1 MONYE 2:12 - Ha`bari Ndjema ya I Maore

¹² Namukane maendreleo mazuri mbeli na watru kawamuji Mungu, ile pare v̄ahanu kamwe wamurongoaoni amba wanyu warendrezi-mbovu, waone zitrendro ndjema zanyu, amwesa wamutukuze Mungu isuku ya umujilio wahe.

1 MONYE 2:12 Referans Kwoze

1 MONYE 3:16

ɓadi namuifanye ha namuna ya shiuwekevu v̄umoja na hishima, na ukana roho yarahara, ile v̄ahanu kamwe musingidziwao, wao watefuao maendreleo mema yanyu hari mwa uv̄umoja wanyu na Kristi, waone haya.

MATIYO 5:16

Ɓasi ha inamuna iyo, iheu yanyu naiwale mbeli za wanadamu, pare waone zitrendro ndjema zanyu, wamutukuze Ɓaɓanyu Mungu alio mbinguni.»

2 MAKORINTIYO 8:21

Mana djitihadi yatru ɗe ufanya ndjema, tsi tu amba mbeli za Raɓi, ɓadi tsena mbeli za wanadamu.

1 MATESALONIKA 4:12

ile mudziv̄inge ha namuna yastahiki mbeli za watru wa shi v̄ondze, wala udzidjukumisa na mutru atsokao yotsi.

1 TIMUTAUSU 4:12

V̄wasuke mutru adharau ushaɓaɓi waho, ɓadi ka ha uwatru waaminio mufano hari mwa marongozi, maendreleo, uv̄endza, uaminifu, na uraharifu.

YAKOƁU 3:13

Uv̄i mengoni mwanyu alio mwendza hikima, tsena mwendza ujuzi? Ɓasi mutru uwo nav̄enuwe ha umuendreleo mwema wahe zitrendro zahe, ha umakini v̄umoja na hikima.

MAFILIPI 1:27

Ɓadi namudziv̄inge ha namuna yastahiki iIndjili ya Kristi, ile pare neka nisuja nimuoneni, au tsisuja, nikiye amba musiki hodari ha nia moja, amwesa ha ãzima moja musuwanilia uaminifu wa iIndjili,

2 MAKORINTIYO 1:12

Mana ingazi ya udziɓua yatru ɗe ushahidifu wa inafusi yatru amba ridziv̄ingi ulemenguni v̄anu, na hususwani mbeli zanyu, hari mwa uraharifu na ukweli zilawao ha Mungu; ɓila tsi amba ha hikima ya shiuɓinadamu, ɓadi ha urehema wa Mungu.

2 MONYE 3:11

Rangu piya zizo zitsoangamidziwao namuna iyo, ɓasi v̄av̄o mulazimu muke jeje? Ɗe ha muendreleo mutwaharifu v̄umoja na ĩɓada,

MAROMU 13:13

Naridziv̄inge ha namuna yalazimu yastahiki umutsana, ɓila uv̄endzoɗya, wala ulevi, ɓila uzani, wala taɓia kayalazimu, ɓila umani, wala uwivu.

MAROMU 12:17

Mwasuliv̄e mbovu ha mutru yotsi amufanyiani mbovu. Namudzihetsi ufanya ndjema mbeli za piya uwatru.

MAHEƁRANIYA 13:18

Namurimiliye Mungu. Kweli wasi rina yakini amba roho zatru zirahara, iv̄o riliona nia ya udziv̄inga ha uzuri hari mwa piya zitrongo.

1 TIMUTAUSU 2:2

Nazifanyiwe ha yamafalume na ha piya wendza ɓandza la yezi, ile riẽshi ha utrulivu na unafasi, ha trisidzo la Mungu v̄umoja na kula staha.

MAFILIPI 4:8

Yaɓaki iv̄o wananyangu, piya zilio kweli, piya zendza hishima, piya zilio haki, piya zendza uraharifu, piya zav̄endzesheha, piya zastahiki utukuziwa, piya zilio ndjema tsena zastahiki sifa, ɓasi trongo zizo nazike hari mwa fikira zanyu.

MAEFESO 4:22

ɗe amba ilazimu mutsuwe maendreleo ya hale yanyu, mulishe itaɓia ya utru wanyu wa hale uangamiao ha zingushauku ndzidangamanyifu,

MAHEƁRANIYA 13:5

iNamuna ya uẽshi yanyu yasuke hari mwa uv̄endza mali, namutoshehe na iyo mulionayo, mana Mungu waye-waye arongoa: «Tsitsohuɓauha dahari, tsitsohulatsa ata idahari.»

MAROMU 15:9

na watru wa zinishani zangina wamutukuze Mungu ha siɓaɓu ya urehema wahe. Mauri ɗe iheli yaangihwa moni na uMuangishio Mutwaharifu: «Iyo ɗe imana ata nitsohusifuo hari mwa zinishani zangina, nitsohedza djimbo la utukuza dzina laho.»

LUKASI 19:44

Watsohutseresa, wawe na uwana waho walio haho, wala kawatsolisha haho ata ɓwe moja uju na munyahe. Mana kwafahamu uwakati waka wajiliwa.»

MATIYO 10:25

Iyo utosha mwanashoni uka sawa na fundi wahe, na murumizi sawa na murumisa wahe. Neka watru wahiri shitswa wa umuraɓa ‹Ɓilizaɓula›, ha mara ngav̄i zaidi watsohirao namuna ile watru wa umuraɓa wahe!»

MATIYO 5:11

Furaha hanyuju neka wanadamu wasumuruhanani, wasumutresani, au wasumukadzani pandra la peu la kula namuna ha siɓaɓu ya wami.

1 MONYE 4:11

Neka mutru asulagua, nalaguwe shi mutru arongoao marongozi ya Mungu; neka mutru asurumishia, narumishiye ha zinguvu Mungu amudjaãliaozo, pare hari mwa piya zitrongo, Mungu atukuziwe ha ndzia ya Insa-Kristi, alio amba haheju utukufu na ushindzi zimuendrelea ha dahari. Amina.

MAEFESO 2:3

Na wasi piyasi wajau rika hari mwa ihisaɓu yawo, tsena rakoɗunga zingushauku za shiuɓinadamu zatru, rakofanya mav̄endzeleo ya yimili yatru na ya zifikira zatru; tsena ha ihali ya shiuɓinadamu yatru, rika ristahiki ihadhaɓu, mauri ɗe wasalia.

2 MAKORINTIYO 13:7

Ɓasi risumia Mungu mwasufanye mbovu itsokao yotsi, tsi amba wasi ɗe rikuɓalishihe, ɓadi amba wanyu ɗe mufanye ilio ndjema, wala ukana wasi risuonehwa wa trambo.

1 MAKORINTIYO 14:25

siri za iroho yahe zitsov̄enuha. Ha izo atsorema isura v̄otsi, amuãɓudu Mungu na urongoa amba ha kweli Mungu a hari mwanyu.

MAV̄INGIZI-RISALA 24:13

Kawashindri udhiɓitisha zizo wanisingidzao nazo av̄asa.

MAV̄INGIZI-RISALA 15:14

Simoni aeledza ha namuna jeje rangu mwandro, Mungu adzishuhulisa zinishani zangina ha utsahua watru mengoni mwawo wake umati wahe.

LUKASI 6:22

Furaha ha wanyu watru wamomuengani, au wamomutengani, au wamomuruhanani, au wamohetsi dzina lanyu amba ɓovu ha siɓaɓu ya uMwana wa Mwanadamu.

LUKASI 1:68

«Natukuziwe Mola Mungu wa Israila, mana aja aono na ukomboa umati wahe,

MATIYO 9:8

Wakati idunia yaona trongo zile, ingiliwa na faza, tsena yakomutukuza Mungu, iv̄o av̄a wanadamu yezi mauri ɗe ile.

MAV̄INGIZI-RISALA 25:7

Uwaswili yahe, Mayahudi yale yalawa Yerusalemu wamuzingidzia, amwesa wamusingidza trongo ndziro nyengi zilio amba kawakoshindra uzidhiɓitisha.

YUHANI 13:31

Ɓaanda Yudasi alawa v̄ale, Insa arongoa: «Av̄asav̄anu uMwana wa Mwanadamu|Mwana wa Mwanadamu atukuziwa, na Mungu atukuziwa haheju.

MAV̄INGIZI-RISALA 28:22

Ɓadi risuona afudhwali rihuvulishiye wawe yaho na zifikira zaho, mana risujua amba ishama iyo isukanyushiwa kula v̄ahanu.»

MAROMU 14:18

Uwo amurumishiao Kristi ha inamuna iyo, waye umujiv̄ia Mungu, tsena ukuɓaliwa na uwanadamu.

1 TIMUTAUSU 5:10

narongoleshehe ha zitrendro ndjema zahe, amba alele wana wahe ha uzuri, akokariɓisa, akohosa yimindru ya uwatwaharifu, akosaidi wendza taãɓu, na uendrelea na kula shitrendro ndjema.

1 MONYE 2:15

Mana mav̄endzeleo ya Mungu ɗe amba ha ufanya ndjema, muɓale ihanyo ya ujinga wa yamalaɓa.