1 MONYE 2:16 - Ha`bari Ndjema ya I Maore

¹⁶ Namudziv̄inge shi wendza unafasi, ɓila ufanya unafasi wanyu amba shitamba ifinikiao taɓia mbi; mudziv̄inge shi warumwa wa Mungu.

1 MONYE 2:16 Referans Kwoze

MAGALATWIYA 5:13

He wanyu wananyangu, muhiriwa muke hari mwa unafasi. Ɓadi unafasi uwo, usufanyihe amba shisa ya ufanya taɓia ya shiuɓinadamu. Ɗe ha kinyume amba ha uv̄endzana yanyu, namurumishiane wanyu na wanyu.

MAROMU 6:22

Ɓadi av̄asa mukombolwa na ushindzi wa dhambi, mufanyiha warumwa wa Mungu; mavuna mulionayo ɗe utwaharifu, na umwiso ɗe uhayati mukamilifu wa daima.

1 MAKORINTIYO 7:22

Mana umurumwa ahiriwa na Raɓi, waye mwendza unafasi wa Raɓi; ɗe namuna iyo tsena, umwendza unafasi ahiriwa, waye murumwa wa Kristi.

MAROMU 6:18

Ɓasi iv̄o mwakombolwa na ushindzi wa dhambi, muja mufanyishiha warumwa wa uhaki.

MAGALATWIYA 5:1

Ile wasi rikane unafasi, ɗe Kristi arikomboa. Ɓasi v̄av̄o namuhodarishihe, wala musudzilishe mwarudi tsena mwatrika mulandza wa urumwa.

YAKOƁU 1:25

Ɓadi mutru aangaliao ha makini iSharia yendza ukamilifu iv̄ingiao unafasi, amwesa aendreleao nayo, tsi amba ha uivulishia na uiɗela, ɓadi ha uitria ndziani, mutru uwo atsoɓarikishiha hari mwa izo atsofanyao.

YAKOƁU 2:12

Namulaguwe na urendra shi watru watsohukumulwao ulawana na sharia ya shi unafasi.

MAEFESO 6:6

Tsi amba matsoni hawo tu mauri musutsaha mujiv̄idze wanadamu, ɓadi mauri warumwa wa Kristi, wafanyao ha piya umo wawo mav̄endzeleo ya Mungu.

2 MONYE 2:19

Wasuwav̄a wahadi wa unafasi, wakati ulio amba wao-wao wa warumwa wa taɓia ndziangamifu. Mana kula mutru uka murumwa wa iyo yamutawalia.

MAKOLOSIYA 3:24

ha wanyu ujua amba mutsopara ha Mola umwaratha ha zithawaɓu zanyu. Raɓi Kristi ɗe mumurumishiao.

MATIYO 23:13

«Maondo hanyuju, wanyu Mafundi ya Sharia na Mafarisayo, wanafiki! Mana musuɓalia wanadamu Utawalizi wa Monyewe ziMbingu; wanyu-wanyu kamusungia, wala kamusulisha wangia wao watsahao. [

YUDA 1:4

Mana v̄udziseledza hari mwanyu ɓaãdhwi ya watru walio amba hukuma yawo iangihwa rangu kaɓula. Wao wakufuru wagaudzao urehema wa Mungu watru ha uufanya shisa ya taɓia mbovu, na umuhara Insa-Kristi, alio weke wahe Fundi watru amma Raɓi.

1 MATESALONIKA 2:5

Kweli amba mauri ɗe inamuna mujuao, karaparokana nia ya umujiv̄idzani ha marongozi ya sifa, wala nia yadzama ya udziparia, Mungu a shahidi.

YUHANI 15:22

Na djeli tsaka naja, tsena tsaka nawarongodza, kawatsokana dhambi. Ɓadi av̄asa kawashindri upara siɓaɓu ya udziv̄a haki lidhambi lawo.