9 Namukariɓisane ɓila unguruma.
Mwasuɗele umukariɓisho, mana ha urendra trongo iyo, v̄wa walio amba ɓila ujua, wakariɓisa malayika.
Namusaidiye wanyanyu waaminifu na zingusongefu zawo, muke na djitihadi ya ukariɓisa.
Namufanye trongo piya pasipo ya unguruma ɓila mashindrano,
Ɓila mwasuɗele urendra zema na uv̄a musada, mana ɗe ha masadaka mauri ɗe yao ɗe Mungu ajiv̄iwao.
Ɓadi nake mukariɓisa, muv̄endza izo zilio ndjema, muelevu, mutru wa haki, mutwaharifu, mutru ashindrao adziziye,
Ɓasi ilazimu dhwamana uwo ake ɓila tuhuma, mutrumume wa mutrumushe moja, ashindrodziziao, muekevu, mwendza hishima na mukariɓisa, tsena ashindre asomedze.
Mwasungurume wanyu na wanyu, wananyangu, pare mwasuhukumulwe. Tsuwo, hakimu ahimi mulongoju.
V̄av̄o ɓasi kula mutru nav̄e ha ikiasi ahetsi rohoni hahe, ɓila usikitifu, wala uremwa nguvu, mana Mungu uv̄endza ule av̄ao ha furaha.
Ɓadi tsatsaha nafanya trongo itsokao yotsi kaɓula ya utsaha shauri laho, pare yasuke amba zema zaho farudhwi, ɓadi ha uv̄endza yaho monyewe.
Djayusu, mukariɓisa wangu na wa iDjama Ndziwaminifu, asumusalimuni. Erastusa musika-mali wa liɗago, v̄umoja na umwananya Kawartu, wasumusalimuni. [
