1 MONYE 3:22 - Ha`bari Ndjema ya I Maore

²² alio amba andre pev̄oni, a humeni ha Mungu, tsena zimalayika, ziyezi na zingushindzi zilazimishiwa umutuĩ.

1 MONYE 3:22 Referans Kwoze

MAHEƁRANIYA 9:24

Kweli amba Kristi waye kangia moni na Pa Dzitwaharifu lafanyiwa ha mihono ya wanadamu, lilio mufano wa lile lilio la kweli, ɓadi angia pev̄oni swafi-swafi, ile adziv̄enuwe av̄asa mbeli za Mungu ha faida yatru.

MAHEƁRANIYA 12:2

Narilishe matso yatru ha Insa alio koho la uaminifu watru, tsena monyewe uukamilisha. Waye alio amba ha ifuraha aka ahetsiwayo, astahamili umuri wa pawa|muri wa pawa na uonea iaĩɓu yawo, amwesa aketsi humeni mwa ishiri ya ufalume ya Mungu.

MAHEƁRANIYA 10:12

Ɓadi waye, ɓaanda atolea sadaka moja tu ha yamadhambi, aketsi ha daima humeni ha Mungu.

MARKUSI 16:19

Ɓas, Raɓi Insa|Raɓi ɓaanda ahisa ulagua na wao, ahedzewa pev̄oni, aketsi humeni ha Mungu.

MAHEƁRANIYA 8:1

iMahususu ya izo rarongoa ɗe ini: Rina Mutolezi-Masadaka Muɓole|Muɓole wa Matolezi-Masadaka namuna iyo, aketsi humeni mwa ishiri ya yezi ya Monyewe Ufalume pev̄oni.

MAHEƁRANIYA 6:20

v̄ahanu Insa angia amba mutrangulia ha tanafu yatru. Afanyiha Muɓole wa Matolezi-Masadaka wa daima, mauri ɗe inamuna ya Melkisedeki.

MAKOLOSIYA 3:1

Ɓasi ɓaanda mwaregezewa hayi v̄umoja na Kristi, namutsahe trongo za shi uju, v̄ahanu Kristi aketsi humeni ha Mungu.

MAROMU 8:38

Mana tsiwafiku amba kav̄u ishindrao iritsapuwe na uv̄endza yahe: tsi ɗe ufa wala uhayi, tsi ɗe zimalayika wala ngushindzi zangina, tsi ɗe za leo wala za meso, tsi nguvu zitsokao yotsi,

MAROMU 8:34

Mbani ɗe atsowanamuao na kosa? Kristi-Insa ɗe afa, na zaidi ya iyo, aregezewa hayi, a humeni ha Mungu, na waye asurimilia.

MATIYO 22:44

‹Mola amuambia Raɓi wangu: «Ketsi humeni hangu, ata mupaka nifanye maãduwi yaho yake shikadza-mindru yaho.» ›

MAHEƁRANIYA 1:3

uMwana uwo alio umuvagio wa utukufu wa Mungu, na umufano mukamilifu wa utru wahe, asuv̄inga piya zitru ha urongozi wendza ushindzi wahe. Ɓaanda atsimidza umurahatsio wa yamadhambi, aketsi humeni mwa Monyewe Ufalume hari mwa yimikaɓala ya uju.

1 MAKORINTIYO 15:24

Amwesa umwiso utsoja, wakati atsov̄elehao ufalume ha Mungu amma Ɓaɓa, ɓaanda itsokao amba aangamidza kula utawalizi, kula yezi, na kula ushindzi.

MAV̄INGIZI-RISALA 3:21

Waye Uwo ɗe alazimu aɓaki pev̄oni ata mupaka ɗe wakati wa umurengeledzeo mukamilifu wa zitrongo, ule Mungu aujudza ha yamarongozi ya yimitrume mitwaharifu yahe.

MAV̄INGIZI-RISALA 1:11

Wawaambia: «He wanyu Magalilaya, manatrini mwahima muangaliao mbinguni? Insa uwo mwarengewawo, ahedzewa pev̄oni, atsoregea ha inamuna ile kamwe mwamuona andra pev̄oni.»

MARKUSI 12:36

Daudu waye-waye, uv̄ingwa yahe na iRoho Ndzitwaharifu, arongoa: ‹Mola amuambia Raɓi wangu: «Ketsi humeni hangu, ata mupaka nitriye maãduwi yaho utsini na maharo yaho.» ›

MAHEƁRANIYA 1:13

Na iv̄i hari mwa zimalayika yaparoambilwa amba: «Ketsi humeni hangu ata mupaka nifanye maãduwi yaho yake shikadza-mindru yaho»?

LUKASI 20:42

Ne Daudu waye-waye asurongoa moni na ishio ya Ngutende amba: ‹Mola amuambia Raɓi wangu: «Ketsi humeni hangu,

MATIYO 28:18

Insa atsengelea, amwesa awaambia: «Piya yezi tsiv̄olwayo rangu mbinguni ata shiv̄andreju mwa tsi.

MAHEƁRANIYA 1:6

Na tsena, uv̄eleha yahe umudzalwa wa handra uwo ulemenguni, arongoa: «Piya zimalayika za Mungu nazimuãɓudu.»

MAHEƁRANIYA 4:14

Ɓasi ha iv̄o riliona Mutolezi-Masadaka azidi uɓole av̄ira zimbingu, Insa, uMwana wa Mungu, narisike hodari uaminifu riukuɓalio ha hadhwira.

YUHANI 13:32

Neka utukufu wa Mungu uv̄enulwa ha uMwana, Mungu wajau atsov̄enua utukufu wa uMwana hahe waye Mungu, tsena atsouv̄enua tsi hale.