1 MONYE 3:8 - Ha`bari Ndjema ya I Maore

⁸ Ha muhutaswari, namuke konyo moja piyanyu, namuoneane utungu, muv̄endzane shiunanya, muv̄orehane, mukane uwekevu.

1 MONYE 3:8 Referans Kwoze

MAROMU 12:10

Namuv̄endzane wanyu na wanyu ha huɓa ya shi unanya; namukane djitihadi ya uhishimiana.

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

MAEFESO 4:31

Ɓasi nazitolwe hari mwa wanyu kula unyongo wa roho, utukifu, hadhaɓu, umani, uruhana, tsena na kula aina ya uovu.

YAKOƁU 3:17

Hikima ya shi uju, iyo uka raɓuzi ndziraharifu, amwesa yendza amani, ndzitrulivu, tsena ndzielevu; iyo ujaya poreho, tsena ukana mavuna mema, ɓila uɓanguzi, wala unafiki.

MAEFESO 4:2

hari mwa uwekevu na umakini, v̄umoja na suɓira. Namustahamiliane wanyu na wanyu hari mwa mahaɓa.

MAKOLOSIYA 3:12

Ɓasi v̄av̄o wanyu mwatsahulwa na Mungu, amba watwaharifu amma wav̄endzewa, namudzipindrise mo wa poreho, uwema, uwekevu, umakini, na suɓira.

1 MAKORINTIYO 12:26

Na neka shiga moja isuondesheha, zasalia piya uondesheha na wiyo; neka shiga moja isutukuziha, piya zasalia ujiv̄iwa v̄umoja na wiyo.

MATIYO 18:33

Hali v̄av̄o kwakolazimu wav̄oreha wajau munyaho, mauri ɗe inamuna nahuv̄oreha?›

1 YUHANI 3:14

Wasi risujua amba rilawa ufaju, ringia hari mwa uhayati, rangu riv̄endzao uwananya wa shi uaminifu. Uwo kasuv̄endza, uɓaki ufaju.

1 MAKORINTIYO 1:10

Nisumutriani ɓari wananyangu, ha lidzina la Raɓi watru Insa-Kristi, namusike piyanyu urongozi moja, v̄usuke mitsapushiano hari mwa wanyu, ɓadi mutsanganisihe, muke fikira moja na nia moja.

MAV̄INGIZI-RISALA 4:32

iDunia ya wale waamini ifanyiha umo moja na roho moja. Kav̄waka ata mutru akorongoa amba mali yahe, yahe waye monyewe, ɓadi wakozidjimlisa piyazo.

1 MONYE 5:5

Wanyu wajau mashaɓaɓi, namudzituĩse ha uwaɓole. Piyanyu hari mwa maendreleo yanyu wanyu na wanyu, namudziɓangise uwekevu, mana v̄uangihwa: «Mungu waye kinyume na wao wadzionao, ɓadi waye udjaãlia urehema wahe ha waekevu.»

MAHEƁRANIYA 13:1

Uv̄endza wa shiunanya nauendreleye hanyuju.

2 MONYE 1:7

na ju la maendreleo ya ĩɓada, uv̄endza wa shiunanya, na ju la uv̄endza wa shiunanya, mahaɓa.

1 MONYE 2:17

Namuhishimu piya uwatru, muv̄endze wananyanyu wa shi uaminifu, mumuriye Mungu, muhishimu umufalume.

YAKOƁU 5:11

Wasi urongoa amba waɓarikishiha wao wastahamili. Mukia amba v̄urongolwa ustahamilifu wa Ayuɓa, tsena muono umwiso Mola amudjaãliawo, kiasi Mola aliona urehema na poreho ha uwengi.

YAKOƁU 2:13

Mana hukuma kaikana poreho ha mutru kasuonesa poreho. Poreho, lilo ushindra hukuma.

MAFILIPI 3:16

Namuna yotsi itsokao, v̄anu rawaswili, narendre mbeli na indzia wiyo-wiyo.

MAROMU 15:5

Ɓasi Mungu Monyewe suɓira na ɓari namudjaãliyeni muke nia moja hari mwanyu, mufano wa Kristi-Insa,

MAV̄INGIZI-RISALA 28:7

Na mukaɓala ule v̄uka mazamba yaka ya mutru akohiriwa Ɓibliusu, djukuma hari mwa ishisiwa ile. Arikariɓisa ɗagoni hahe shi wandzani, ariladza suku traru.

MAV̄INGIZI-RISALA 27:3

iSuku yaɗunga, ripahwa Sidoni. Yuliyusu amurendre Ɓaulusu zema, amuruhusu andre aone wandzani wahe, ile apare musada wawo.

MAV̄INGIZI-RISALA 2:1

iSuku ya Pentikoti uja yayo, waka piyawo v̄ahanu v̄umoja.

LUKASI 10:33

Ɓadi v̄uja v̄uv̄iri Musamariya aka hari mwa musafara. Umuona yahe, aremwa na poreho.

MAEFESO 4:32

Namuke wema na roho zendza poreho wanyu na wanyu; namuswamihiane, mauri ɗe inamuna Mungu amuswamihini ha uv̄umoja wanyu na Kristi.

MAFILIPI 2:3

Musufanye itsokao yotsi ha mashindrano, wala ha udzirendra, ɓadi ha uwekevu, namuone wasalia ɓorwa rahana wanyu.