1 MONYE 4:10 - Ha`bari Ndjema ya I Maore

¹⁰ Kula mutru narumiye ha wanyahe ineema adjaãliwayo; v̄av̄o mutsoka warumishi wema wa urehema wa namuna ha namuna wa Mungu.

1 MONYE 4:10 Referans Kwoze

MARKUSI 10:45

Mana uMwana wa Mwanadamu aja tsi ha urumishiwa, ɓadi ha urumishia na udzitoa fidia, ile akombowe watru wengi.»

MAHEƁRANIYA 6:10

Mana Mungu tsi mudhuluma amba aɗele urumishi wanyu, wala uv̄endza mwauv̄enua ha siɓaɓu ya dzina lahe ha urumishia watwaharifu, tsena ata av̄asa.

1 MAKORINTIYO 15:10

Ɓadi ha irehema ya Mungu, tsa namuna nilio, na irehema yahe iyo hanguju kaisi amba kaina mana. Ɗe ikinyume, tsidzirumu zaidi ya wao piya, wala tsi wami, ɓadi ɗe irehema ya Mungu ilio hanguju.

1 MAKORINTIYO 3:10

Ha ineema ya Mungu nadjaãliwayo, tsihedza musingi mauri muundrizi mwendza hikima, na wangina asuundra uju mwawo. Ɓadi kula moja nafahamu na inamuna yahe aundrao uju.

MAEFESO 4:11

Waye ɗe afanya amba ɓaãdhwi wake Mav̄ingizi-Risala, wasalia wake watru wajudzao marongozi washukidziwawo, wasalia amba wajudzizi wa iHaɓari Ndjema, na wasalia amba watsunga, iv̄o watru wasomedzao waaminifu,

MAROMU 15:27

Waono amba ndjema ya uifanya, ɓadi ha kweli, iyo ika deni mbeli zawo. Mana neka watru wa zinishani zangina wapara fuvu hari mwa zineema za shiroho za Mayahudi, v̄av̄o walazimu wawasaidiye hari mwa zitrongo za maẽsha ya kula suku.

TITUSA 1:7

Kweli amba dhwamana wa Djama Ndziwaminifu, rangu alio mushangirizi wa Mungu, alazimu ake ɓila tuhuma. Kalazimu aka mwendza hanyo, mwendza hasera, mulevi, mumani, wala adziparia ha namuna kayalazimu.

MAEFESO 3:8

Wami nilio umuv̄ungufu wa piya watwaharifu, tsidjaãliwa ineema ini ya ujudza ha watru wa zinishani zangina iHaɓari Ndjema ya utadjirifu wav̄iria shiv̄imo wa Kristi,

LUKASI 12:42

Raɓi arongoa: «Uv̄i ɗe murumizi mwaminifu mwendza hikima murumisa wahe atsomudjukumisao muraɓa wahe, ile av̄e warumizi wanyahe zahula wakati wahetsiwa?

1 MAKORINTIYO 4:7

Mana mbani ɗe ahutafautishao? Trini ɗe ulionayo amba kwav̄olwayo? Na neka uv̄olwayo, manatrini udzisifuo mauri kwav̄olwayo?

LUKASI 19:13

Wakati ule ahiri kumi hari mwa warumizi wahe, awav̄a mapauni kumi, amwesa awaambia: ‹Namufanye ɓahazazi marike zini ata wakati nitsojao.›

LUKASI 8:3

Yuhana, mutrumushe wa Kuza, murumizi muɓole wa Hirudu; Suzana; na wangina wengi walio amba wakomusaidi Insa na maswihaɓa yahe ha zimali zawo.

2 MAKORINTIYO 6:1

Rangu rilio washangirizi wa Mungu, risumutriani ɓari mwasurenge ineema mwaipara hahe, mwaifanya shitru tsi yendza mavuna.

MAROMU 15:25

Ɓadi v̄anu nisendra Yerusalemu, nav̄e musada waaminifu.

MATIYO 25:44

Ɓasi wao wajau watsodjiɓu: ‹Raɓi, lini rahuona wakana ndza, au nyora, au mudjeni, au wadzi, au muwaɗe, au shiv̄ani, wala karahusaidi?›

MATIYO 20:28

Iyo ɗe inamuna uMwana wa Mwanadamu kaja arumishiwa, ɓadi aja arumishiye, na udzitoa fidia akombowe wengi wa wanadamu.»

2 TIMUTAUSU 1:18

Raɓi namudjaãliye upara urehema ha Mola iSuku iyo. Wawe-wawe usujua ha uzuri kiasi anirumishia Efeso.

MATIYO 24:45

«Uv̄i ɗe murumizi muaminifu mwendza hikima murumisa wahe amudhwaminisha muraɓa wahe, av̄e zahula watru wahe wakati walazimu?

MATIYO 24:14

iHaɓari Ndjema ini ya Utawalizi itsotekelezewa hari mwa ulemengu kamili, ile ike ushahidi ha piya zinishani; v̄av̄o iv̄o ɗe umwiso utsojao.»

2 MAKORINTIYO 9:1

Hari mwa yahusu umusada mbeli za uwatwaharifu, kaisina ata mana ya wami umuangishiani.

MATIYO 24:21

Mana v̄av̄o v̄utsoka ãdhaɓu ɓole, tsena ndziro mauri raha kav̄waparoka rangu lidunia uumbwa yalo ata upara ileo ini, wala kav̄utsoka tsena ata idahari.

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.

1 MONYE 5:12

Ɗe ha umusada wa Silvanus nimurengao amba mwananya muaminifu, ɗe nimuangishiaoni wana mistari wanu, ile nimutriyeni ɓari na ulawa ushahidi amba iyo ɗe irehema ya kweli ya Mungu ɗe mwadzifungamanisa nayo.

MATIYO 25:17

Ɗe ha inamuna ile wajau, ule aka apara yamaili, ayarumishia ata apara maili yangina.