1 MONYE 1:8 - Ha`bari Ndjema ya I Maore

⁸ alio amba kamwamuona, ɓadi wanyu umuv̄endza. Na ata av̄asa wala ukana kamusumuona, ne musumuamini, ata musungiliwa na furaha ndzitukufu kaieledzesheha,

1 MONYE 1:8 Referans Kwoze

YUHANI 20:29

Ɓas, Insa amuambia: «Ha siɓaɓu amba uniono, ɗe waamini? Waɓarikishiha wao kawaona, ne waamini.»

2 MAKORINTIYO 5:7

Mana risendra ha uaminifu, ɓadi tsi ha uona.

MAROMU 15:13

Ɓasi Mungu Monyewe av̄ao tama, namujadziyeni kula furaha na amani hari mwa uaminifu, ile pare itama yanyu yendre na uzidishiha ha ushindzi wa iRoho Ndzitwaharifu.

MAHEƁRANIYA 11:1

Na uaminifu, uwo ɗe iyakini ya iyo mutru atumainiao, muhakikisho wa izo mutru kasuziona.

YUHANI 16:22

Wanyu wajau, av̄asa mwa hari mwa huzuni. Ɓadi nitsomuonani raha, na iroho yanyu itsofurahi, tsena ifuraha yanyu, kav̄u ata mutru atsoshindrao amutoleyeniyo.

2 MAKORINTIYO 4:18

Ha izo, wasi uangalia tsi ɗe zile zionehanao ha yamatso, ɓadi ɗe zile kazionehana. Mana zionehanao uv̄ira na ndzia, ɓadi izo kazionehana uka ha daima.

1 MONYE 1:6

Namufurahi na trongo iyo, wala ukana av̄asa hari mwa mwana muda, ukiri uka mungiliweni huzuni ha siɓaɓu ya madjereɓio ya namuna na namuna.

MAHEƁRANIYA 11:27

Ɗe ha uaminifu ɗe alawia iMiswiri, ɓila uria hadhaɓu za mufalume; asiki hodari, amba mutru aonao Uwo alio amba kaonehana.

1 MONYE 2:7

Ɓasi v̄av̄o ha wanyu muaminio, ɓwe lilo lina faida halisi; ɓadi ha wao kawasuamini, «Ɓwe lile maundrizi walilatsa, lifanyishiha liɓwe mahususu la nyongaju.»

MAFILIPI 4:4

Namufurahini daima hari mwa uv̄umoja wanyu na Raɓi. Nisurudi niirongowe, namufurahini!

1 MONYE 5:4

Na wakati uMutsunga Muɓole atsov̄enuao, mutsopara ihishima yendza utukufu kaimenyeha.

MAEFESO 6:24

Urehema nauendreleye ha piya wamuv̄endzao Raɓi watru Insa-Kristi ha uv̄endza kaukomo.

MAFILIPI 1:25

Ɓasi tsina yakini na wiyo, nisujua amba nitsoɓaki, tsena nitsoendrelea na wanyu piyanyu ha siɓaɓu ya umuendreleo-mbeli wanyu, na ifuraha hari mwa uaminifu wanyu,

MAROMU 14:17

Mana Utawalizi wa Mungu tsi ɗe uɗya na unwa, ɓadi ɗe uhaki, amani, na furaha, ha iRoho Ndzitwaharifu.

YUHANI 14:24

Uwo kasuniv̄endza, katsosika marongozi yangu. Na urongozi muukiao, tsi wangu, ɓadi wa Ɓaɓa aniv̄eleha.

YUHANI 8:42

Insa awaambia: «Na djeli amba Mungu aka ɗe Ɓaɓanyu, mwatsoniv̄endza, mana ha Mungu ɗe nalawa, naja hunu. Tsaja ha iwami yangu monyewe, ɓadi Waye ɗe aniv̄eleha.

MAFILIPI 3:3

Mana watahiriwa wa kweli ɗe wasi, wasi riãɓuduo ha iRoho ya Mungu, ridzifaharishao hari mwa uv̄umoja watru na Kristi-Insa, tsena rilio amba karisutria tama yatru hari mwa uɓinadamu.

MAGALATWIYA 5:22

Ɓadi mavuna ya iRoho ɗe: uv̄endza, furaha, amani, suɓira, uwema, roho ndjema, uaminifu,

MAGALATWIYA 5:6

Mana hari mwa uv̄umoja na Kristi-Insa, tsi ɗe utahiriwa, au tsi utahiriwa ɗe iliona mana, ɓadi ɗe uaminifu urendrehao ha mahaɓa.

2 MAKORINTIYO 12:4

au neka aka ahedzewa pev̄oni, akia marongozi kayashindri urongolesheha, yalio amba kayaruhusiwa shiumbe mwanadamu itsokao yotsi ayarongoa.

2 MAKORINTIYO 9:15

Mungu nahimidiwe ha ineema kaina mufano yahe.

2 MAKORINTIYO 1:22

Waye ɗe aritria umuhuri wahe, tsena waye ɗe atria rohoni hatru iRoho, ile ike fungu la handra la izo arilishia.

MAV̄INGIZI-RISALA 16:34

Awav̄ingi hahe, awav̄a shahula. Afurahi v̄umoja na udjama wahe piya iv̄o waja wamuamini Mungu.

YUHANI 14:21

Mutru aliona ziãmuri zangu amwesa asuzituĩ, uwo ɗe aniv̄endzao; na uwo aniv̄endzao, atsov̄endzewa na Ɓaɓangu; na wami wajau nitsomuv̄endza, amwesa nitsodziv̄enua haheju.»

YUHANI 14:15

«Neka musuniv̄endza, mutsotuĩ ãmuri zangu.

MATIYO 10:37

Uwo amuv̄endzao ɓaɓahe au mayahe rahana wami, kanistahiki; na uwo av̄endzao umwana wahe mutruɓaɓa au mutrumama rahana wami, kanistahiki.

1 MAKORINTIYO 16:22

Neka v̄wa mutru kamuv̄endze Raɓi, nalaãniwe. Maranatha!

MAEFESO 3:19

tsena muijuwe uv̄endza ya Kristi iyo ilio amba isuv̄iria ujuzi, ha namuna amba mukamilishihe ujadziwa piya ukamilifu wa Mungu.