1 MONYE 3:17 - Ha`bari Ndjema ya I Maore

¹⁷ Ɓorwa mutru aondeshehe ha ufanya ndjema, neka yao ɗe yamav̄endzeleo ya Mungu, rahana uondesheha ha ufanya mbovu.

1 MONYE 3:17 Referans Kwoze

1 MONYE 3:14

Na wala ukana musuondesheha ha siɓaɓu ya ihaki, v̄av̄o muɓarikishiha. «Musukane trisidzo na wao, tsena mwasuɓaɓanyihe.»

1 MONYE 4:19

Ha izo, wao waondeshehao ha yamav̄endzeleo ya Mungu, nawadhwaminishe nafusi zawo uMuumbizi alio muaminifu, ha wao urendra ndjema.

MATIYO 26:39

Atsengelea mbeli mwanapav̄i, areme uuso v̄otsi, amwesa amia Mungu ha urongoa: «Ɓaɓangu, neka iyo trongo mukinishiha, ishikombe ya matreso ini iv̄ire mbali na wami; ɓadi tsi ɗe mav̄endzeleo yangu, ɓadi yaho.»

1 MONYE 2:20

Kweli amba sifa trini ikao mutru amostahamili ziv̄ondro ɓaanda akosa? Ɓadi neka amba musustahamili maondo ɓaanda murendrao ndjema, iyo rehema mbeli za Mungu.

MAV̄INGIZI-RISALA 21:14

Ha iv̄o kakiri agaudziwa fikira, rimulishi tu na urongoa: «Mav̄endzeleo ya Mola nayafanyishihe!»

MATIYO 26:42

Atsengelea mbeli mwanapav̄i tsena mara ya v̄ili, amia Mungu zini: «Ɓaɓangu, neka tsi trongo mukinishiha ya ishikombe ini uv̄ira mbali wala nasuinwe, v̄av̄o mav̄endzeleo yaho nayafanyishihe.»

1 MONYE 4:15

V̄usuke ata moja hari mwanyu aondesheha amba waye muula, au mwidzi, murendrezi-mbovu, au asupasiwa na trongo za watru,

1 MONYE 2:15

Mana mav̄endzeleo ya Mungu ɗe amba ha ufanya ndjema, muɓale ihanyo ya ujinga wa yamalaɓa.

MAV̄INGIZI-RISALA 18:21

Awalaga ha urongoa: «[Inilazimu niv̄itse umusherehio ujao Yerusalemu.] Nitsomuregeani neka Mungu av̄endze.» Ɓas, atreke ulawa Efeso,

1 MONYE 1:6

Namufurahi na trongo iyo, wala ukana av̄asa hari mwa mwana muda, ukiri uka mungiliweni huzuni ha siɓaɓu ya madjereɓio ya namuna na namuna.