1 MONYE 5:1 - Ha`bari Ndjema ya I Maore

¹ Nisutria ɓari uwaɓole wa iDjama walio hari mwanyu, wami nilio muɓole mauri wao, shahidi wa yamatungu ya Kristi, tsena nitsorengao fuvu hari mwa utukufu ujov̄enulwao:

1 MONYE 5:1 Referans Kwoze

LUKASI 24:48

Wanyu mwa mazahidi wa trongo zizo.

MUV̄ENULIO 1:9

Wami Yuhani, mwananyanyu nirengao fuvu hari mwa yamatreso, hari mwa ufalume na suɓira ha uv̄umoja watru na Insa, tsika hari mwa ishisiwa ya Patimosa ha siɓaɓu ya Urongozi wa Mungu, na ushahidifu wa Insa

2 YUHANI 1:1

Wami, muɓole wa iDjama Ndziwaminifu, nisumuangishia Ɓweni mutsahuliwa, na wana wahe niwav̄endzao hari mwa ikweli. Wala tsi wami tu ɗe niwav̄endzao, ɓadi wajau piya wao wajuao ikweli

1 MONYE 5:4

Na wakati uMutsunga Muɓole atsov̄enuao, mutsopara ihishima yendza utukufu kaimenyeha.

1 YUHANI 3:2

Wav̄endzewa wangu, av̄asa ra wana wa Mungu, na iyo ritsokao, raha kayav̄enulwa. Ɓadi risujua amba wakati atsov̄enuhao, ritsoka mauri waye, mana ritsomuona hali alio.

1 MONYE 1:7

Yao yaja ile yav̄ime ukweli wa uaminifu wanyu, uaminifu uliona faida rahana dhahaɓu ndziangamivu, wala ukana iyo udhiɓitishiwa ha moro. Na uaminifu wanyu uwo ɓaanda wadhiɓitishiwa, ufanyiha siɓaɓu ya sifa, utukufu na hishima wakati wa umuv̄enulio wa Insa-Kristi

MAV̄INGIZI-RISALA 14:23

Wawahetsia madhwamana hari mwa kula Djama Ndziwaminifu, amwesa ɓaanda wafanya mamilio na ufunga, wawadhwaminisha Raɓi alio amba wamuamini.

MAV̄INGIZI-RISALA 11:30

Iyo ɗe inamuna wafanya, wav̄eleha musada ule ha waɓole wa idjama ha yimihono ya Ɓarnaɓasi na Saulusu.

1 MONYE 1:12

Wav̄enuliwa amba kawakodzirumishia wenyewe ɓadi wanyu hari mwa trongo zizo, zilio amba av̄asa mujudziwazo na wao wamutekelezeani iHaɓari Ndjema ha iRoho Ndzitwaharifu yav̄elehwa ulawa pev̄oni, trongo zilio amba ata zimalayika, ne zatsov̄endza zizielewe.

FILIMUNA 1:9

ne nisuona ɓorwa nihutafadali ha siɓaɓu ya uv̄endza. Ha inamuna nilio wami Ɓaulusu muɗuhazi, na zaidi ya v̄av̄o tsena mufungwa iv̄o nimurumishiao Kristi-Insa,

TITUSA 1:5

iMana ata nahulisha shisiwani Kireta, ɗe amba utriye ndziani izo zaka zaɓaki za urengeledza, tsena uhetsi waɓole hari mwa iDjama Ndziwaminifu ya kula ɗago, ha uɗunga zitaratiɓu nahuv̄a.

2 TIMUTAUSU 4:8

Rangu v̄anu tsihetsiwa ihishima ya muhakisho mbeli za Mungu. Raɓi, hakimu wa haki, atsoniv̄ayo iSuku iyo; wala tsi wami tu, ɓadi wajau na piya wao wakolindra v̄umoja na huɓa muv̄enulio wahe.

1 TIMUTAUSU 5:19

Usukuɓali musingidzio kinyume na muɓole wa iDjama Ndziwaminifu neka kwaupara na ushahidifu wa watru waili au wararu.

1 TIMUTAUSU 5:1

Usulaguliye mangavu ɓaɓa muɗuhazi, ɓadi musariɓiye mauri ɓaɓa, yamashaɓaɓi waume mauri wananya watruɓaɓa,

MAFILIPI 1:19

mana nisujua amba iyo itsoniv̄ingia uhuyifu ha mamilio yanyu, na ha umusada wa iRoho ya Insa-Kristi.

2 MAKORINTIYO 5:1

Mana wasi risujua amba neka liɓanga la haima lini riliketsiao ulemenguni v̄anu liangamidziwa, rina pev̄oni v̄ahanu v̄wa uketsi v̄wafanyiwa na Mungu, makazi ya daima kayafanyiwa ha yimihono ya wanadamu.

MAV̄INGIZI-RISALA 21:18

iSuku yaɗunga v̄ale Ɓaulusu ariɗungu ha Yakoɓu, v̄ahanu piya madhwamana wa iDjama waka wangulidzana.

MAV̄INGIZI-RISALA 20:28

Ɓasi namudzifahamishe wanyu na liɓangwe piya la maaminifu iRoho Ndzitwaharifu yamudhwaminishanilo; namutsunge iDjama Ndziwaminifu ya Mungu aipara ha idamu yahe monyewe.

MAV̄INGIZI-RISALA 20:17

Rangu Miletu hule, Ɓaulusu av̄eleha watru wandre Efeso, warenge yamadhwamana ya iDjama Ndziwaminifu, waje wamupare.

MAV̄INGIZI-RISALA 15:6

Wakati ule yaMav̄ingizi-Risala na yamadhwamana waangulidzana pare watwaliye itrongo ile.

MAV̄INGIZI-RISALA 15:4

Uwaswili yawo Yerusalemu, warengwa na iDjama Ndziwaminifu, yaMav̄ingizi-Risala na yamadhwamana; na wao wajudza piya trongo Mungu akozifanya v̄umoja na wao.

MAV̄INGIZI-RISALA 2:32

Ɗe Insa uwo Mungu amuregeza hayi, na wasi piyasi ra mazahidi.

MAV̄INGIZI-RISALA 1:22

rangu umuɓaĩshizi wa Yahaya, ata isuku atolwa hari mwasi. Moja mengoni mwawo alazimu ake shahidi wa umuregezeo hayi wahe, mauri ɗe wasi.»

MAV̄INGIZI-RISALA 1:8

Ɓadi mutsopara ushindzi wakati iRoho Ndzitwaharifu itsomujiliaoni, amwesa mutsoka mazahidi yangu rangu Yerusalemu, piya iYudeya, na iSamariya, ata yimipaka ya ishiv̄andre ya tsi.»

2 MAKORINTIYO 5:8

V̄av̄o rina tama, tsena risuona ɓorwa rilawiye hari mwa umwili, ne rike ha Raɓi.

MAV̄INGIZI-RISALA 3:15

Muulu likoho la uhayati, Monyewe uka amba Mungu amuregeza hayi ha ulawia ufa, na wasi ra mazahidi.

MAHEƁRANIYA 12:1

Ɓasi ha izo wasi wajau, iv̄o razingidziwa na vingu ɓole namuna iyo la mazahidi, naritruwe kula mudzo na lidhambi liriv̄ambanisao ɓure-ɓure tu, amwesa rendre mbio v̄umoja na ustahamilivu hari mwa yamashindrano ralishiwayo.

1 MONYE 4:13

Ɓadi iv̄o murengao fuvu hari mwa yamatungu ya *Kristi, namufurahi ile pare hari mwa umuv̄enulio wa utukufu wahe, wanyu wajau mufurahi na ujiv̄iwa.

3 YUHANI 1:1

Wami, muɓole wa iDjama Ndziwaminifu, nisuhuangishia wawe muv̄endzewa Djayusu nihuv̄endzao hari mwa ikweli.