1 MONYE 5:4 - Ha`bari Ndjema ya I Maore

⁴ Na wakati uMutsunga Muɓole atsov̄enuao, mutsopara ihishima yendza utukufu kaimenyeha.

1 MONYE 5:4 Referans Kwoze

YAKOƁU 1:12

Aɓarikishiha monyewe ustahamili mudjereɓio, mana ɓaanda itsokao amba adjereɓiwa, atsopara ihishima ya uhayati yatolewa wahadi na Mungu ha wao wamuv̄endzao.

1 MAKORINTIYO 9:25

Piya walio hari mwa mashindrano udziɓalidza na nyengi. Na wao ufanya trongo iyo, ile wapare hishima ilio amba muola. Ɓadi wasi yatru tsi muola, ya daima.

1 YUHANI 3:2

Wav̄endzewa wangu, av̄asa ra wana wa Mungu, na iyo ritsokao, raha kayav̄enulwa. Ɓadi risujua amba wakati atsov̄enuhao, ritsoka mauri waye, mana ritsomuona hali alio.

2 TIMUTAUSU 4:8

Rangu v̄anu tsihetsiwa ihishima ya muhakisho mbeli za Mungu. Raɓi, hakimu wa haki, atsoniv̄ayo iSuku iyo; wala tsi wami tu, ɓadi wajau na piya wao wakolindra v̄umoja na huɓa muv̄enulio wahe.

1 MONYE 1:4

mwaratha tsi muangamivu, ɓila pandra, wala unyaivu, mwalishiwawo pev̄oni,

MUV̄ENULIO 3:11

Nisuja tsi hale. Sika iyo ulionayo, ile v̄usuke ata mutru arenga ikemba yaho.

MUV̄ENULIO 2:10

Usuriye trongo zijao zihupare. V̄anu Iɓilisa asuja apulise ɓaãdhwi mengoni mwanyu shiv̄ani ile pare mudjereɓihe; mutsopara suku kumi za matreso. Ɓaki muaminifu mupaka hari mwa ufa, na wami nitsohuv̄a likara la uhayati.

1 MONYE 2:25

Mana muka mauri maɓariɓari yandrao mboya, ɓadi av̄asa murudi ha Uwo alio Mutsunga wanyu, tsena Mugogezi wa ziroho zanyu.

1 MONYE 5:2

namurundrise liɓangwe la Mungu mwadhwaminishiwalo, tsi ha mulazimisho, ɓadi ha uv̄endza yanyu, namuna Mungu atsahao, ɓila tsi ha mupario wendza aĩɓu, ɓadi v̄umoja na djitihadi.

MAHEƁRANIYA 13:20

Ɓasi Mungu wa iamani alio amba ha idamu ya mukataɓa wa daima aregeza hayi ha uwafu uMutsunga-maɓariɓari muɓole, ne ɗe Raɓi watru Insa,

MUV̄ENULIO 1:7

Tsuwo, asuja hari mwa mavingu na piya watsomuona, ata wao wamuforoa. Na piya zikaɓila za shiv̄andreju mwa tsi zitsoulula ha siɓaɓu ya waye. Ewa! Amina.

YUHANI 10:11

Wami ɗe umutsunga mwema. Mutsunga mwema udzitoa fidia ha siɓaɓu ya maɓariɓari yahe.