1 TIMUTAUSU 2:7 - Ha`bari Ndjema ya I Maore

⁷ Ushahidifu ulio amba wami tsifanyiha mujudzizi na Muv̄ingizi-Risala wawo, nisurongoa kweli ɓadi tsi trambo, tsena musomedza ha watru wa nishani zangina yahusu uaminifu na ukweli.

1 TIMUTAUSU 2:7 Referans Kwoze

MAV̄INGIZI-RISALA 9:15

Ɓadi Raɓi amuambia: «Endra, mana mutru uwo, waye shombo naitsahua ajudze lidzina langu ha zinishani zangina, ha yamafalume, na ha uwana wa Israila.

2 TIMUTAUSU 1:11

Ɗe ha iIndjili iyo ɗe nalishwa mujudzizi, Muv̄ingizi-Risala amma musomedza.

MAROMU 9:1

Hari mwa uv̄umoja wangu na Kristi, nisurongoa ikweli, tsisurongoa trambo, tsena inafusi yangu yav̄ingwa na iRoho Ndzitwaharifu isuishadidisa:

MAROMU 15:16

Anidjaãlia ineema ya uka murumishi wa Kristi-Insa ha zinishani zangina. iHazi nadjukumisiwayo ya utolezi masadaka, ɗe ujudza iIndjili ya Mungu, ile watru wa zinishani zangina wake sadaka lakuɓalishiwa na Mungu, latwaharishiwa na iRoho Ndzitwaharifu.

MAGALATWIYA 2:9

Na ɓaanda wafahamu ineema nadjaãliwayo, Yakoɓu, Monye na Yuhani, wakorengwa amba ɗe zingidzo za iDjama Ndziwaminifu, wariv̄a umuhono wa hume wami na Ɓarnaɓasi ha ãlama ya uv̄umoja, amba wasi ritsendra ha watru tsi Mayahudi, na wao ha yaMayahudi.

MAGALATWIYA 1:20

Trongo zini nimuangishiaoni, nisumuambiani mbeli za Mungu amba tsisurongoa trambo.

MAGALATWIYA 1:16

wa univ̄enulia uMwana wahe, ile nimujudze ha uwatru wa zinishani zangina kazimuji Mungu, ɓasi wakati uwo tsatsaha shauri ha mutru atsokao yotsi,

MAROMU 11:13

Av̄asa nisumuambiani wanyu tsi Mayahudi: Rangu nilio Muv̄ingizi-Risala ha zinishani zangina, nisutukuza ihazi nadhwaminishiwayo,

2 MONYE 2:5

neka kapukamanisa lidunia la hale, ɓadi alishi umutru wa nane hari mwa wao wahuyiwa, ne ɗe Nuhu, mutrangizi wa ihaki, wakati ashukidza liɓa la maji hari mwa ulemengu wa waovu;

MAGALATWIYA 3:9

Ha izo, wao waliona uaminifu waɓarikishiha v̄umoja na Iɓrahima, monyewe uaminifu.

2 MAKORINTIYO 11:31

Mungu amma Ɓaɓa wa Raɓi Insa, natukuzihe daimani aɓada, asujua amba tsisurongoa trambo.

MAROMU 10:14

Ha namuna jeje ɓasi watsoombao mutru alio amba kawamuamini? Au, ha namuna jeje watsoaminio mutru neka kawaparokia av̄umbulwa? Na ha namuna jeje watsokiao av̄umbulwe neka kav̄u mutru ajudzao?

MAV̄INGIZI-RISALA 26:20

Ɓadi ha uandrisa na uwakazi wa Damasko, waɗunga wa Yerusalemu na piya iYudeya, iv̄o ha zinishani zangina, tsijudza amba walazimu wandre toɓa, wazinge ha Mungu, warendre zitrendro zastahiki watru wandra toɓa.

MAV̄INGIZI-RISALA 22:21

Ɓadi Raɓi aniambia: ‹Endra, nitsohuv̄eleha mbali ha nishani zangina.› »

MAV̄INGIZI-RISALA 14:27

Uwaswili yawo hule, wahudhurisha piya iDjama Ndziwaminifu, wawaeledza piya zile Mungu azifanya ha ndzia yawo na inamuna aɓulia zinishani zangina umulongo wa uaminifu.

YUHANI 7:35

Mayahudi yaambiana: «Hav̄i ɗe atsendrao ata karitsomupara? Saɓu katsendra ha wale waẽshio hari mwa yaMagiriki, andra asomedza yaMagiriki?

MAGALATWIYA 2:16

Iv̄o rijuao amba shiumbe mwanadamu kaihakishiwa na Mungu ha utuĩ iSharia, ɓadi ha uaminifu wahe na Insa-Kristi, wasi wajau rimuamini Insa-Kristi, pare rihakishiwe na Mungu ha uaminifu watru na Kristi, ɓadi tsi ha utuĩ iSharia; mana ha utuĩ iSharia, kav̄u mutru yotsi atsohakishiwao na Mungu.

MAROMU 1:9

Mungu nimurumishiao rohoni hangu ha ujudza iIndjili ya uMwana wahe, a shahidi wangu amba ha daima wami umumiliani.

1 MAKORINTIYO 9:1

Hali tsisi hari mwa unafasi? Hali wami tsi Muv̄ingizi-Risala? Hali tsamuona Insa, Raɓi watru? Hali wanyu tsi mavuna ya urumishi wangu ha Raɓi?