziga zanyu?

1 MONYE 5:2

namurundrise liɓangwe la Mungu mwadhwaminishiwalo, tsi ha mulazimisho, ɓadi ha uv̄endza yanyu, namuna Mungu atsahao, ɓila tsi ha mupario wendza aĩɓu, ɓadi v̄umoja na djitihadi.

MAHEƁRANIYA 13:5

iNamuna ya uẽshi yanyu yasuke hari mwa uv̄endza mali, namutoshehe na iyo mulionayo, mana Mungu waye-waye arongoa: «Tsitsohuɓauha dahari, tsitsohulatsa ata idahari.»

TITUSA 2:3

Watrumama wendza maha wajau, wakane maendreleo yastahiki watwaharifu. Ike amba wao kawatefua, wala wasuke walevi, ɓadi wasomedze zilio ndjema,

MUV̄ENULIO 1:9

Wami Yuhani, mwananyanyu nirengao fuvu hari mwa yamatreso, hari mwa ufalume na suɓira ha uv̄umoja watru na Insa, tsika hari mwa ishisiwa ya Patimosa ha siɓaɓu ya Urongozi wa Mungu, na ushahidifu wa Insa

YUDA 1:11

Maondo haoju! Mana waɗungu indzia ya Kayinu; ha siɓaɓu ya mupario, wadzilatsa hari mwa upotevu wa Ɓalahamu, tsena hari mwa mutsutsuho mauri Kurah ɗe wandra wadziangamidza.

2 MONYE 2:3

Ha uv̄endzopara yawo, watsodzifayidisha hanyuju ha marongozi yendza trambo. Hawoju rangu hale, hukuma kayazia ufanya hazi na uangamifu wawo kawalala.

TITUSA 1:11

Walazimu waɓalwe zihanyo. Wao uangamidza miraɓa mikamilifu ha usomedza trongo kazalazimu; na iyo, ile wapare faida zendza aĩɓu.

1 MATESALONIKA 5:14

V̄av̄o wananya wa shi uaminifu, risumutriani ɓari mufahamishe wendza musadjadja, muhodarishe wao wapuha ɓari, musaidiye walemevu, mukane suɓira mbeli za watru piya.

MAROMU 16:18

Mana watru mauri ɗe wao kawasumurumishia Raɓi watru Kristi, ɓadi ɗe zimimba zawo. Ha marongozi mema yendza sifa, wao udanganya ziroho za wao kawafikiri.

MAV̄INGIZI-RISALA 20:33

Tsakotumaini fedha, wala dhahaɓu, wala nguo ya mutru atsokao yotsi.

MATIYO 21:13

Amwesa awaambia: «V̄uangihwa: ‹iNyumba yangu itsohiriwa nyumba ya mamilio›; ɓadi wanyu muifanya gumbo la warav̄izi!»

2 TIMUTAUSU 3:2

Mana watru watsov̄endza ɗe zinafusi zawo, watsotrishilia marike, watsodzirendra, watsodziona, watsoka makufurina, kawatsotuĩ wadzaɗe wawo, kawatsojua zema, kawatsostehi zilio ndzitwaharifu,