1 MONYE 4:8 - Ha`bari Ndjema ya I Maore

⁸ Kaɓula ya piya, namuv̄endzane ha kusudi wanyu na wanyu, mana uv̄endzana, iyo ufinikia wengi wa madhambi.

1 MONYE 4:8 Referans Kwoze

MAKOLOSIYA 3:14

Na iɓole zaidi ya piya trongo izo, ɗe wanyu udzipindrisa iuv̄endza, ilio ɗe umutsanganiso mukamilifu.

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

YAKOƁU 5:20

namujuwe amba monyewe uregeza muãswifu v̄ahanu alatsiha, atsomuhuyi iroho na ufa, amwesa atsotsonga muzimio wa wengi wa madhambi.

1 MAKORINTIYO 13:1

Wala ukana neka nisulagua ziluha za wanadamu na za malayika, ne tsisina mahaɓa, v̄av̄o tsa garando livumao, au keme za kengele.

1 MATESALONIKA 3:12

Raɓi naengedze na uzidisha uv̄endza mulionawo wanyu na wanyu, tsena na piya wasalia, mufano wa uwo rilionawo na wanyu.

MAHEƁRANIYA 13:1

Uv̄endza wa shiunanya nauendreleye hanyuju.

1 TIMUTAUSU 1:5

iKusudi ya lisariɓu lini, ɗe uv̄endza ulawao ha umo warahara, na nafusi ndziraharifu ɓila tuhuma, v̄umoja na uaminifu wa kweli.

2 MATESALONIKA 1:3

Ha dahari irilazimu rimuhimidiye Mungu, wananya wa shi uaminifu, ha siɓaɓu ya wanyu. Iyo haki amba riifanye, mana uaminifu wanyu usuhua ha kusudi, na uv̄endza wa kula moja ha uwanyawe usendra na uengedzeha.

3 YUHANI 1:2

Wawe muv̄endzewa, nisutumainia uke fetre hari mwa piya yimikaɓala, tsena uke hari mwa swiha ndjema, mauri iroho yaho namuna ilio fetre.

YAKOƁU 5:12

Hususwani wananyangu, mwasulav̄e, tsi na uwingu, wala ishiv̄andre ya tsi, wala ha namuna ya shilav̄io itsokao yotsi yangina. Ɓadi «ewa» yanyu naike ewa, na «ãhã» yanyu ike ãhã, ile mwasupulihe hari mwa hukuma.

1 MAKORINTIYO 13:4

Uv̄endza ukana suɓira, na uwema. Uv̄endza kaina uwivu, uv̄endza kaidzirendre, kaidziono,